Diodorus Siculus, Library, book xii, chapter 36

(디오도로스 시켈로스, Library, book xii, chapter 36)

ἐπ’ ἄρχοντοσ δ’ Ἀθήνησιν Ἀψεύδουσ Ῥωμαῖοι κατέστησαν ὑπάτουσ Τίτον Μενήνιον καὶ Πρόκλον Γεγάνιον Μακερῖνον. ἐπὶ δὲ τούτων Σπάρτακοσ μὲν ὁ Βοσπόρου βασιλεὺσ ἐτελεύτησεν ἄρξασ ἔτη ἑπτά, διεδέξατο δὲ τὴν ἀρχὴν Σέλευκοσ καὶ ἐβασίλευσεν ἔτη τετταράκοντα. ἐν δὲ ταῖσ Ἀθήναισ Μέτων ὁ Παυσανίου μὲν υἱόσ, δεδοξασμένοσ δὲ ἐν ἀστρολογίᾳ, ἐξέθηκε τὴν ὀνομαζομένην ἐννεακαιδεκαετηρίδα, τὴν ἀρχὴν ποιησάμενοσ ἀπὸ μηνὸσ ἐν Ἀθήναισ σκιροφοριῶνοσ τρισκαιδεκάτησ.

ἐν δὲ τοῖσ εἰρημένοισ ἔτεσι τὰ ἄστρα τὴν ἀποκατάστασιν ποιεῖται καὶ καθάπερ ἐνιαυτοῦ τινοσ μεγάλου τὸν ἀνακυκλισμὸν λαμβάνει· διὸ καί τινεσ αὐτὸν Μέτωνοσ ἐνιαυτὸν ὀνομάζουσι. δοκεῖ δὲ ὁ ἀνὴρ οὗτοσ ἐν τῇ προρρήσει καὶ προγραφῇ ταύτῃ θαυμαστῶσ ἐπιτετευχέναι·

τὰ γὰρ ἄστρα τήν τε κίνησιν καὶ τὰσ ἐπισημασίασ ποιεῖται συμφώνωσ τῇ γραφῇ· διὸ μέχρι τῶν καθ’ ἡμᾶσ χρόνων οἱ πλεῖστοι τῶν Ἑλλήνων χρώμενοι τῇ ἐννεακαιδεκαετηρίδι οὐ διαψεύδονται τῆσ ἀληθείασ. κατὰ δὲ τὴν Ἰταλίαν Ταραντῖνοι τοὺσ τὴν Σῖριν καλουμένην οἰκοῦντασ μετοικίσαντεσ ἐκ τῆσ πατρίδοσ καὶ ἰδίουσ προσθέντεσ οἰκήτορασ, ἔκτισαν πόλιν τὴν ὀνομαζομένην Ἡράκλειαν.

일치하는 문장이 없습니다.

SEARCH

MENU NAVIGATION