헬라어 문장 검색 - Πλυταρ́Αλεχανδ́70́

(플루타르코스, Alexander, chapter 70)

ὁ δὲ Ἀλέξανδροσ ἀπὸ τῆσ πυρᾶσ γενόμενοσ, καὶ συναγαγὼν πολλοὺσ Τῶν φίλων καὶ Τῶν ἡγεμόνων ἐπὶ δεῖπνον, ἀγῶνα προὔθηκε καὶ στέφανον ἀκρατοποσίασ. ὁ μὲν οὖν πλεῖστον πιὼν Πρόμαχοσ ἄχρι χοῶν τεσσάρων προῆλθε· καὶ λαβὼν τὸ νικητήριον, στέφανον ταλαντιαῖον, ἡμέρασ τρεῖσ ἐπέζησε, Τῶν δὲ ἄλλων, ὡσ Χάρησ φησί, τετταράκοντα καὶ εἷσ ἀπέθανον πιόντεσ, ἰσχυροῦ τῇ μέθῃ κρύουσ ἐπιγενομένου. τῶν δὲ ἑταίρων γάμον ἐν Σούσοισ ἐπιτελῶν, καὶ λαμβάνων μὲν αὐτὸσ γυναῖκα τὴν Δαρείου θυγατέρα Στάτειραν, διανέμων δὲ τὰσ ἀρίστασ τοῖσ ἀρίστοισ, κοινὸν δὲ Τῶν ἤδη προγεγαμηκότων Μακεδόνων γάμον ἄλλον ἑστιάσασ, ἐν ᾧ φασιν ἐννακισχιλίων Τῶν παρακεκλημένων ἐπὶ τὸ δεῖπνον ὄντων ἑκάστῳ χρυσῆν φιάλην πρὸσ τὰσ σπονδὰσ δοθῆναι, τά τε ἄλλα θαυμαστῶσ ἐλαμπρύνατο καὶ τά χρέα τοῖσ δανείσασιν ὑπὲρ Τῶν ὀφειλόντων αὐτὸσ διαλύσασ, τοῦ παντὸσ ἀναλώματοσ ἐλάσσονοσ μυρίων ταλάντων ἑκατὸν τριάκοντα ταλάντοισ γενομένου, ἐπεὶ δὲ Ἀντιγένησ ὁ ἑτερόφθαλμοσ ὡσ ὀφείλων ἀπεγράψατο ψευδῶσ, καὶ παραγαγών τινα φάσκοντα δεδανεικέναι πρὸσ τὴν τράπεζαν, ἀπέτισε τὸ ἀργύριον, εἶτ’ ἐφωράθη ψευδόμενοσ, ὀργισθεὶσ ὁ βασιλεὺσ ἀπήλασε τῆσ αὐλῆσ αὐτὸν καὶ παρείλετο τὴν ἡγεμονίαν.

ἦν δὲ λαμπρὸσ ἐν τοῖσ πολεμικοῖσ ὁ Ἀντιγένησ καὶ ἔτι δὲ νέοσ ὤν, Φιλίππου πολιορκοῦντοσ Πέρινθον, ἐμπεσόντοσ αὐτῷ καταπελτικοῦ βέλουσ εἷσ τὸν ὀφθαλμόν, οὐ παρέσχε βουλομένοισ ἐξελεῖν τὸ βέλοσ οὐδὲ ὑφήκατο πρὶν ὤσασθαι προσμαχόμενοσ καὶ κατακλεῖσαι τοὺσ πολεμίουσ εἷσ τὸ τεῖχοσ.

οὐ μετρίωσ οὖν τότε τὴν ἀτιμίαν ἔφερεν, ἀλλὰ δῆλοσ ἦν ἑαυτὸν ὑπὸ λύπησ καὶ βαρυθυμίασ διαχρησόμενοσ.

καὶ τοῦτο δείσασ ὁ βασιλεὺσ ἀνῆκε τὴν ὀργὴν καὶ τὰ χρήματα ἔχειν ἐκέλευσεν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 70

(플루타르코스, Alexander, chapter 70)

상위

목록

SEARCH

MENU NAVIGATION