헬라어 문장 검색 - Διοδορ́Λιβραρψ́9́55́

(디오도로스 시켈로스, Library, book xvi, chapter 80)

καινοποιηθείσησ δὲ τῆσ μάχησ καὶ τῶν Φοινίκων τῷ πλήθει περιχεομένων τοὺσ Ἕλληνασ ἄφνω πολὺσ ἐκ τοῦ περιέχοντοσ ὄμβροσ κατερράγη καὶ χαλάζησ εὐμεγέθουσ πλῆθοσ, ἀστραπαί τε καὶ βρονταὶ μετὰ πνευμάτων μεγάλων κατέσκηπτον· καὶ τούτων ἁπάντων θυελλοφορουμένων τοῖσ μὲν Ἕλλησι κατὰ νώτου, τοῖσ δὲ βαρβάροισ κατὰ πρόσωπον οἱ μὲν περὶ τὸν Τιμολέοντα τὸ σύμπτωμα ῥᾳδίωσ ὑπέμενον, οἱ δὲ Φοίνικεσ τὸ μέγεθοσ τῆσ περιστάσεωσ φέρειν ἀδυνατοῦντεσ, ἅμα δὲ καὶ τῶν Ἑλλήνων ἐπικειμένων, πρὸσ φυγὴν ὡρ́μησαν. πάντων δ’ ἐπὶ τὸν ποταμὸν τρεπομένων, ἀναμὶξ ἱππέων τε καὶ πεζῶν, καὶ τῶν ἁρμάτων ἅμα τούτοισ φυρομένων οἱ μὲν ὑπ’ ἀλλήλων συμπατούμενοι καὶ τοῖσ τῶν συμμάχων ξίφεσι καὶ λόγχαισ περιπειρόμενοι τὴν συμφορὰν ἔσχον ἀβοήθητον, οἱ δ’ ὑπὸ τῶν παρὰ τοῖσ πολεμίοισ ἱππέων εἰσ τὸ τοῦ ποταμοῦ ῥεῖθρον ἀγεληδὸν συνελαυνόμενοι καὶ κατὰ νώτου τὰσ πληγὰσ λαμβάνοντεσ ἀπέθνησκον.

πολλοὶ δὲ ἄνευ πολεμίασ πληγῆσ διεφθείροντο σωρευομένων τῶν σωμάτων διά τε τὸν φόβον καὶ τὸ πλῆθοσ καὶ διὰ τὰσ ἐν τῷ ῥείθρῳ δυσχερείασ.

τὸ δὲ μέγιστον, λάβρων γεγενημένων τῶν ὄμβρων ὁ ποταμὸσ βιαιοτέρῳ τῷ ῥεύματι καταφερόμενοσ πολλοὺσ ἐβάπτιζε καὶ μετὰ τῶν ὅπλων διανηχομένουσ διέφθειρε. τέλοσ δὲ τῶν Καρχηδονίων οἱ μὲν τὸν ἱερὸν λόχον ἀναπληροῦντεσ καὶ τὸν μὲν ἀριθμὸν ὄντεσ δισχίλιοι καὶ πεντακόσιοι, ταῖσ δ’ ἀρεταῖσ καὶ δόξαισ, ἔτι δὲ ταῖσ οὐσίαισ πρωτεύοντεσ ἅπαντεσ ἀγωνισάμενοι λαμπρῶσ κατεκόπησαν.

τῶν δ’ ἄλλων τῶν συστρατευομένων αὐτοῖσ ἀπέθανον πλείουσ τῶν μυρίων, αἰχμάλωτοι δ’ ἐλήφθησαν οὐκ ἐλάττουσ τῶν μυρίων καὶ πεντακισχιλίων.

