헬라어 문장 검색 - Διοδορ́Λιβραρψ́5́49́

(디오도로스 시켈로스, Library, book xii, chapter 82)

τῷ δ’ ἑκκαιδεκάτῳ παρὰ μὲν Ἀθηναίοισ ἦν ἄρχων Ἀρίμνηστοσ, ἐν Ῥώμῃ δ’ ἀντὶ τῶν ὑπάτων χιλίαρχοι κατεστάθησαν τέτταρεσ, Τίτοσ Κλαύδιοσ καὶ Σπόριοσ Ναύτιοσ, ἔτι δὲ Λούκιοσ Σέντιοσ καὶ Σέξτοσ Ιοὔλιοσ. ἐπὶ δὲ τούτων παρὰ μὲν Ἠλείοισ ἤχθη Ὀλυμπιὰσ πρώτη πρὸσ ταῖσ ἐνενήκοντα, καθ’ ἣν ἐνίκα στάδιον Ἐξαίνετοσ Ἀκραγαντῖνοσ. Βυζάντιοι δὲ καὶ Καλχηδόνιοι παραλαβόντεσ Θρᾷκασ ἐστράτευσαν εἰσ τὴν Βιθυνίαν πολλοῖσ πλήθεσι, καὶ τήν τε χώραν ἐπόρθησαν καὶ πολλὰ τῶν μικρῶν πολισματίων ἐκπολιορκήσαντεσ ἐπετελέσαντο πράξεισ ὠμότητι διαφερούσασ·

πολλῶν γὰρ αἰχμαλώτων κρατήσαντεσ ἀνδρῶν τε καὶ γυναικῶν καὶ παίδων ἅπαντασ ἀπέσφαξαν. περὶ δὲ τοὺσ αὐτοὺσ χρόνουσ κατὰ τὴν Σικελίαν Ἐγεσταῖοι πρὸσ Σελινουντίουσ ἐπολέμησαν περὶ χώρασ ἀμφισβητησίμου, ποταμοῦ τὴν χώραν τῶν διαφερομένων πόλεων ὁρίζοντοσ.

Σελινούντιοι δὲ διαβάντεσ τὸ ῥεῖθρον τὸ μὲν πρῶτον τῆσ παραποταμίασ βίᾳ κατέσχον, μετὰ δὲ ταῦτα καὶ τῆσ προσκειμένησ χώρασ πολλὴν ἀποτεμόμενοι κατεφρόνησαν τῶν ἠδικημένων.

οἱ δ’ Ἐγεσταῖοι παροξυνθέντεσ τὸ μὲν πρῶτον διὰ τῶν λόγων πείθειν ἐπεβάλοντο μὴ ἐπιβαίνειν τῆσ ἀλλοτρίασ γῆσ·

ὡσ δὲ οὐδεὶσ αὐτοῖσ προσεῖχεν, ἐστράτευσαν ἐπὶ τοὺσ κατέχοντασ τὴν χώραν, καὶ πάντασ ἐκβαλόντεσ ἐκ τῶν ἀγρῶν αὐτοὶ τὴν χώραν κατέσχον. γενομένησ δὲ διαφορᾶσ μεγάλησ ἀμφοτέραισ ταῖσ πόλεσι, στρατιώτασ ἀθροίσαντεσ διὰ τῶν ὅπλων ἐποιοῦντο τὴν κρίσιν.

διόπερ ἀμφοτέρων παραταξαμένων ἐγένετο μάχη καρτερά, καθ’ ἣν Σελινούντιοι νικήσαντεσ ἀπέκτειναν τῶν Ἐγεσταίων οὐκ ὀλίγουσ. οἱ δ’ Ἐγεσταῖοι ταπεινωθέντεσ καὶ καθ’ ἑαυτοὺσ οὐκ ὄντεσ ἀξιόμαχοι, τὸ μὲν πρῶτον Ἀκραγαντίνουσ καὶ Συρακοσίουσ ἔπειθον συμμαχῆσαι·

ἀποτυχόντεσ δὲ τούτων ἐξέπεμψαν πρεσβευτὰσ εἰσ τὴν Καρχηδόνα, δεόμενοι βοηθῆσαι· οὐ προσεχόντων δ’ αὐτῶν, ἐζήτουν τινὰ διαπόντιον συμμαχίαν· οἷσ συνήργησε ταὐτόματον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 82

(디오도로스 시켈로스, Library, book xii, chapter 82)

상위

목록

SEARCH

MENU NAVIGATION