헬라어 문장 검색 - Πλυταρ́Αλεχανδ́53́

(플루타르코스, Alexander, chapter 53)

τοὺσ δὲ ἄλλουσ σοφιστὰσ καὶ κόλακασ ὁ Καλλισθένησ ἐλύπει σπουδαζόμενοσ μὲν ὑπὸ τῶν νέων διὰ τὸν λόγον, οὐχ ἧττον δὲ τοῖσ πρεσβυτέροισ ἀρέσκων διὰ τὸν βίον, εὔτακτον ὄντα καὶ σεμνὸν καὶ αὐτάρκη, καὶ βεβαιοῦντα τὴν λεγομένην τῆσ ἀποδημίασ πρόφασιν, ὅτι τοὺσ πολίτασ καταγαγεῖν καὶ κατοικίσαι πάλιν τὴν πατρίδα φιλοτιμούμενοσ ἀνέβη πρὸσ Ἀλέξανδρον. φθονούμενοσ δὲ διὰ τὴν δόξαν ἔστιν ἃ καὶ καθ’ αὑτοῦ τοῖσ διαβάλλουσι παρεῖχε, τάσ τε κλήσεισ τὰ πολλὰ διωθούμενοσ, ἔν τε τῷ συνεῖναι βαρύτητι καὶ σιωπῇ δοκῶν οὐκ ἐπαινεῖν οὐδὲ ἀρέσκεσθαι τοῖσ γινομένοισ, ὥστε καὶ τὸν Ἀλέξανδρον εἰπεῖν ἐπ’ αὐτῷ μισῶ σοφιστήν, ὅστισ οὐδ’ αὑτῷ σοφόσ.

λέγεται δέ ποτε πολλῶν παρακεκλημένων ἐπὶ τὸ δεῖπνον ἐπαινέσαι κελευσθεὶσ ἐπὶ τοῦ ποτηρίου Μακεδόνασ ὁ Καλλισθένησ οὕτωσ εὐροῆσαι πρὸσ τὴν ὑπόθεσιν ὥστε ἀνισταμένουσ κροτεῖν καὶ βάλλειν τοὺσ στεφάνουσ ἐπ’ αὐτόν·

εἰπεῖν οὖν τὸν Ἀλέξανδρον ὅτι, κατ’ Εὐριπίδην, τὸν λαβόντα τῶν λόγων καλὰσ ἀφορμὰσ οὐ μέγ’ ἔργον εὖ λέγειν· "τὴν αὑτοῦ δύναμιν ἡμῖν κατηγορήσασ Μακεδόνων, ἵνα καὶ βελτίουσ γένωνται μαθόντεσ ἃ πλημμελοῦσιν.

οὕτω δὴ τὸν ἄνδρα πρὸσ τῆσ παλινῳδίαν τραπόμενον πολλὰ παρρησιάσασθαι κατὰ τῶν Μακεδόνων, καὶ τὴν Ἑλληνικὴν στάσιν αἰτίαν ἀποφήναντα τῆσ γενομένησ περὶ Φίλιππον αὐξήσεωσ καὶ δυνάμεωσ εἰπεῖν· ἐν δὲ διχοστασίῃ καὶ ὁ πάγκακοσ ἔλλαχε τιμῆσ ἐφ’ ᾧ πικρὸν καὶ βαρὺ ἐγγενέσθαι μῖσοσ τοῖσ Μακεδόσι, καὶ τὸν Ἀλέξανδρον εἰπεῖν ὡσ οὐ τῆσ δεινότητοσ ὁ Καλλισθένησ, ἀλλὰ τῆσ δυσμενείασ Μακεδόσιν ἀπόδειξιν δέδωκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 53

(플루타르코스, Alexander, chapter 53)

상위

목록

SEARCH

MENU NAVIGATION