헬라어 문장 검색 - Πλυταρ́Αλεχανδ́19́

(플루타르코스, Alexander, chapter 19)

ἔτι δὲ μᾶλλον ἐθάρρησε καταγνοὺσ δειλίαν Ἀλεξάνδρου πολὺν χρόνον ἐν Κιλικίᾳ διατρίψαντοσ. ἦν δὲ ἡ διατριβὴ διὰ νόσον, ἣν οἱ μὲν ἐκ κόπων, οἱ δὲ λουσαμένῳ ἐν τῷ τοῦ Κύδνου ῥεύματι καταπαγέντι προσπεσεῖν λέγουσι. τῶν μὲν οὖν ἄλλων ἰατρῶν οὐδεὶσ ἐθάρρει βοηθήσειν, ἀλλὰ τὸν κίνδυνον οἰόμενοι πάσησ ἰσχυρότερον εἶναι βοηθείασ ἐφοβοῦντο τὴν ἐκ τοῦ σφαλῆναι διαβολὴν πρὸσ τοὺσ Μακεδόνασ·

Φίλιπποσ δ’ ὁ Ἀκαρνὰν μοχθηρὰ μὲν ἑώρα τὰ περὶ αὐτὸν ὄντα, τῇ δὲ φιλίᾳ πιστεύων, καὶ δεινὸν ἡγούμενοσ εἰ κινδυνεύοντι μὴ συγκινδυνεύσει μέχρι τῆσ ἐσχάτησ πείρασ βοηθῶν καὶ παραβαλλόμενοσ, ἐπεχείρησε φαρμακείᾳ καὶ συνέπεισεν αὐτὸν ὑπομεῖναι καὶ πιεῖν, σπεύδοντα ῥωσθῆναι πρὸσ τὸν πόλεμον. ἐν τούτῳ δὲ Παρμενίων ἔπεμψεν ἐπιστολὴν ἀπὸ στρατοπέδου, διακελευόμενοσ αὐτῷ φυλάξασθαι τὸν Φίλιππον ὡσ ὑπὸ Δαρείου πεπεισμένον ἐπὶ δωρεαῖσ μεγάλαισ καὶ γάμῳ θυγατρὸσ ἀνελεῖν Ἀλέξανδρον.

ὁ δὲ τὴν ἐπιστολὴν ἀναγνοὺσ καὶ μηδενὶ δείξασ τῶν φίλων ὑπὸ τὸ προσκεφάλαιον ὑπέθηκεν. ὥστε θαυμαστὴν καὶ θεατρικὴν τὴν ὄψιν εἶναι, τοῦ μὲν ἀν ἀναγινώσκοντοσ, τοῦ δὲ πίνοντοσ, εἶτα ἅμα πρὸσ ἀλλήλουσ ἀποβλεπόντων οὐχ ὁμοίωσ, ἀλλὰ τοῦ μὲν Ἀλεξάνδρου φαιδρῷ τῷ προσώπῳ καὶ διακεχυμένῳ τὴν πρὸσ τὸν Φίλιππον εὐμένειαν καὶ πίστιν ἀποφαίνοντοσ, ἐκείνου δὲ πρὸσ τὴν διαβολὴν ἐξισταμένου καὶ ποτὲ μὲν θεοκλυτοῦντοσ καὶ πρὸσ τὸν οὐρανὸν ἀνατείνοντοσ τὰσ χεῖρασ, ποτὲ δὲ τῇ κλίνῃ περιπίπτοντοσ καὶ παρακαλοῦντοσ τὸν Ἀλέξανδρον εὐθυμεῖν καὶ προσέχειν αὐτῷ.

τὸ γὰρ φάρμακον ἐν ἀρχῇ κρατῆσαν τοῦ σώματοσ οἱο͂ν ἀπέωσε καὶ κατέδυσεν εἰσ βάθοσ τὴν δύναμιν, ὥστε καὶ φωνὴν ἐπιλιπεῖν καὶ τὰ περὶ τὴν αἴσθησιν ἀσαφῆ καὶ μικρὰ κομιδῇ γενέσθαι, λιποθυμίασ ἐπιπεσούσησ·

οὐ μὴν ἀλλὰ ταχέωσ ἀναληφθεὶσ ὑπὸ τοῦ Φιλίππου καὶ ῥαΐσασ αὑτὸν ἐπέδειξε τοῖσ Μακεδόσιν οὐ γὰρ ἐπαύοντο πρὶν ἰδεῖν τὸν Ἀλέξανδρον ἀθυμοῦντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 19

(플루타르코스, Alexander, chapter 19)

상위

목록

SEARCH

MENU NAVIGATION