Plutarch, Alexander, chapter 1

(플루타르코스, Alexander, chapter 1)

τὸν Ἀλεξάνδρου τοῦ βασιλέωσ βίον καὶ τοῦ Καίσαροσ, ὑφ’ οὗ κατελύθη Πομπήϊοσ, ἐν τούτῳ τῷ βιβλίῳ γράφοντεσ, διὰ τὸ πλῆθοσ τῶν ὑποκειμένων πράξεων οὐδὲν ἄλλο προεροῦμεν ἢ παραιτησόμεθα τοὺσ ἀναγινώσκοντασ, ἐὰν μὴ πάντα μηδὲ καθ’ ἕκαστον ἐξειργασμένωσ τι τῶν περιβοήτων ἀπαγγέλλωμεν, ἀλλὰ ἐπιτέμνοντεσ τὰ πλεῖστα, μὴ συκοφαντεῖν. ὥσπερ οὖν οἱ ζῳγράφοι τὰσ ὁμοιότητασ ἀπὸ τοῦ προσώπου καὶ τῶν περὶ τὴν ὄψιν εἰδῶν, οἷσ ἐμφαίνεται τὸ ἦθοσ, ἀναλαμβάνουσιν, ἐλάχιστα τῶν λοιπῶν μερῶν φροντίζοντεσ, οὕτωσ ἡμῖν δοτέον εἰσ τὰ τῆσ ψυχῆσ σημεῖα μᾶλλον ἐνδύεσθαι καὶ διὰ τούτων εἰδοποιεῖν τὸν ἑκάστου βίον, ἐάσαντασ ἑτέροισ τὰ μεγέθη καὶ τοὺσ ἀγῶνασ.

일치하는 문장이 없습니다.

SEARCH

MENU NAVIGATION