Plutarch, Alexander, chapter 73

(플루타르코스, Alexander, chapter 73)

εἰσ δὲ Βαβυλῶνα προάγοντοσ αὐτοῦ Νέαρχοσ ἀφίκετο γὰρ αὖθισ εἰσπλεύσασ Εἰσ τὸν Εὐφράτην διὰ τῆσ μεγάλησ θαλάσσησ ἔφη τινὰσ ἐντυχεῖν αὐτῷ Χαλδαίουσ, παραινοῦντασ ἀπέχεσθαι Βαβυλῶνοσ τὸν Ἀλέξανδρον. ὁ δὲ οὐκ ἐφρόντισεν, ἀλλ’ ἐπορεύετο· καὶ πρὸσ τοῖσ τείχεσι γενόμενοσ ὁρᾷ κόρακασ πολλοὺσ διαφερομένουσ καὶ τύπτοντασ ἀλλήλουσ, ὧν ἔνιοι κατέπεσον παρ’ αὐτόν, ἔπειτα μηνύσεωσ γενομένησ κατὰ Ἀπολλοδώρου τοῦ στρατηγοῦ τῆσ Βαβυλῶνοσ ὡσ εἰή περὶ αὐτοῦ τεθυμένοσ, ἐκάλει Πυθαγόραν τὸν μάντιν. καὶ τὸν Πυθαγόραν οὐδὲν ἠδίκησεν.

ἤχθετο δὲ μὴ πεισθεὶσ τῷ Νεάρχῳ, καὶ τὰ πολλὰ τῆσ Βαβυλῶνοσ ἔξω κατασκηνῶν καὶ περιπλέων τὸν Εὐφράτην διέτριβεν. ἠνώχλει δ’ αὐτὸν σημεῖα πολλά, καὶ γὰρ λέοντα τῶν τρεφομένων μέγιστον καὶ κάλλιστον ἥμεροσ ὄνοσ ἐπελθὼν καὶ λακτίσασ ἀνεῖλεν. ἀποδυσαμένου δὲ πρὸσ ἄλειμμα καὶ σφαῖραν αὐτοῦ παίζοντοσ οἱ νεανίσκοι οἱ σφαιρίζοντεσ, ὡσ ἔδει πάλιν λαβεῖν τὰ ἱμάτια, καθορῶσιν ἄνθρωπον ἐν τῷ θρόνῳ καθεζόμενον σιωπῇ, τὸ διάδημα καὶ τὴν στολὴν τὴν βασιλικὴν περικείμενον.

οὗτοσ ἀνακρινόμενοσ ὅστισ εἰή, πολὺν χρόνον ἄναυδοσ ἦν μόλισ δὲ συμφρονήσασ Διονύσιοσ μὲν ἔφη καλεῖσθαι, Μεσσήνιοσ δὲ εἶναι τὸ γένοσ·

ἐκ δέ τινοσ αἰτίασ καὶ κατηγορίασ ἐνταῦθα κομισθεὶσ ἀπὸ θαλάσσησ πολὺν χρόνον γεγονέναι ἐν δεσμοῖσ· ἄρτι δὲ αὐτῷ τὸν Σάραπιν ἐπιστάντα τοὺσ δεσμοὺσ ἀνεῖναι καὶ προαγαγεῖν δεῦρο, καὶ κελεῦσαι λαβόντα τὴν στολὴν καὶ τὸ διάδημα καθίσαι καὶ σιωπᾶν.

일치하는 문장이 없습니다.

SEARCH

MENU NAVIGATION