헬라어 문장 검색 - Πλυταρ́Αλεχανδ́71́

(플루타르코스, Alexander, chapter 71)

τῶν δὲ παίδων Τῶν τρισμυρίων, οὓσ ἀσκουμένουσ καὶ μανθάνοντασ ἀπέλιπε, τοῖσ τε σώμασιν ἀνδρείων φανέντων καὶ τοῖσ εἴδεσιν εὐπρεπῶν, ἔτι δὲ καὶ ταῖσ μελέταισ εὐχέρειαν καὶ κουφότητα θαυμαστὴν ἐπιδειξαμένων, αὐτὸσ μὲν ἥσθη, τοῖσ δὲ Μακεδόσι δυσθυμία παρέστη καὶ δέοσ, ὡσ ἧττον αὐτοῖσ τοῦ βασιλέωσ προσέξοντοσ. διὸ καὶ τοὺσ ἀσθενεῖσ καὶ πεπηρωμένουσ αὐτοῦ καταπέμποντοσ ἐπὶ θάλατταν ὕβριν ἔφασαν εἶναι καὶ προπηλακισμόν, ἀνθρώποισ ἀποχρησάμενον εἰσ ἅπαντα νῦν ἀποτίθεσθαι σὺν αἰσχύνῃ καὶ προσρίπτειν ταῖσ πατρίσι καὶ τοῖσ γονεῦσιν, οὐ τοιούτουσ παραλαβόντα.

πάντασ οὖν ἐκέλευον ἀφιέναι καὶ πάντασ ἀχρήστουσ νομίζειν Μακεδόνασ, ἔχοντα τοὺσ νέουσ τούτουσ πυρριχιστάσ, σὺν οἷσ ἐπιὼν κατακτήσεται τὴν οἰκουμένην. πρὸσ ταῦτα χαλεπῶσ ὁ Ἀλέξανδροσ ἔσχε, καὶ πολλὰ μὲν ἐλοιδόρησεν αὐτοὺσ πρὸσ ὀργήν, ἀπελάσασ δὲ τὰσ φυλακὰσ παρέδωκε Πέρσαισ καὶ κατέστησεν ἐκ τούτων δορυφόρουσ καὶ ῥαβδοφόρουσ, ὑφ’ ὧν ὁρῶντεσ αὐτὸν παραπεμπόμενον, αὐτοὺσ δὲ ἀπειργομένουσ καὶ προπηλακιζομένουσ, ἐταπεινοῦντο καὶ διδόντεσ λόγον εὑρ́ισκον αὑτοὺσ ὀλίγου δεῖν μανέντασ ὑπὸ ζηλοτυπίασ καὶ ὀργῆσ.

τέλοσ δὲ συμφρονήσαντεσ ἐβάδιζον ἄνοπλοι καὶ μονοχίτωνεσ ἐπὶ τὴν σκηνήν, μετὰ βοῆσ καὶ κλαυθμοῦ παραδιδόντεσ ἑαυτούσ καὶ χρήσασθαι κελεύοντεσ ὡσ κακοῖσ καὶ ἀχαρίστοισ.

ὁ δ’ οὐ προσίετο, καίπερ ἤδη μαλασσόμενοσ. οἱ δ’ οὐκ ἀπέστησαν, ἀλλ’ ἡμέρασ δύο καὶ νύκτασ οὕτω προσεστῶτεσ καὶ ὀλοφυρόμενοι καὶ κοίρανον ἀνακαλοῦντεσ ἐκαρτέρησαν. τῇ δὲ τρίτῃ προελθὼν καὶ θεασάμενοσ οἰκτροὺσ καὶ τεταπεινωμένουσ ἐδάκρυε πολὺν χρόνον εἶτα μεμψάμενοσ μέτρια καὶ προσαγορεύσασ φιλανθρώπωσ ἀπέλυσε τοὺσ ἀχρήστουσ δωρησάμενοσ μεγαλοπρεπῶσ, καὶ γράψασ πρὸσ Ἀντίπατρον ὅπωσ ἐν πᾶσι τοῖσ ἀγῶσι καὶ τοῖσ θεάτροισ προεδρίαν ἔχοντεσ ἐστεφανωμένοι καθέζοιντο.

τῶν δὲ τεθνηκότων τοὺσ παῖδασ ὀρφανοὺσ ὄντασ ἐμμίσθουσ ἐποίησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 71

(플루타르코스, Alexander, chapter 71)

상위

목록

SEARCH

MENU NAVIGATION