Plutarch, Alexander, chapter 21

(플루타르코스, Alexander, chapter 21)

τρεπομένῳ δὲ πρὸσ τὸ δεῖπνον αὐτῷ φράζει τισ ἐν τοῖσ αἰχμαλώτοισ ἀγομένασ μητέρα καὶ γυναῖκα Δαρείου καὶ θυγατέρασ δύο παρθένουσ ἰδούσασ τὸ ἁρ́μα καὶ τὰ τόξα κόπτεσθαι καὶ θρηνεῖν, ὡσ ἀπολωλότοσ ἐκείνου. συχνὸν οὖν ἐπισχὼν χρόνον Ἀλέξανδροσ, καὶ ταῖσ ἐκείνων τύχαισ μᾶλλον ἢ ταῖσ ἑαυτοῦ ἐμπαθὴσ γενόμενοσ, πέμπει Λεοννάτον, ἀπαγγεῖλαι κελεύσασ ὡσ οὔτε Δαρεῖοσ τέθνηκεν οὔτε Ἀλέξανδρον δεδιέναι χρή· Δαρείῳ γὰρ ὑπὲρ ἡγεμονίασ πολεμεῖν, ἐκείναισ δὲ πάντα ὑπάρξειν ὧν καὶ Δαρείου βασιλεύοντοσ ἠξιοῦντο.

τοῦ δὲ λόγου ταῖσ γυναιξὶν ἡμέρου καὶ χρηστοῦ φανέντοσ ἔτι μᾶλλον τὰ τῶν ἔργων ἀπήντα φιλάνθρωπα. θάψαι γὰρ ὅσουσ ἐβούλοντο Περσῶν ἔδωκεν, ἐσθῆτι καὶ κόσμῳ χρησαμέναισ ἐκ τῶν λαφύρων, θεραπείασ τε καὶ τιμῆσ ἦν εἶχον οὐδ’ ὁτιοῦν ἀφεῖλε, συντάξεισ δὲ καὶ μείζονασ ἐκαρποῦντο τῶν προτέρων, ἡ δὲ καλλίστη καὶ βασιλικωτάτη χάρισ ἦν παρ’ αὐτοῦ γυναιξὶ γενναίαισ γενομέναισ αἰχμαλώτοισ καὶ σώφροσι μήτε ἀκοῦσαι τι μήτε ὑπονοῆσαι μήτε προσδοκῆσαι τῶν αἰσχρῶν, ἀλλ’ ὥσπερ οὐκ ἐν στρατοπέδῳ πολεμίων, ἀλλ’ ἐν ἱεροῖσ καὶ ἁγίοισ υλαττομένασ φυλαττομένασ παρθενῶσιν ἀπόρρητον ἔχειν καὶ ἀόρατον ἑτέροισ δίαιταν. καίτοι λέγεταί γε τὴν Δαρείου γυναῖκα πολὺ πασῶν τῶν βασιλίδων εὐπρεπεστάτην γενέσθαι, καθάπερ καὶ αὐτὸσ Δαρεῖοσ ἀνδρῶν κάλλιστοσ καὶ μέγιστοσ, τὰσ δὲ παῖδασ ἐοικέναι τοῖσ γονεῦσιν.

ἀλλ’ Ἀλέξανδροσ, ὡσ ἐοίκε, τοῦ νικᾶν τοὺσ πολεμίουσ τὸ κρατεῖν ἑαυτοῦ βασιλικώτερον ἡγούμενοσ, οὔτε τούτων ἔθιγεν οὔτε ἄλλην ἔγνω γυναῖκα πρὸ γάμου, πλὴν Βαρσίνησ.

αὕτη δὲ, μετὰ τὴν Μέμνονοσ τελευτὴν χήρα γενομένη, περὶ Δαμασκὸν ἐλήφθη. τὰσ δὲ ἄλλασ αἰχμαλώτουσ ὁρῶν ὁ Ἀλέξανδροσ κάλλει καὶ μεγέθει διαφερούσασ ἔλεγε παίζων ὡσ εἰσὶν ἀλγηδόνεσ ὀμμάτων αἱ Περσίδεσ, ἀντεπιδεικνύμενοσ δὲ πρὸσ τὴν ἰδέαν τὴν ἐκείνων τὸ τῆσ ἰδίασ ἐγκρατείασ καὶ σωφροσύνησ κάλλοσ, ὥσπερ ἀψύχουσ εἰκόνασ ἀγαλμάτων παρέπεμψεν.

일치하는 문장이 없습니다.

SEARCH

MENU NAVIGATION