헬라어 문장 검색 - Διοδορ́Λιβραρψ́9́44́

(디오도로스 시켈로스, Library, book xvi, chapter 56)

ἐπ’ ἄρχοντοσ δ’ Ἀθήνησι Θεμιστοκλέουσ ἐν Ῥώμῃ τὴν ὑπατικὴν ἀρχὴν διεδέξαντο Γάιοσ Κορνήλιοσ καὶ Μάρκοσ Ποπίλιοσ. ἐπὶ δὲ τούτων Βοιωτοὶ πολλὴν τῆσ Φωκίδοσ χώραν πορθήσαντεσ περὶ τὴν ὀνομαζομένην Υἅν πόλιν ἐνίκησαν τοὺσ πολεμίουσ καὶ κατέβαλον αὐτῶν περὶ ἑβδομήκοντα. μετὰ δὲ ταῦτα Βοιωτοὶ περὶ Κορώνειαν συμπλακέντεσ τοῖσ Φωκεῦσιν ἡττήθησαν καὶ συχνοὺσ ἀπέβαλον.

ἔπειτα τῶν Φωκέων κατασχόντων ἱκανάσ τινασ πόλεισ ἐν τῇ Βοιωτίᾳ στρατεύσαντεσ οἱ Βοιωτοὶ καὶ τὸν σῖτον ἐκ τῆσ χώρασ τῶν πολεμίων φθείραντεσ κατὰ τὴν ἐπάνοδον ἡττήθησαν. ἅμα δὲ τούτοισ πραττομένοισ Φάλαικοσ μὲν ὁ τῶν Φωκέων στρατηγὸσ, διαβληθεὶσ ὅτι πολλὰ τῶν ἱερῶν χρημάτων κέκλοφεν, ἐξέπεσεν ἐκ τῆσ ἀρχῆσ, ἀντὶ δὲ τούτου στρατηγῶν αἱρεθέντων τριῶν, Δεινοκράτουσ καὶ Καλλίου καὶ Σωφάνουσ, ἐγένετο ζήτησισ τῶν ἱερῶν χρημάτων καὶ λόγον τοὺσ κεχειρικότασ οἱ Φωκεῖσ ἀπῄτουν·

ἦν δὲ πλεῖστα διῳκηκὼσ Φίλων. οὗτοσ δ’ οὐ δυνάμενοσ ἀποδοῦναι τὸν λόγον κατεδικάσθη καὶ στρεβλωθεὶσ ὑπὸ τῶν στρατηγῶν τοὺσ μετέχοντασ τῆσ κλοπῆσ ἐμήνυσεν, αὐτὸσ δὲ ταῖσ ἐσχάταισ αἰκίαισ περιπεσὼν οἰκείαν τῆσ ἀσεβείασ ἔσχε τὴν τοῦ βίου καταστροφήν.

οἱ δὲ νοσφισάμενοι τὰ χρήματα τὰ σωζόμενα καὶ περιόντα τῶν ἐκ τῆσ κλοπῆσ ἀπέδωκαν, αὐτοὶ δ’ ἐθανατώθησαν ὡσ ἱερόσυλοι.

τῶν δὲ προγεγενημένων στρατηγῶν ὁ μὲν πρῶτοσ ἄρξασ Φιλόμηλοσ ἀπέσχετο τῶν ἀναθημάτων, ὁ δὲ δεύτεροσ,προσαγορευόμενοσ μὲν Ὀνόμαρχοσ, ἀδελφὸσ δ’ ὢν Φιλομήλου, πλεῖστα τῶν τοῦ θεοῦ χρημάτων κατεδαπάνησε, τρίτοσ δὲ Φάυλλοσ ὁ ἀδελφὸσ Ὀνομάρχου στρατηγήσασ οὐκ ὀλίγα τῶν ἀναθημάτων κατέκοψεν εἰσ τὰσ τῶν ξένων μισθοφοράσ. τὰσ γὰρ ἀνατεθείσασ ὑπὸ Κροίσου τοῦ Λυδῶν βασιλέωσ χρυσᾶσ πλίνθουσ, οὔσασ ἑκατὸν καὶ εἴκοσι διταλάντουσ, κατέκοψεν εἰσ νόμισμα, φιάλασ δὲ χρυσᾶσ τριακοσίασ καὶ ἑξήκοντα διμναίουσ καὶ λέοντα χρυσοῦν καὶ γυναῖκα, τριάκοντα ταλάντων χρυσοῦ σταθμὸν ἀγόντων τῶν πάντων·

ὥστε τὸ πᾶν κατακοπὲν χρυσίον εἰσ ἀργυρίου λόγον ἀναγομένων τῶν χρημάτων εὑρίσκεσθαι τάλαντα τετρακισχίλια· τῶν δ’ ἀργυρῶν ἀναθημάτων τῶν τε ὑπὸ Κροίσου καὶ τῶν ἄλλων ἁπάντων ἀνατεθέντων τοὺσ πάντασ στρατηγοὺσ δεδαπανηκέναι τάλαντα πλείω τῶν ἑξακισχιλίων, προστιθεμένων δὲ καὶ τῶν χρυσῶν ἀναθημάτων ὑπερβάλλειν τὰ μύρια τάλαντα. ἔνιοι δὲ τῶν συγγραφέων φασὶν οὐκ ἐλάττω γενέσθαι τὰ συληθέντα τῶν ἐν τοῖσ Περσικοῖσ θησαυροῖσ ὑπ’ Ἀλεξάνδρου κατακτηθέντων.

ἐπεχείρησαν δ’ οἱ περὶ τὸν Φάλαικον στρατηγοὶ καὶ τὸν ναὸν ὀρύττειν, εἰπόντοσ τινὸσ ὡσ ἐν αὐτῷ θησαυρὸσ εἰή πολὺν ἔχων ἄργυρόν τε καὶ χρυσόν· καὶ τὰ περὶ τὴν ἑστίαν καὶ τὸν τρίποδα φιλοτίμωσ ἀνέσκαπτον. ὁ δὲ μηνύσασ τὸν θησαυρὸν μάρτυρα παρείχετο τὸν ἐπιφανέστατον καὶ ἀρχαιότατον τῶν ποιητῶν Ὅμηρον ἐν οἷσ λέγει οὐδ’ ὅσα λάινοσ οὐδὸσ ἀφήτοροσ ἐντὸσ ἐέργει Φοίβου Ἀπόλλωνοσ Πυθοῖ ἐνὶ πετρηέσσῃ. τῶν δὲ στρατιωτῶν ἐγχειρούντων σκάπτειν τὰ περὶ τὸν τρίποδα σεισμοὶ μεγάλοι γενόμενοι τοῖσ Φωκεῦσι φόβον ἐπέστησαν, φανερῶσ δὲ τῶν θεῶν προσημαινόντων τὴν κατὰ τῶν ἱεροσύλων κόλασιν ἀπέστησαν τῶν ἔργων.

ὁ δὲ τῆσ παρανομίασ ταύτησ ἡγεμὼν Φίλων ὁ προειρημένοσ ταχὺ τῷ δαιμονίῳ τὰσ προσηκούσασ δίκασ ἐξέτισε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 56

(디오도로스 시켈로스, Library, book xvi, chapter 56)

상위

목록

SEARCH

MENU NAVIGATION