헬라어 문장 검색 - Πλυταρ́Αλεχανδ́23́

(플루타르코스, Alexander, chapter 23)

ἦν δὲ καὶ πρόσ οἶνον ἧττον ἢ ἐδόκει καταφερήσ. ἔδοξε δὲ διὰ τὸν χρόνον ὃν οὐ πίνων μᾶλλον ἢ λαλῶν εἷλκεν ἐφ’ ἑκάστησ κύλικοσ, ἀει μακρόν τινα λόγον διατιθέμενοσ, καὶ ταῦτα πολλῆσ σχολῆσ οὔσησ, ἐπεὶ πρόσ γε τὰσ πράξεισ οὐκ οἶνοσ ἐκεῖνον, οὐχ ὕπνοσ, οὐ παιδιά τισ, οὐ γάμοσ, οὐ θέα, καθάπερ ἄλλουσ στρατηγούσ, ἐπέσχε. δηλοῖ δὲ ὁ βίοσ, ὃν βιώσασ βραχὺν παντάπασι, πλείστων καὶ μεγίστων πράξεων ἐνέπλησεν.

ἐν δὲ ταῖσ σχολαῖσ πρῶτον μὲν ἀναστὰσ καὶ θύσασ τοῖσ θεοῖσ εὐθὺσ ἠρίστα καθήμενοσ· ἔπειτα διημέρευε κυνηγῶν ἢ δικάζων ἢ συντάττων τι τῶν πολεμικῶν ἢ ἀναγινώσκων. εἰ δὲ ὁδὸν βαδίζοι μὴ λίαν ἐπείγουσαν, ἐμάνθανεν ἅμα πορευόμενοσ ἢ τοξεύειν ἢ ἐπιβαίνειν ἁρ́ματοσ ἐλαυνομένου καὶ ἀποβαίνειν. πολλάκισ δὲ παίζων καὶ ἀλώπεκασ ἐθήρευε καὶ ὄρνιθασ, ὡσ ἔστι λαβεῖν ἐκ τῶν ἐφημερίδων, καταλύσασ δὲ καὶ τρεπόμενοσ πρόσ λουτρὸν ἢ ἄλειμμα, τοὺσ ἐπὶ τῶν σιτοποιῶν καὶ μαγείρων ἀνέκρινεν εἰ τὰ πρόσ τὸ δεῖπνον εὐτρεπῶσ ἔχουσι.

καὶ δειπνεῖν μὲν ὀψὲ καὶ σκότουσ ἤδη κατακλινόμενοσ ἤρχετο, θαυμαστὴ δὲ ἦν ἡ ἐπιμέλεια καὶ περίβλεψισ ἐπὶ τῆσ τραπέζησ, ὅπωσ μηδὲν ἀνίσωσ μηδὲ ὀλιγώρωσ διανέμοιτο· τὸν δὲ πότον, ὥσπερ εἴρηται, μακρόν ὑπὸ ἀδολεσχίασ ἐξέτεινε. καὶ τἆλλα πάντων ἥδιστοσ ὢν βασιλέων συνεῖναι καὶ χάριτοσ οὐδεμιᾶσ ἀμοιρῶν, τότε ταῖσ μεγαλαυχίαισ ἀηδὴσ ἐγίνετο καὶ λίαν στρατιωτικόσ, αὐτόσ τε πρόσ τὸ κομπῶδεσ ὑποφερόμενοσ καὶ τοῖσ κόλαξιν ἑαυτὸν ἀνεικὼσ ἱππάσιμον, ὑφ’ ὧν οἱ χαριέστεροι τῶν παρόντων ἐπετρίβοντο, μήτε ἁμιλλᾶσθαι τοῖσ κόλαζι μήτε λείπεσθαι βουλόμενοι τῶν αὐτῶν ἐπαίνων, τὸ μὲν γὰρ αἰσχρὸν ἐδόκει, τὸ δὲ κίνδυνον ἔφερε.

μετὰ δὲ τὸν πότον λουσάμενοσ ἐκάθευδε πολλάκισ μέχρι μέσησ ἡμέρασ·

ἔστι δ’ ὅτε καὶ διημέρευεν ἐν τῷ καθεύδειν. αὐτὸσ μὲν οὖν καὶ ὄψων ἐγκρατὴσ ἦν, ὥστε καὶ τὰ σπανιώτατα πολλάκισ τῶν ἀπὸ θαλάττησ αὐτῷ κομιζομένων ἀκροδρύων καὶ ἰχθύων ἑκάστῳ διαπεμπόμενοσ τῶν ἑταίρων ἑαυτῷ μόνῳ μηδὲν καταλιπεῖν· τὸ μέντοι δεῖπνον ἦν ἀεὶ μεγαλοπρεπέσ, καὶ τοῖσ εὐτυχήμασι τῆσ δαπάνησ ἅμα συναυξομένησ τέλοσ εἰσ μυρίασ δραχμὰσ προῆλθεν.

ἐνταῦθα δὲ ἔστη, καὶ τοσοῦτον ὡρίσθη τελεῖν τοῖσ ὑποδεχομένοισ Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 23

(플루타르코스, Alexander, chapter 23)

상위

목록

SEARCH

MENU NAVIGATION