헬라어 문장 검색 - Πλυταρ́Αλεχανδ́10́

(플루타르코스, Alexander, chapter 10)

ἐπεὶ δὲ Πιξόδαροσ, ὁ Καρίασ σατράπησ, ὑποδυόμενοσ δι’ οἰκειότητοσ εἰσ τὴν Φιλίππου συμμαχίαν, ἐβούλετο τὴν πρεσβυτάτην τῶν θυγατέρων Ἀρριδαίῳ τῷ Φιλίππου γυναῖκα δοῦναι καὶ περὶ τούτων Ἀριστόκριτον εἰσ Μακεδονίαν ἀπέστειλεν, αὖθισ ἐγίνοντο λόγοι καὶ διαβολαὶ παρὰ τῶν φίλων καὶ τῆσ μητρὸσ πρὸσ Ἀλέξανδρον, ὡσ Ἀρριδαῖον ἐπὶ τῇ βασιλείᾳ Φιλίππου γάμοισ λαμπροῖσ καὶ πράγμασι μεγάλοισ εἰσοικειοῦντοσ. ὑφ’ ὧν διαταραχθεὶσ πέμπει Θεσσαλὸν εἰσ Καρίαν, τὸν τῶν τραγῳδιῶν ὑποκριτήν, Πιξοδάρῳ διαλεξόμενον ὡσ χρὴ τὸν νόθον ἐάσαντα, καὶ οὐ φρενήρη, μεθαρμόσασθαι τὸ κῆδοσ εἰσ Ἀλέξανδρον.

καὶ Πιξοδάρῳ μὲν οὐ παρὰ μικρὸν ἤρεσκε ταῦτα τῶν προτέρων μᾶλλον, ὁ δὲ Φίλιπποσ αἰσθόμενοσ, ἰὼν εἰσ τὸ Ἀλεξάνδρου δωμάτιον, παραλαβὼν τῶν φίλων αὐτοῦ καὶ συνήθων ἕνα, Φιλώταν τὸν Παρμενίωνοσ, ἐπετίμησεν ἰσχυρῶσ, καὶ πικρῶσ ἐλοιδόρησεν ὡσ ἀγεννῆ καὶ τῶν ὑπαρχόντων περὶ αὐτὸν ἀγαθῶν ἀνάξιον, εἰ Καρὸσ ἀνθρώπου καὶ βαρβάρῳ βασιλεῖ δουλεύοντοσ ἀγαπᾷ γαμβρὸσ γενέσθαι. τὸν δὲ Θεσσαλὸν ἔγραψε Κορινθίοισ ὅπωσ ἀναπέμψωσιν ἐν πέδαισ δεδεμένον.

τῶν δὲ ἄλλων ἑταίρων Ἅρπαλον καὶ Νέαρχον, ἔτι δ’ Ἐρίγυιον καὶ Πτολεμαῖον ἐκ Μακεδονίασ μετέστησεν, οὓσ ὕστερον ’ Ἀλέξανδροσ καταγαγὼν ἐν ταῖσ μεγίσταισ ἔσχε τιμαῖσ. ἐπεὶ δὲ Παυσανίασ Ἀττάλου γνώμῃ καὶ Κλεοπάτρασ ὑβρισθεὶσ καὶ μὴ τυχὼν δίκησ ἀνεῖλε Φίλιππον, τὸ μὲν πλεῖστον εἰσ Ὀλυμπιάδα τῆσ αἰτίασ περιῆλθεν, ὡσ θυμουμένῳ τῷ νεανίσκῳ προσεγκελευσαμένην καὶ παροξύνασαν, ἔθιγε δέ τισ καὶ Ἀλεξάνδρου διαβολή, λέγεται γὰρ ἐντυχόντοσ αὐτῷ τοῦ Παυσανίου μετὰ τὴν ὕβριν ἐκείνην καὶ ἀποδυρομένου προενέγκασθαι τὸ τῆσ Μηδείασ ἰαμβεῖον·

τὸν δόντα καὶ γήμαντα καὶ γαμουμένην, οὐ μὴν ἀλλὰ καὶ τοὺσ συναιτίουσ τῆσ ἐπιβουλῆσ ἀναζητήσασ ἐκόλασε, καὶ τὴν Κλεοπάτραν ἀποδημοῦντοσ αὐτοῦ τῆσ Ὀλυμπιάδοσ ὠμῶσ μεταχειρισαμένησ ἠγανάκτησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 10

(플루타르코스, Alexander, chapter 10)

상위

목록

SEARCH

MENU NAVIGATION