Plutarch, Alexander, chapter 32

(플루타르코스, Alexander, chapter 32)

ἀπελθόντων δὲ τούτων κατακλιθεὶσ ὑπὸ σκηνὴν λέγεται τὸ λοιπὸν μέροσ τῆσ νυκτὸσ ὕπνῳ βαθεῖ κρατηθῆναι παρὰ τὸ εἰωθόσ, ὥστε θαυμάζειν ἐπελθόντασ ὄρθρου τοὺσ ἡγεμόνασ καὶ παρ’ αὑτῶν ἐξενεγκεῖν παράγγελμα πρῶτον ἀριστοποιεῖσθαι τοὺσ στρατιώτασ ἔπειτα τοῦ καιροῦ κατεπείγοντοσ εἰσελθόντα Παρμενίωνα καὶ παραστάντα τῇ κλίνῃ δὶσ ἢ τρὶσ αὐτοῦ φθέγξασθαι τοὔνομα· "τί γάρ;

"οὐκ ἤδη σοι νενικηκέναι δοκοῦμεν ἀπηλλαγμένοι τοῦ πλανᾶσθαι καὶ διώκειν ἐν πολλῇ καὶ κατεφθαρμένῃ φυγομαχοῦντα χώρᾳ, Δαρεῖον; οὐ μόνον δὲ πρὸ τῆσ μάχησ, ἀλλὰ καὶ παρ’ αὐτὸν τὸν κίνδυνον ἐπεδείξατο μέγαν καὶ συνεστηκότα τῷ λογίζεσθαι καὶ θαρρεῖν ἑαυτόν. ἔσχε γὰρ ὁ ἀγὼν ὑποτροπὴν καὶ σάλον ἐν τῷ εὐωνύμῳ κέρατι κατὰ Παρμενίωνα, τῆσ Βακτριανῆσ ἵππου ῥόθῳ πολλῷ καὶ μετὰ βίασ παρεμπεσούσησ εἰσ τοὺσ Μακεδόνασ, Μαζαίου δὲ περιπέμψαντοσ ἔξω τῆσ φάλαγγοσ ἱππεῖσ τοῖσ σκευοφυλακοῦσι προσβαλοῦντασ.

διὸ καὶ θορυβούμενοσ ὑπ’ ἀμφοτέρων ὁ Παρμενίων ἀπέστειλε πρὸσ Ἀλέξανδρον ἀγγέλουσ φράζοντασ οἴχεσθαι τὸν χάρακα καὶ τὰσ ἀποσκευάσ, εἰ μὴ κατὰ τάχοσ βοήθειαν ὀχυρὰν ἀπὸ τοῦ στόματοσ πέμψειε τοῖ· ἔτυχε μὲν οὖν κατ’ ἐκεῖνο καιροῦ τοῖσ περὶ αὐτὸν ἐφόδου διδοὺσ σημεῖον ὡσ δὲ ἤκουσε τὰ παρὰ τοῦ Παρμενίωνοσ, οὐκ ἔφη σωφρονεῖν αὐτὸν οὐδὲ ἐντὸσ εἶναι τῶν λογισμῶν, ἀλλ’ ἐπιλελῆσθαι ταραττόμενον ὅτι νικῶντεσ μὲν προσκτήσονται καὶ τὰ τῶν πολεμίων, ἡττωμένοισ δὲ φροντιστέον οὐ χρημάτων οὐδὲ ἀνδραπόδων, ἀλλ’ ὅπωσ ἀποθανοῦνται καλῶσ καὶ λαμπρῶσ ἀγωνιζόμενοι.

ταῦτα ἐπιστείλασ Παρμενίωνι τὸ κράνοσ περιέθετο, τὸν δὲ ἄλλον ὁπλισμόν εὐθὺσ ἀπὸ σκηνῆσ εἶχεν, ὑπένδυμα τῶν Σικελικῶν ζωστόν, ἐπὶ δὲ τούτῳ θώρακα διπλοῦν λινοῦν ἐκ τῶν ληφθέντων ἐν Ἰσσῷ.

τὸ δὲ κράνοσ ἦν μὲν σιδηροῦν, ἔστιλβε δὲ ὥσπερ ἄργυροσ καθαρόσ, ἔργον Θεοφίλου, συνήρμοστο δὲ αὐτῷ περιτραχήλιον ὁμοίωσ σιδηροῦν, λιθοκόλλητον μάχαιραν δὲ θαυμαστὴν βαφῇ καὶ κουφότητι, δωρησαμένου τοῦ Κιτιέων βασιλέωσ, εἶχεν, ἠσκημένοσ τὰ πολλὰ χρῆσθαι μαχαίρᾳ παρὰ τὰσ μάχασ. ἐπιπόρπωμα δὲ ἐφόρει τῇ μὲν ἐργασίᾳ σοβαρώτερον ἢ κατὰ τὸν ἄλλον ὁπλισμόν ἦν γὰρ ἔργον Ἑλικῶνοσ τοῦ παλαιοῦ, τιμὴ δὲ τῆσ Ῥοδίων πόλεωσ, ὑφ’ ἧσ ἐδόθη δῶρον·

ἐχρῆτο δὲ καὶ τούτῳ πρὸσ τοὺσ ἀγῶνασ, ἄχρι μὲν οὖν συντάττων τι τῆσ φάλαγγοσ ἢ παρακελευόμενοσ ἢ διδάσκων ἢ ἐφορῶν παρεξήλαυνεν, ἄλλον ἵππον εἶχε, τοῦ Βουκεφάλα φειδόμενοσ ἤδη παρήλικοσ ὄντοσ χωροῦντι δὲ πρὸσ ἔργον ἐκεῖνοσ προσήγετο, καὶ μεταβὰσ εὐθὺσ ἦρχεν ἐφόδου.

일치하는 문장이 없습니다.

SEARCH

MENU NAVIGATION