τῶν δὲ ἁρμάτων τὰ μὲν πολλὰ συνετρίβη κατὰ τὸν ἀγῶνα, διακόσια δ’ ἥλω· τὰ δὲ σκευοφόρα καὶ τὰ ζεύγη καὶ τὰ πλήθη τῶν ἁμαξῶν ὑποχείρια τοῖσ Ἕλλησιν ἐγένετο. τῶν δ’ ὅπλων τὰ πολλὰ μὲν ὑπὸ τοῦ ποταμοῦ διεφθάρη, ἐπὶ δὲ τὴν τοῦ Τιμολέοντοσ σκηνὴν χίλιοι μὲν θώρακεσ, ἀσπίδεσ δὲ πλείουσ τῶν μυρίων ἀπηνέχθησαν.

τούτων δ’ ὕστερον τὰ μὲν ἐν τοῖσ ἐν Συρακούσσαισ ναοῖσ ἀνετέθη, τὰ δὲ τοῖσ συμμάχοισ διεμερίσθη, τινὰ δ’ εἰσ Κόρινθον Τιμολέων ἀπέστειλε, προστάξασ εἰσ τὸ τοῦ Ποσειδῶνοσ ἱερὸν ἀναθεῖναι. πολλῶν δὲ καὶ χρημάτων καταληφθέντων διὰ τὸ τοὺσ Καρχηδονίουσ ἐσχηκέναι πλῆθοσ ἐκπωμάτων ἀργυρῶν τε καὶ χρυσῶν, ἔτι δὲ τὸν ἄλλον κόσμον ὑπερβάλλοντα διὰ τὸ μέγεθοσ τῆσ παρ’ αὐτοῖσ εὐπορίασ ἅπαντα συνεχώρησε τοῖσ στρατιώταισ ἔχειν ἔπαθλα τῆσ ἀνδραγαθίασ.

τῶν δὲ Καρχηδονίων οἱ διαφυγόντεσ τὸν ἐν τῇ μάχῃ κίνδυνον μόγισ εἰσ τὸ Λιλύβαιον διεσώθησαν.

τοσαύτη δ’ αὐτοὺσ κατάπληξισ καὶ δέοσ κατεῖχεν ὥστε μὴ τολμᾶν εἰσ τὰσ ναῦσ ἐμβαίνειν μηδ’ ἀποπλεῖν εἰσ τὴν Λιβύην, ὡσ διὰ τὴν τῶν θεῶν ἀλλοτριότητα πρὸσ αὐτοὺσ ὑπὸ τοῦ Λιβυκοῦ πελάγουσ καταποθησομένουσ. οἱ δ’ ἐν τῇ Καρχηδόνι τὸ μέγεθοσ πυθόμενοι τῆσ συμφορᾶσ συνετρίβησαν ταῖσ ψυχαῖσ καὶ συντόμωσ ὑπελάμβανον ἥξειν ἐπ’ αὐτοὺσ τὸν Τιμολέοντα μετὰ τῆσ δυνάμεωσ.

εὐθὺ δὲ Γέσκωνα τὸν Ἄννωνοσ πεφυγαδευμένον κατήγαγον καὶ στρατηγὸν ἀπέδειξαν διὰ τὸ δοκεῖν τόλμῃ τε καὶ στρατηγίᾳ διαφέρειν. αὐτοὶ δ’ ἔκριναν πολιτικοῖσ μὲν σώμασι μὴ διακινδυνεύειν, μισθοφόρουσ δὲ ἀλλοεθνεῖσ ἀθροίζειν καὶ μάλιστα Ἕλληνασ·

ὑπακούσεσθαι δ’ αὐτοῖσ πρὸσ τὴν στρατείαν πολλοὺσ ὑπελάμβανον διὰ τὸ μέγεθοσ τῆσ μισθοφορᾶσ καὶ τὴν εὐπορίαν τῆσ Καρχηδόνοσ. εἰσ δὲ τὴν Σικελίαν τοὺσ εὐθέτουσ πρέσβεισ ἐξέπεμψαν, προστάξαντεσ ἐφ’ οἷσ ἂν ᾖ δυνατὸν συνθέσθαι τὴν εἰρήνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 80

(디오도로스 시켈로스, Library, book xvi, chapter 80)

상위

목록

SEARCH

MENU NAVIGATION