헬라어 문장 검색 - Διοδορ́Λιβραρψ́9́37́

(디오도로스 시켈로스, Library, book xvi, chapter 48)

αἰτία δ’ ἐγένετο τῆσ ἥττησ μάλισθ’ ἡ τοῦ στρατηγεῖν ἀπειρία καὶ τὸ προνενικῆσθαι τοὺσ Πέρσασ ὑπ’ αὐτοῦ κατὰ τὴν πρὸ ταύτησ γεγενημένην στρατείαν. ἐσχηκὼσ γὰρ τοὺσ τότε στρατηγοὺσ ἐπιφανεῖσ ἄνδρασ καὶ διαφέροντασ ἀρετῇ τε καὶ ἀγχινοίᾳ στρατηγικῇ, Διόφαντον τὸν Ἀθηναῖον καὶ Λάμιον τὸν Σπαρτιάτην, διὰ τούτων ἅπαντα κατώρθωσε·

τότε δ’ ὑπολαμβάνων ἑαυτὸν ἱκανὸν εἶναι στρατηγὸν οὐδενὶ τῆσ ἡγεμονίασ μετεδίδου καὶ διὰ τὴν ἀπειρίαν οὐδὲν ἠδύνατο πράττειν τῶν ἐν τῷ πολέμῳ χρησίμων. τὰ μὲν οὖν πολίσματα φρουραῖσ ἀξιολόγοισ διαλαβὼν παρεφύλαττεν, αὐτὸσ δὲ τῶν Αἰγυπτίων ἔχων τρισμυρίουσ, τῶν δ’ Ἑλλήνων πεντακισχιλίουσ, τῶν δὲ Λιβύων τοὺσ ἡμίσεισ ταῖσ εὐκαιροτάταισ τῶν εἰσβολῶν ἐφήδρευεν.

τοιαύτησ δὲ παρ’ ἀμφοτέροισ οὔσησ τῆσ διατάξεωσ Νικόστρατοσ μὲν ὁ τῶν Ἀργείων στρατηγὸσ ἔχων ἡγεμόνασ Αἰγυπτίουσ, ὧν ἦσαν ὅμηροι παῖδεσ παρὰ τοῖσ Πέρσαισ καὶ γυναῖκεσ, παρέπλευσε μετὰ τοῦ στόλου διά τινοσ διώρυγοσ εἰσ τόπον κεκρυμμένον, ἐκβιβάσασ δὲ τοὺσ στρατιώτασ καὶ παρεμβολὴν ὀχυρωσάμενοσ κατεστρατοπέδευσεν. οἱ δὲ τὸν πλησίον τόπον παραφυλάττοντεσ μισθοφόροι τῶν Αἰγυπτίων ὡσ ᾔσθοντο τὴν τῶν πολεμίων παρουσίαν εὐθὺσ ἐξεβοήθουν, ὄντεσ οὐκ ἐλάττουσ τῶν ἑπτακισχιλίων.

ἔχων δ’ αὐτῶν τὴν ἡγεμονίαν Κλείνιοσ ὁ Κῷοσ συνέταξε τὴν δύναμιν εἰσ μάχην.

ἀντιταχθέντων δὲ τῶν καταπεπλευκότων ἐγένετο καρτερὰ μάχη, καθ’ ἣν οἱ μετὰ τῶν Περσῶν Ἕλληνεσ ἀγωνισάμενοι λαμπρῶσ τόν τε στρατηγὸν Κλείνιον ἐφόνευσαν καὶ τῶν ἄλλων στρατιωτῶν κατέκοψαν πλείουσ τῶν πεντακισχιλίων. Νεκτανεβὼσ δ’ ὁ τῶν Αἰγυπτίων βασιλεὺσ ἀκούσασ τὴν τῶν ἰδίων ἀπώλειαν κατεπλάγη, νομίσασ καὶ τὴν λοιπὴν τῶν Περσῶν δύναμιν ῥᾳδίωσ διαβήσεσθαι τὸν ποταμόν.

ὑπολαβὼν δὲ τοὺσ πολεμίουσ μετὰ πάσησ τῆσ δυνάμεωσ ἐπ’ αὐτὴν ἥξειν τὴν Μέμφιν ἔκρινε ταύτησ μάλιστα προνοήσασθαι.

οὗτοσ μὲν οὖν μετὰ τῆσ περὶ αὐτὸν στρατιᾶσ ἐπανελθὼν εἰσ Μέμφιν τὰ πρὸσ τὴν πολιορκίαν παρεσκευάζετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 48

(디오도로스 시켈로스, Library, book xvi, chapter 48)

상위

목록

SEARCH

MENU NAVIGATION