Plutarch, Alexander, chapter 59

(플루타르코스, Alexander, chapter 59)

"καὶ μάχησ ἡμῖν, Ἀλέξανδρε, πρὸσ ἀλλήλουσ, εἰ μήτε ὕδωρ ἀφαιρησόμενοσ ἡμῶν ἀφῖξαι μήτε τροφὴν ἀναγκαίαν, ὑπὲρ ὧν μόνων ἀνάγκη διαμάχεσθαι νοῦν ἔχουσιν ἀνθρώποισ; "τοῖσ δὲ ἄλλοισ χρήμασι καὶ κτήμασι λεγομένοισ, εἰ μέν εἰμι κρείττων, ἕτοιμοσ εὖ ποιεῖν, εἰ δὲ ἥττων, οὐ φεύγω χάριν ἔχειν εὖ παθών. "δίχα μάχησ ἔσεσθαι τὴν ἔντευξιν ἡμῖν ἀπὸ τοιούτων λόγων καὶ φιλοφροσύνησ;

"ἀλλ’ οὐδέν σοι πλέον ἐγὼ γὰρ ἀγωνιοῦμαι πρὸσ σὲ καὶ διαμαχοῦμαι ταῖσ χάρισιν, ὥσ μου χρηστὸσ ὢν μὴ περιγένῃ. λαβὼν δὲ δῶρα πολλὰ καὶ δοὺσ πλείονα τέλοσ χίλια τάλαντα νομίσματοσ αὐτῷ προέπιεν.

ἐφ’ οἷσ τούσ μέν φίλουσ ἰσχυρῶσ ἐλύπησε, τῶν δὲ βαρβάρων πολλοὺσ ἐποίησεν ἡμερωτέρωσ ἔχειν πρὸσ αὐτόν. ἐπεὶ δὲ τῶν Ἰνδῶν οἱ μαχιμώτατοι μισθοφοροῦντεσ ἐπεφοίτων ταῖσ πόλεσιν ἐρρωμένωσ ἀμύνοντεσ καὶ πολλὰ τὸν Ἀλέξανδρον ἐκακοποίουν, σπεισάμενοσ ἔν τινι πόλει πρὸσ αὐτούσ ἀπιόντασ ἐν ὁδῷ λαβὼν ἅπαντασ ἀπέκτεινε, καὶ τοῦτο τοῖσ πολεμικοῖσ ἔργοισ αὐτοῦ, τὰ ἄλλα νομίμωσ καὶ βασιλικῶσ πολεμήσαντοσ, ὥσπερ κηλὶσ πρόσεστιν. οὐκ ἐλάσσονα δὲ τούτων οἱ φιλόσοφοι πράγματα παρέσχον αὐτῷ, τούσ τε προστιθεμένουσ τῶν βασιλέων κακίζοντεσ καὶ τούσ ἐλευθέρουσ δήμουσ ἀφιστάντεσ.

διὸ καὶ τούτων πολλοὺσ ἐκρέμασε.

일치하는 문장이 없습니다.

SEARCH

MENU NAVIGATION