Plutarch, Alexander, chapter 63

(플루타르코스, Alexander, chapter 63)

ἐντεῦθεν ὁρμήσασ Ἀλέξανδροσ τὴν ἔξω θάλασσαν ἐπιδεῖν, καὶ πολλὰ πορθμεῖα κωπήρη καὶ σχεδίασ πηξάμενοσ, ἐκομίζετο τοῖσ ποταμοῖσ ὑποφερόμενοσ σχολαίωσ. ὁ δὲ πλοῦσ οὐκ ἀργὸσ ἦν οὐδὲ ἀπόλεμοσ, προσβάλλων δὲ ταῖσ πόλεσι καὶ ἀποβαίνων ἐχειροῦτο πάντα, πρὸσ δὲ τοῖσ καλουμένοισ Μαλλοῖσ, οὕσ φασιν Ἰνδῶν μαχιμωτάτουσ γενέσθαι, μικρὸν ἐδέησε κατακοπῆναι. τοὺσ μὲν γὰρ ἀνθρώπουσ βέλεσιν ἀπὸ τῶν τειχῶν ἀπεσκέδασε, πρῶτοσ δὲ διὰ κλίμακοσ τεθείσησ ἀναβὰσ ἐπὶ τ ὁ τεῖχοσ, ὡσ ἥ τε κλίμαξ συνετρίβη καὶ τῶν βαρβάρων ὑφισταμένων παρὰ τὸ τεῖχοσ ἐλάμβανε πληγὰσ κάτωθεν, ὀλιγοστὸσ ὢν συστρέψασ ἑαυτὸν εἷσ μέσουσ ἀφῆκε τοὺσ πολεμίουσ καὶ κατὰ τύχην ὀρθὸσ ἔστη.

τιναξαμένου δὲ τοῖσ ὅπλοισ, ἔδοξαν οἱ βάρβαροι σέλασ τι καὶ φάσμα πρὸ τοῦ σώματοσ φέρεσθαι διὸ καὶ τὸ πρῶτον ἔφυγον καὶ διεσκεδάσθησαν·

ὡσ δὲ εἶδον αὐτὸν μετὰ δυεῖν ὑπασπιστῶν, ἐπιδραμόντεσ οἱ μὲν ἐκ χειρὸσ ξίφεσι καὶ δόρασι διὰ τῶν ὅπλων συνετίτρωσκον ἀμυνόμενον, εἷσ δὲ μικρὸν ἀπωτέρω στάσ ἐφῆκεν ἀπὸ τόξου βέλοσ οὕτωσ εὔτονον καὶ βίαιον ὥστε τὸν θώρακα διακόψαν ἐμπαγῆναι τοῖσ περὶ τὸν μασθὸν ὀστέοισ. πρὸσ δὲ τὴν πληγὴν ἐνδόντοσ αὐτοῦ καὶ τὸ σῶμα κάμψαντοσ, ὁ μὲν βαλὼν ἐπέδραμε βαρβαρικὴν μάχαιραν σπασάμενοσ, Πευκέστασ δὲ καὶ Λιμναῖοσ προέστησαν ὧν πληγέντων ἑκατέρων ὁ μὲν ἀπέθανε, Πευκέστασ δὲ ἀντεῖχε, τὸν δὲ βάρβαρον Ἀλέξανδροσ ἀπέκτεινεν.

αὐτὸσ δὲ τραύματα πολλὰ λαβών, τέλοσ δὲ πληγεὶσ ὑπέρῳ κατὰ τοῦ τραχήλου, προσήρεισε τῷ τείχει τὸ σῶμα, βλέπων πρὸσ τοὺσ πολεμίουσ, ἐν τούτῳ δὲ τῶν Μακεδόνων περιχυθέντων ἁρπασθεὶσ ἀναίσθητοσ ἤδη τῶν περὶ αὐτὸν ἐπὶ σκηνῆσ ἐκομίζετο. καὶ παραυτίκα μὲν ὡσ τεθνεῶτοσ ἦν λόγοσ ἐν τῷ στρατοπέδῳ χαλεπῶσ δὲ καὶ πολυπόνωσ τὸν ὀϊστὸν ἐκπρισάντων ξύλινον ὄντα, καὶ τοῦ θώρακοσ οὕτω μόλισ ἀπολυθέντοσ, περὶ τὴν ἐκκοπὴν ἐγίνοντο τῆσ ἀκίδοσ ἐνδεδυκυίασ ἑνὶ τῶν ὀστέων.

λέγεται δὲ τὸ μὲν πλάτοσ τριῶν δακτύλων εἶναι, τὸ δὲ μῆκοσ τεσσάρων. διὸ ταῖσ λιποθυμίαισ ἔγγιστα θανάτου συνελαυνόμενοσ ἐξαιρουμένησ αὐτῆσ, ὅμωσ ἀνέλαβε, καὶ διαφυγὼν τὸν κίνδυνον, ἔτι δὲ ἀσθενὴσ ὢν καὶ πολὺν χρόνον ἐν διαίτῃ καὶ θεραπείαισ ἔχων αὑτόν, ἔξω θορυβοῦντασ ὡσ ᾔσθετο ποθοῦντασ αὐτὸν ἰδεῖν τοὺσ Μακεδόνασ, λαβὼν ἱμάτιον προῆλθε, καὶ θύσασ τοῖσ θεοῖσ αὖθισ ἀνήχθη καὶ παρεκομίζετο χώραν τε πολλὴν καὶ πόλεισ μεγάλασ καταστρεφόμενοσ.

일치하는 문장이 없습니다.

SEARCH

MENU NAVIGATION