Plutarch, Alexander, chapter 72

(플루타르코스, Alexander, chapter 72)

ὡσ δὲ ἧκεν εἰσ Ἐκβάτανα τῆσ Μηδίασ καὶ διῴκησε τὰ κατεπείγοντα, πάλιν ἦν ἐν θεάτροισ καὶ πανηγύρεσιν, ἅτε δὴ τρισχιλίων αὐτῷ τεχνιτῶν ἀπὸ τῆσ Ἑλλάδοσ ἀφιγμένων. ἔτυχε δὲ περὶ τὰσ ἡμέρασ ἐκείνασ Ἡφαιστίων πυρέσσων· τοῦτο οὐδενὶ λογισμῷ τὸ πάθοσ Ἀλέξανδροσ ἤνεγκεν, ἀλλ’ εὐθὺσ μὲν ἵππουσ τε κεῖραι πάντασ ἐπὶ πένθει καὶ ἡμιόνουσ ἐκέλευσε καὶ τῶν πέριξ πόλεων ἀφεῖλε τὰσ ἐπάλξεισ, τὸν δὲ ἄθλιον ἰατρὸν ἀνεσταύρωσεν, αὐλοὺσ δὲ κατέπαυσε καὶ μουσικὴν πᾶσαν ἐν τῷ στρατοπέδῳ πολὺν χρόνον, ἑώσ ἐξ Ἄμμωνοσ ἦλθε μαντεία τιμᾶν Ἡφαιστίωνα καὶ θύειν ὡσ ἡρ́ωϊ παρακελεύουσα.

τοῦ δὲ πένθουσ παρηγορίᾳ τῷ πολέμῳ χρώμενοσ, ὥσπερ ἐπὶ θήραν καὶ κυνηγέσιον ἀνθρώπων ἐξῆλθε καὶ τὸ Κοσσαίων ἔθνοσ κατεστρέφετο, πάντασ ἡβηδὸν ἀποσφάττων·

τοῦτο δὲ · Ἡφαιστίωνοσ ἐναγισμὸσ ἐκαλεῖτο. τύμβον δὲ καὶ ταφὴν αὐτοῦ καὶ τὸν περὶ ταῦτα κόσμον ἀπὸ μυρίων ταλάντων ἐπιτελέσαι διανοούμενοσ, ὑπερβαλέσθαι δὲ τῷ φιλοτέχνῳ καὶ περιττῷ τῆσ κατασκευῆσ τὴν δαπάνην, ἐπόθησε μάλιστα τῶν τεχνιτῶν Στασικράτην, μεγαλουργίαν τινὰ καὶ τόλμαν καὶ κόμπον ἐν ταῖσ καινοτομίαισ ἐπαγ γελλόμενον. οὗτοσ γὰρ αὐτῷ πρότερον ἐντυχὼν ἔφη τῶν ὀρῶν μάλιστα τὸν Θρᾴκιον Ἄθων διατύπωσιν ἀνδρείκελον δέχεσθαι καὶ διαμόρφωσιν ἂν οὖν κελεύῃ, μονιμώτατον ἀγαλμάτων αὐτῷ καὶ περιφανέστατον ἐξεργάσεσθαι τὸν Ἄθων, τῇ μὲν ἀριστερᾷ χειρὶ περιλαμβάνοντα μυρίανδρον πόλιν οἰκουμένην, τῇ δὲ δεξιᾷ σπένδοντα ποταμοῦ ῥεῦμα δαψιλὲσ εἰσ τὴν θάλασσαν ἀπορρέοντοσ, ταῦτα μὲν οὖν παρῃτήσατο, πολλῷ δὲ ἀτοπώτερα καὶ δαπανηρότερα τούτων σοφιζόμενοσ τότε καὶ συμμηχανώμενοσ τοῖσ τεχνίταισ διέτριβεν.

일치하는 문장이 없습니다.

SEARCH

MENU NAVIGATION