헬라어 문장 검색 - Διοδορ́Λιβραρψ́9́15́

(디오도로스 시켈로스, Library, book xvi, chapter 17)

τοῦ δὲ Δίωνοσ ἀποκριθέντοσ ὅτι τοῖσ Συρακοσίοισ δίκαιόν ἐστι παραδιδόναι τὴν ἀκρόπολιν ἐπί τισιν ἐξαιρέτοισ χρήμασι καὶ τιμαῖσ, ὁ μὲν Διονύσιοσ ἕτοιμοσ ἦν παραδιδόναι τὴν ἄκραν τῷ δήμῳ ὥστε τοὺσ μισθοφόρουσ καὶ τὰ χρήματα λαβόντα εἰσ τὴν Ἰταλίαν μεταστῆναι, ὁ δὲ Δίων συνεβούλευε τοῖσ Συρακοσίοισ δέχεσθαι τὰ διδόμενα. ὁ δὲ δῆμοσ ὑπὸ τῶν ἀκαίρων δημηγόρων πεισθεὶσ ἀντεῖπε, νομίζων κατὰ κράτοσ ἐκπολιορκήσειν τὸν τύραννον. μετὰ δὲ ταῦτα ὁ μὲν Διονύσιοσ τοὺσ ἀρίστουσ τῶν μισθοφόρων ἀπέλιπεν φυλάξοντασ τὴν ἄκραν, αὐτὸσ δ’ ἐνθέμενοσ τὰ χρήματα καὶ πᾶσαν τὴν βασιλικὴν κατασκευὴν ἔλαθεν ἐκπλεύσασ καὶ κατῆρεν εἰσ τὴν Ἰταλίαν.

οἱ δὲ Συρακόσιοι πρὸσ ἀλλήλουσ ἐστασίασαν, τῶν μὲν οἰομένων δεῖν τὴν στρατηγίαν καὶ τὴν τῶν ὅλων ἐξουσίαν ἐγχειρίζειν Ἡρακλείδῃ διὰ τὸ τοῦτον δοκεῖν μηδέποτ’ ἂν ἐπιθέσθαι τυραννίδι, τῶν δὲ ἀποφαινομένων τὸν Δίωνα δεῖν ἔχειν τὴν τῶν ἁπάντων ἡγεμονίαν.

πρὸσ δὲ τούτοισ πολλῶν ὀφειλομένων μισθῶν τοῖσ ἐκ Πελοποννήσου ξένοισ τοῖσ ἠλευθερωκόσι τὰσ Συρακούσσασ καὶ χρημάτων σπανιζούσησ τῆσ πόλεωσ οἱ μὲν μισθοφόροι τῶν χρημάτων ἀποστερούμενοι συνεστράφησαν, ὄντεσ πλείουσ τῶν τρισχιλίων, πάντεσ δ’ ἐπίλεκτοι ταῖσ ἀρεταῖσ καὶ διὰ τὴν ἄθλησιν τῶν πολεμικῶν ἔργων διαπεπονημένοι πολὺ τοὺσ Συρακοσίουσ ταῖσ ἀρεταῖσ ὑπερεβάλλοντο. ὁ δὲ Δίων ἀξιούμενοσ ὑπὸ τῶν μισθοφόρων συναποστῆναι καὶ παρὰ τῶν Συρακοσίων ὡσ κοινῶν ἐχθρῶν λαβεῖν τιμωρίαν τὸ μὲν πρῶτον ἀντεῖπεν, μετὰ δὲ ταῦτα συναναγκαζόμενοσ ὑπὸ τῆσ περιστάσεωσ προσεδέξατο τὴν ἡγεμονίαν τῶν ξένων καὶ μετ’ ἐκείνων ταχθεὶσ ἀνέζευξεν ἐπὶ τοὺσ Λεοντίνουσ.

οἱ δὲ Συρακόσιοι συστραφέντεσ ἐδίωκον τοὺσ μισθοφόρουσ καὶ κατὰ τὴν ὁδοιπορίαν συνάψαντεσ μάχην καὶ πολλοὺσ ἀποβαλόντεσ ἀπεχώρησαν.

ὁ δὲ Δίων λαμπρᾷ μάχῃ νικήσασ οὐδὲν ἐμνησικάκησε τοῖσ Συρακοσίοισ· ἀποστειλάντων γὰρ πρὸσ αὐτὸν κήρυκα περὶ τῆσ τῶν νεκρῶν ἀναιρέσεωσ τήν τε τῶν νεκρῶν ἀναίρεσιν ἔδωκε καὶ τοὺσ ἁλόντασ πολλοὺσ ὄντασ ἀπέλυσεν ἄνευ λύτρων. πολλοὶ γὰρ ἐν τῇ φυγῇ μέλλοντεσ φονεύεσθαι διηγόρευον ἑαυτοὺσ εἶναι τῶν τὰ Δίωνοσ φρονούντων καὶ πάντεσ διὰ ταύτην τὴν αἰτίαν ἐξέφυγον τὸν θάνατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 17

(디오도로스 시켈로스, Library, book xvi, chapter 17)

상위

목록

SEARCH

MENU NAVIGATION