헬라어 문장 검색 - Πλυταρ́Αλεχανδ́76́

(플루타르코스, Alexander, chapter 76)

ἐν δὲ ταῖσ ἐφημερίσιν οὕτωσ γέγραπται τὰ περὶ τὴν νόσον. ὀγδόῃ ἐπὶ δεκάτῃ Δαισίου μηνὸσ ἐκάθευδεν ἐν τῷ λουτρῶνι διὰ τὸ πυρέξαι. τῇ δὲ ἑξῆσ λουσάμενοσ εἰσ τὸν θάλαμον μετῆλθε, καὶ διημέρευε πρὸσ Μήδιον κυβεύων. εἶτ’ ὀψὲ λουσάμενοσ καὶ τὰ ἱερὰ τοῖσ θεοῖσ ἐπιθείσ ἐμφαγὼν διὰ νυκτὸσ ἐπύρεξε. τῇ εἰκάδι λουσάμενοσ πάλιν ἔθυσε τὴν εἰθισμένην θυσίαν καὶ κατακείμενοσ ἐν τῷ λουτρῶνι τοῖσ περὶ Νέαρχον ἐσχόλαζεν, ἀκροώμενοσ τὰ περὶ τὸν πλοῦν καὶ τὴν μεγάλην θάλατταν.

τῇ δεκάτῃ φθίνοντοσ ταὐτὰ ποιήσασ μᾶλλον ἀνεφλέχθη, καὶ τὴν νύκτα βαρέωσ ἔσχε, καὶ τὴν ἐπιοῦσαν ἡμέραν ἐπύρεττε σφόδρα, καὶ μεταρθεὶσ κατέκειτο παρὰ τὴν μεγάλην κολυμβήθραν, ὅτε δὴ τοῖσ ἡγεμόσι διελέχθη περὶ τῶν ἐρήμων ἡγεμονίασ τάξεων, ὅπωσ καταστήσωσι δοκιμάσαντεσ. ἑβδόμῃ σφόδρα πυρέττων ἔθυσεν ἐξαρθεὶσ πρὸσ τὰ ἱερά τῶν δὲ ἡγεμόνων ἐκέλευε τοὺσ μεγίστουσ διατρίβειν ἐν τῇ αὐλῇ, ταξιάρχουσ δὲ καὶ πεντακοσιάρχουσ ἔξω νυκτερεύειν.

εἰσ δὲ τὰ πέραν βασίλεια διακομισθεὶσ τῇ ἕκτῃ μικρὸν ὕπνωσεν, ὁ δὲ πυρετὸσ οὐκ ἀνῆκεν. ἐπελθόντων δὲ τῶν ἡγεμόνων ἦν ἄφωνοσ, ὁμοίωσ δὲ καὶ τὴν πέμπτην διὸ καὶ τοῖσ Μακεδόσιν ἔδοξε τεθνάναι, καὶ κατεβόων ἐλθόντεσ ἐπὶ τὰσ θύρασ, καὶ διηπειλοῦντο τοῖσ ἑταίροισ ἑώσ ἐβιάσαντο καὶ τῶν θυρῶν αὐτοῖσ ἀνοιχθεισῶν ἐν τοῖσ χιτῶσι καθ’ ἕνα πάντεσ παρὰ τὴν κλίνην παρεξῆλθον. ταύτησ δὲ τῆσ ἡμέρασ οἱ περὶ Πύθωνα καὶ Σέλευκον εἰσ τὸ Σεραπεῖον ἀποσταλέντεσ ἠρώτων εἰ κομίσωσιν ἐκεῖ τὸν Ἀλέξανδρον ὁ δὲ θεὸσ κατὰ χώραν ἐᾶν ἀνεῖλε.

τῇ δὲ τρίτῃ φθίνοντοσ πρὸσ δείλην ἀπέθανε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 76

(플루타르코스, Alexander, chapter 76)

상위

목록

SEARCH

MENU NAVIGATION