호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα μὲν οὖν ὁ ̔̀ Ἕρμιππόσ φησι τὸν ἀναγνώστην τοῦ Καλλισθένουσ Στροῖβον Ἀριστοτέλει διηγεῖσθαι, τὸν δὲ Καλλισθένη συνέντα τήν ἀλλοτριότητα τοῦ βασιλέωσ δὶσ ἢ τρὶσ ἀπιόντα πρὸσ αὑτὸν εἰπεῖν κάτθανε καὶ Πάτροκλοσ, ὅπερ σέο πολλὸν ἀμείνων. οὐ φαύλωσ οὖν εἰπεῖν ἐοίκεν ὁ Ἀριστοτέλησ ὅτι Καλλισθένησ λόγῳ μὲν ἦν δυνατὸσ καὶ μέγασ, νοῦν δὲ οὐκ εἶχεν. ἀλλὰ τήν γε προσκύνησιν ἰσχυρῶσ ἀπωσάμενοσ καὶ φιλοσόφωσ, καὶ μόνοσ ἐν φανερῷ διελθὼν ἃ κρύφα πάντεσ οἱ βέλτιστοι καὶ πρεσβύτατοι τῶν Μακεδόνων ἠγανάκτουν, τοὺσ μὲν Ἕλληνασ αἰσχύνησ ἀπήλλαξε μεγάλησ, καὶ μείζονοσ Ἀλέξανδρον, ἀποτρέψασ τήν προσκύνησιν, αὑτὸν δὲ ἀπώλεσεν, ἐκβιάσασθαι δοκῶν μᾶλλον ἢ πεῖσαι τὸν βασιλέα.
Χάρησ δὲ ὁ Μιτυληναῖόσ φησι τὸν Ἀλέξανδρον ἐν τῷ συμποσίῳ πιόντα φιάλην προτεῖναί τινι τῶν φίλων·
τὸν δὲ δεξάμενον πρὸσ ἑστίαν ἀναστῆναι καὶ πιόντα προσκυνῆσαι πρῶτον, εἶτα φιλῆσαι τὸν Ἀλέξανδρον, καὶ κατακλιθῆναι. διακλῖναι τὸ φίλημα τὸν Ἀλέξανδρον, τὸν δὲ Καλλισθένη μέγα φθεγξάμενον εἰπεῖν·
"φιλήματι τοίνυν ἔλασσον ἔχων ἄπειμι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기