Plutarch, Alexander, chapter 12

(플루타르코스, Alexander, chapter 12)

ἐν δὲ τοῖσ πολλοῖσ πάθεσι καὶ χαλεποῖσ ἐκείνοισ ἃ τὴν πόλιν κατεῖχε, Θρᾷκέσ τινεσ ἐκκόψαντεσ οἰκίαν Τιμοκλείασ, γυναικὸσ ἐνδόξου καὶ σώφρονοσ, αὐτοὶ μὲν τὰ χρήματα διήρπαζον, ὁ δὲ ἡγεμὼν τῇ γυναικὶ πρὸσ βίαν συγγενόμενοσ καὶ καταισχύνασ, ἀνέκρινεν εἴ που χρυσίον ἔχοι κεκρυμμένον ἢ ἀργύριον, ἡ δὲ ἔχειν ὡμολόγησε, καὶ μόνον εἰσ τὸν κῆπον ἀγαγοῦσα καὶ δείξασα φρέαρ, ἐνταῦθα ἔφη τῆσ πόλεωσ ἁλισκομένησ καταβαλεῖν αὐτὴ τὰ τιμιώτατα τῶν χρημάτων. ἐγκύπτοντοσ δὲ τοῦ Θρᾳκὸσ καὶ κατασκεπτομένου τὸν τόπον, ἐώσεν αὐτὸν ἐξόπισθεν γενομένη, καὶ τῶν λίθων ἐπεμβαλοῦσα πολλοὺσ ἀπέκτεινεν.

ὡσ δὲ ἀνήχθη πρὸσ Ἀλέξανδρον ὑπὸ τῶν Θρᾳκῶν δεδεμένη, πρῶτον μὲν ἀπὸ τῆσ ὄψεωσ καὶ τῆσ βαδίσεωσ ἐφάνη τισ ἀξιωματικὴ καὶ μεγαλόφρων, ἀνεκπλήκτωσ καὶ ἀδεῶσ ἑπομένη τοῖσ ἄγουσιν ἔπειτα τοῦ βασιλέωσ ἐρωτήσαντοσ ἥτισ εἰή γυναικῶν, ἀπεκρίνατο Θεαγένουσ ἀδελφὴ γεγονέναι, τοῦ παραταξαμένου πρὸσ Φίλιππον ὑπὲρ τῆσ τῶν Ἑλλήνων ἐλευθερίασ καὶ πεσόντοσ ἐν Χαιρωνείᾳ στρατηγοῦντοσ.

θαυμάσασ οὖν ὁ Ἀλέξανδροσ αὐτῆσ καὶ τὴν ἀπόκρισιν καὶ τὴν πρᾶξιν, ἐκέλευσεν ἐλευθέραν ἀπιέναι μετὰ τῶν τέκνων.

일치하는 문장이 없습니다.

SEARCH

MENU NAVIGATION