Diodorus Siculus, Library, book xii, chapter 27

(디오도로스 시켈로스, Library, book xii, chapter 27)

ἐπ’ ἄρχοντοσ δ’ Ἀθήνησι Τιμοκλέουσ Ῥωμαῖοι μὲν κατέστησαν ὑπάτουσ Λαρῖνον Ἑρμίνιον καὶ Τίτον Στερτίνιον Στρούκτορα. ἐπὶ δὲ τούτων Σάμιοι μὲν πρὸσ Μιλησίουσ περὶ Πριήνησ ἀμφισβητήσαντεσ εἰσ πόλεμον κατέστησαν, ὁρῶντεσ δὲ τοὺσ Ἀθηναίουσ ταῖσ εὐνοίαισ διαφέροντασ πρὸσ Μιλησίουσ, ἀπέστησαν ἀπ’ αὐτῶν. οἱ δὲ Περικλέα προχειρισάμενοι στρατηγὸν ἐξέπεμψαν ἐπὶ τοὺσ Σαμίουσ ἔχοντα τριήρεισ τετταράκοντα. οὗτοσ δὲ πλεύσασ ἐπὶ τὴν Σάμον παρεισελθὼν δὲ καὶ τῆσ πόλεωσ ἐγκρατὴσ γενόμενοσ κατέστησε δημοκρατίαν ἐν αὐτῇ.

πραξάμενοσ δὲ παρὰ τῶν Σαμίων ὀγδοήκοντα τάλαντα, καὶ τοὺσ ἴσουσ ὁμήρουσ παῖδασ λαβών, τούτουσ μὲν παρέδωκε τοῖσ Λημνίοισ, αὐτὸσ δ’ ἐν ὀλίγαισ ἡμέραισ ἅπαντα συντετελεκὼσ ἐπανῆλθεν εἰσ τὰσ Ἀθήνασ. ἐν δὲ τῇ Σάμῳ στάσεωσ γενομένησ, καὶ τῶν μὲν αἱρουμένων τὴν δημοκρατίαν, τῶν δὲ βουλομένων τὴν ἀριστοκρατίαν εἶναι, ταραχὴ πολλὴ τὴν πόλιν ἐπεῖχε.

τῶν δ’ ἐναντιουμένων τῇ δημοκρατίᾳ διαβάντων εἰσ τὴν Ἀσίαν καὶ πορευθέντων εἰσ Σάρδεισ πρὸσ Πισσούθνην τὸν τῶν Περσῶν σατράπην περὶ βοηθείασ, ὁ μὲν Πισσούθνησ ἔδωκεν αὐτοῖσ στρατιώτασ ἑπτακοσίουσ, ἐλπίζων τῆσ Σάμου διὰ τούτου κυριεύσειν, οἱ δὲ Σάμιοι μετὰ τῶν δοθέντων αὐτοῖσ στρατιωτῶν νυκτὸσ πλεύσαντεσ εἰσ τὴν Σάμον ἔλαθόν τε παρεισελθόντεσ, τῶν πολιτῶν συνεργούντων, ῥᾳδίωσ τ’ ἐκράτησαν τῆσ Σάμου, καὶ τοὺσ ἀντιπράττοντασ αὐτοῖσ ἐξέβαλον ἐκ τῆσ πόλεωσ· τοὺσ δ’ ὁμήρουσ ἐκκλέψαντεσ ἐκ τῆσ Λήμνου καὶ τὰ κατὰ τὴν Σάμον ἀσφαλισάμενοι, φανερῶσ ἑαυτοὺσ ἀπέδειξαν πολεμίουσ τοῖσ Ἀθηναίοισ. οἱ δὲ πάλιν Περικλέα προχειρισάμενοι στρατηγὸν ἐξέπεμψαν ἐπὶ τοὺσ Σαμίουσ μετὰ νεῶν ἑξήκοντα.

μετὰ δὲ ταῦθ’ ὁ μὲν Περικλῆσ ναυμαχήσασ πρὸσ ἑβδομήκοντα τριήρεισ ἐνίκησε τοὺσ Σαμίουσ, μεταπεμψάμενοσ δὲ παρὰ Χίων καὶ Μυτιληναίων ναῦσ εἴκοσι πέντε μετὰ τούτων ἐπολιόρκησε τὴν Σάμον. μετὰ δέ τινασ ἡμέρασ Περικλῆσ μὲν καταλιπὼν μέροσ τῆσ δυνάμεωσ ἐπὶ τῆσ πολιορκίασ ἀνέζευξεν, ἀπαντήσων ταῖσ Φοινίσσαισ ναυσίν, ἃσ οἱ Πέρσαι τοῖσ Σαμίοισ ἦσαν ἀπεσταλκότεσ.

일치하는 문장이 없습니다.

SEARCH

MENU NAVIGATION