헬라어 문장 검색 - Πλυταρ́Αλεχανδ́35́

(플루타르코스, Alexander, chapter 35)

ἐπιὼν δὲ τὴν Βαβυλωνίαν ἅπασαν εὐθὺσ ἐπ’ αὐτῷ γενομένην ἐθαύμασε μάλιστα τό τε χάσμα τὸν πυρὸσ ὥσπερ ἐκ πηγῆσ συνεχῶσ ἀναφερομένου, καὶ τό ῥεῦμα τοῦ νάφθα λιμνάζοντοσ διὰ τὸ πλῆθοσ οὐ πόρρω τοῦ χάσματοσ, ὃσ τἆλλα μὲν ἀσφάλτῳ προσέοικεν, οὕτω δὲ εὐπαθὴσ πρὸσ τὸ πῦρ ἐστιν ὥστε, πρὶν ἢ θιγεῖν τὴν φλόγα, δι’ αὐτῆσ τῆσ περὶ τὸ φῶσ ἐξαπτόμενοσ αὐγῆσ τὸν μεταξὺ πολλάκισ ἀέρα συνεκκαίειν. ἐπιδεικνύμενοι δὲ τὴν φύσιν αὐτοῦ καὶ δύναμιν οἱ βάρβαροι τὸν ἄγοντα πρὸσ τὴν κατάλυσιν τοῦ βασιλέωσ στενωπὸν ἐλαφρῶ τῷ φαρμάκῳ κατεψέκασαν εἶτα στάντεσ ἐπ’ ἄκρῳ τοὺσ λαμπτῆρασ τοῖσ βεβρεγμένοισ προσέθηκαν ἤδη γὰρ συνεσκόταζε.

τῶν δὲ πρώτων εὐθὺσ ἁψαμένων οὐκ ἔσχεν ἡ νομὴ χρόνον αἰσθητόν, ἀλλ’ ἅμα νοήματι διῖκτο πρὸσ θάτερον πέρασ καὶ πῦρ ἐγεγόνει συνεχὲσ ὁ στενωπόσ. ἦν δέ τισ Ἀθηνοφάνησ Ἀθηναῖοσ τῶν περὶ ἄλειμμα καὶ λουτρὸν εἰωθότων τὸ σῶμα θεραπεύειν τοῦ βασιλέωσ καὶ τὴν διάνοιαν ἐμμελῶσ ἀπάγειν ἐπὶ τὸ ῥᾴθυμον.

"ὦ βασιλεῦ, διάπειραν ἐν Στεφάνῳ τοῦ φαρμάκου λάβωμεν; "ἂν γὰρ ἅψηται τούτου καὶ μὴ κατασβεσθῇ, παντάπασιν ἂν φαίην ἄμαχον καὶ δεινὴν αὐτοῦ τὴν δύναμιν εἶναι. προθύμωσ δέ πωσ καὶ τοῦ παιδαρίου διδόντοσ ἑαυτὸν πρὸσ τὴν πεῖραν, ἅμα τῷ περιαλεῖψαι καὶ θιγεῖν ἐξήνθησε φλόγα τοσαύτην τὸ σῶμα καὶ πυρὶ κατεσχέθη τὸ πᾶν ὥστε τὸν Ἀλέξανδρον εἰσ πᾶν ἀπορίασ καὶ δέουσ ἐλθεῖν εἰ δὲ μὴ κατὰ τύχην πολλοὶ παρῆσαν ἀγγεῖα πρὸσ τὸ λουτρὸν ὕδατοσ διὰ χειρῶν ἔχοντεσ, οὐκ ἂν ἔφθασεν ἡ βοήθεια τὴν ἐπινομήν.

ἀλλὰ καὶ τότε μόγισ κατέσβεσαν τὸ σῶμα τοῦ παιδὸσ δι’ ὅλου πῦρ γενόμενον, καὶ μετὰ ταῦτα χαλεπῶσ ἔσχεν.

εἰκότωσ οὖν ἔνιοι τὸν μῦθον ἀνασῴζοντεσ πρὸσ τὴν ἀλήθειαν τοῦτό φασιν εἶναι τὸ τῆσ Μηδείασ φάρμακον, ᾧ τὸν τραγῳδούμενον στέφανον καὶ τὸν πέπλον ἔχρισεν. οὐ γὰρ ἐξ αὐτῶν ἐκείνων οὐδὲ ἀπ’ αὐτομάτου λάμψαι τὸ πῦρ, ἀλλὰ φλογὸσ ἐγγύθεν παρατεθείσησ ὀξεῖαν ὁλκὴν καὶ συναφὴν ἄδηλον αἰσθήσει γενέσθαι, τὰσ γὰρ ἀκτῖνασ καὶ τὰ ῥεύματα τοῦ πυρὸσ ἄπωθεν ἐπερχόμενα τοῖσ μὲν ἄλλοισ σώμασι φῶσ καὶ θερμότητα προσβάλλειν μόνον, ἐν δὲ τοῖσ ξηρότητα πνευματικὴν ἢ νοτίδα λιπαρὰν καὶ διαρκῆ κεκτημένοισ ἀθροιζόμενα καὶ πυριγονοῦντα μεταβάλλειν ὀξέωσ τὴν ὕλην. παρεῖχε δὲ ἀπορίαν ἢ γένεσισ .

. . εἴτε μᾶλλον ὑπέκκαυμα τῆσ φλογὸσ ὑπορρεῖ τὸ ὑγρὸν ἐκ τῆσ γῆσ φύσιν λιπαρὰν καὶ πυριγόνον ἐχούσησ. καὶ γάρ ἐστιν ἡ Βαβυλωνία σφόδρα πυρώδησ, ὥστε τὰσ μὲν κριθὰσ χαμόθεν ἐκπηδᾶν καὶ ἀποπάλλεσθαι πολλάκισ, οἱο͂ν ὑπὸ φλεγμονῆσ τῶν τόπων σφυγμοὺσ ἐχόντων, τοὺσ δὲ ἀνθρώπουσ ἐν τοῖσ καύμασιν ἐπ’ ἀσκῶν πεπληρωμένων ὕδατοσ καθεύδειν.

Ἅρπαλοσ δὲ τῆσ χώρασ ἀπολειφθεὶσ ἐπιμελητήσ καὶ φιλοκαλῶν Ἑλληνικαῖσ φυτείαισ διακοσμῆσαι τὰ βασίλεια καὶ τοὺσ περιπάτουσ, τῶν μὲν ἄλλων ἐκράτησε, τὸν δὲ κιττὸν οὐκ ἔστεξεν ἡ γῆ μόνον, ἀλλ’ ἀεὶ διέφθειρεν οὐ φέροντα τὴν κρᾶσιν ἡ μὲν γὰρ πυρώδησ, ὁ δὲ φιλόψυχροσ, τῶν μὲν οὖν τοιούτων παρεκβάσεων, ἂν μέτρον ἔχωσιν, ἧττον ἴσωσ οἱ δύσκολοι κατηγορήσουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 35

(플루타르코스, Alexander, chapter 35)

상위

목록

SEARCH

MENU NAVIGATION