헬라어 문장 검색 - Πλυταρ́Αλεχανδ́02́

(플루타르코스, Alexander, chapter 2)

Ἀλέξανδροσ ὅτι τῷ γένει πρὸσ πατρὸσ μὲν ἦν Ἡρακλείδησ ἀπὸ Καράνου, πρὸσ δὲ μητρὸσ Αἰακίδησ ἀπὸ Νεοπτολέμου, τῶν πάνυ πεπιστευμένων ἐστί. λέγεται δέ Φίλιπποσ ἐν θρᾴκῃ τῇ Ὀλυμπιάδι συμμυηθείσ αὐτόσ τε μειράκιον ὢν ἔτι κἀκείνησ παιδὸσ ὀρφανῆσ γονέων ἐρασθῆναι καὶ τὸν γάμον οὕτωσ ἁρμόσαι, πείσασ τὸν ἀδελφὸν αὐτῆσ Ἀρύμβαν. ἡ μὲν οὖν νύμφη, πρὸ τῆσ νυκτόσ ᾗ συνείρχθησαν εἰσ τὸν θάλαμον, ἔδοξε βροντῆσ γενομένησ ἐμπεσεῖν αὐτῆσ τῇ γαστρὶ κεραυνόν, ἐκ δὲ τῆσ πληγῆσ πολὺ πῦρ ἀναφθέν, εἶτα ῥηγνύμενον εἰσ φλόγασ πάντῃ φερομένασ διαλυθῆναι.

ὁ δὲ Φίλιπποσ ὑστέρῳ χρόνῳ μετὰ τὸν γάμον εἶδεν ὄναρ αὑτὸν ἐπιβάλλοντα σφραγῖδα τῇ γαστρὶ τῆσ γυναικόσ· ὡσ ᾤετο, λέοντοσ εἶχεν εἰκόνα, τῶν δὲ ἄλλων μάντεων ὑφορωμένων τὴν ὄψιν, ὡσ ἀκριβεστέρασ φυλακῆσ δεομένων τῷ Φιλίππῳ τῶν περὶ τὸν γάμον, Ἀρίστανδροσ ὁ Τελμησσεὺσ κύειν ἔφη τὴν ἄνθρωπον, οὐθὲν γὰρ ἀποσφραγίζεσθαι τῶν κενῶν, καὶ κύειν παῖδα θυμοειδῆ καὶ λεοντώδη τὴν φύσιν.

ὤφθη δέ ποτε καὶ δράκων κοιμωμένησ τῆσ Ὀλυμπιάδοσ παρεκτεταμένοσ τῷ σώματι·

καὶ τοῦτο μάλιστα τοῦ Φιλίππου τὸν ἔρωτα καὶ τὰσ φιλοφροσύνασ ἀμαυρῶσαι λέγουσιν, ὡσ μηδὲ φοιτᾶν ἔτι πολλάκισ παρ’ αὐτὴν ἀναπαυσόμενον, εἴτε δείσαντά τινασ μαγείασ ἐπ’ αὐτῷ καὶ φάρμακα τῆσ γυναικόσ, εἴτε τὴν ὁμιλίαν ὡσ κρείττονι συνούσησ ἀφοσιούμενον. ἡ δὲ Ὀλυμπιὰσ μᾶλλον ἑτέρων ζηλώσασα τὰσ κατοχάσ καὶ τοὺσ ἐνθουσιασμοὺσ ἐξάγουσα βαρβαρικώτερον ὄφεισ μεγάλουσ χειροήθεισ ἐφείλκετο τοῖσ θιάσοισ, οἳ πολλάκισ ἐκ τοῦ κιττοῦ καὶ τῶν μυστικῶν λίκνων παραναδυόμενοι καὶ περιελιττόμενοι τοῖσ θύρσοισ τῶν γυναικῶν καὶ τοῖσ στεφάνοισ ἐξέπληττον τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 2

(플루타르코스, Alexander, chapter 2)

상위

목록

SEARCH

MENU NAVIGATION