헬라어 문장 검색 - Πλυταρ́Αλεχανδ́17́

(플루타르코스, Alexander, chapter 17)

οὗτοσ ὁ ἀγὼν μεγάλην εὐθὺσ ἐποίησε τῶν πραγμάτων μεταβολὴν πρὸσ Ἀλέξανδρον, ὥστε καὶ Σάρδεισ, τὸ πρόσχημα τῆσ ἐπὶ θαλάσσῃ τῶν βαρβάρων ἡγεμονίασ, παραλαβεῖν καὶ τἆλλα προστίθεσθαι. μόνη δὲ Ἁλικαρνασσὸσ ἀντέστη καὶ Μίλητοσ, ἃσ ἑλὼν κατὰ κράτοσ καὶ τὰ περὶ αὐτὰσ πάντα χειρωσάμενοσ ἀμφίβολοσ ἦν πρὸσ τὰ λοιπὰ τῇ γνώμῃ, καὶ πολλάκισ μὲν ἔσπευδε Δαρείῳ συμπεσὼν ἀποκινδυνεῦσαι περὶ τῶν ὅλων, πολλάκισ δὲ τοῖσ ἐπὶ θαλάσσῃ πράγμασι καὶ χρήμασι διενοεῖτο πρῶτον οἱο͂ν ἐνασκήσασ καὶ ῥώσασ αὑτόν οὕτωσ ἀναβαίνειν ἐπ’ ἐκεῖνον. ἔστι δὲ τῆσ Λυκίασ κρήνη περὶ τὴν Ξανθίων πόλιν, ἧσ τότε λέγουσιν αὐτομάτωσ περιτραπείσησ καὶ ὑπερβαλούσησ ἐκ βυθοῦ δέλτον ἐκπεσεῖν χαλκῆν τύπουσ ἔχουσαν ἀρχαίων γραμμάτων, ἐν οἷσ ἐδηλοῦτο παύσεσθαι τὴν Περσῶν ἀρχὴν ὑπὸ Ἑλλήνων καταλυθεῖσαν.

τούτοισ ἐπαρθείσ ἠπείγετο τὴν παραλίαν ἀνακαθήρασθαι μέχρι τῆσ Φοινίκησ καὶ Κιλικίασ, ἡ δὲ τῆσ Παμφυλίασ παραδρομὴ πολλοῖσ γέγονε τῶν ἱστορικῶν ὑπόθεσισ γραφικὴ πρὸσ ἔκπληξιν καὶ ὄγκον, ὡσ θείᾳ τινὶ τύχῃ παραχωρήσασαν Ἀλεξάνδρῳ τὴν θάλασσαν, ἄλλωσ ἀεὶ τραχεῖαν ἐκ πελάγουσ προσφερομένην, σπανίωσ δέ ποτε λεπτοὺσ καὶ προσεχεῖσ ὑπὸ τὰ κρημνώδη καὶ παρερρωγότα τῆσ ὀρεινῆσ πάγουσ διακαλύπτουσαν.

δηλοῖ δὲ καὶ Μένανδροσ ἐν κωμῳδίᾳ παίζων πρὸσ τὸ παράδοξον ὡσ Ἀλεξανδρῶδεσ ἤδη τοῦτο·

κἂν ζητῶ τινα, αὐτόματοσ οὗτοσ παρέσται· κἂν διελθεῖν δηλαδή διὰ θαλάσσησ δέῃ τόπον τιν’, οὗτοσ ἔσται μοι βατόσ. αὐτὸσ δὲ Ἀλέξανδροσ ἐν ταῖσ ἐπιστολαῖσ οὐδὲν τοιοῦτον τερατευσάμενοσ ὁδοποιῆσαί φησι τὴν λεγομένην Κλίμακα καὶ διελθεῖν ὁρμήσασ ἐκ Φασηλίδοσ. διὸ καὶ πλείονασ ἡμέρασ ἐν τῇ πόλει διέτριψεν ἐν αἷσ καὶ Θεοδέκτου τεθνηκότοσ ἦν δὲ Φασηλίτησ ἰδὼν εἰκόνα ἀνακειμένην ἐν ἀγορᾷ, μετὰ δεῖπνον ἐπεκώμασε μεθύων καὶ τῶν στεφάνων ἐπέρριψε πολλούσ, οὐκ ἄχαριν ἐν παιδιᾷ ἀποδιδοὺσ τιμὴν τῇ γενομένῃ δι’ Ἀριστοτέλην καὶ φιλοσοφίαν ὁμιλίᾳ πρὸσ τὸν ἄνδρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 17

(플루타르코스, Alexander, chapter 17)

상위

목록

SEARCH

MENU NAVIGATION