헬라어 문장 검색 - Διοδορ́Λιβραρψ́5́42́

(디오도로스 시켈로스, Library, book xii, chapter 70)

ἀμφοτέρων δὲ προθύμωσ ὡρμημένων παρετάχθησαν αἱ δυνάμεισ τόνδε τὸν τρόπον. παρὰ τοῖσ Βοιωτοῖσ ἐτάχθησαν ἐπὶ τὸ δεξιὸν κέρασ Θηβαῖοι, ἐπὶ δὲ τὸ εὐώνυμον Ὀρχομένιοι, τὴν δὲ μέσην ἀνεπλήρουν φάλαγγα Βοιωτοί· προεμάχοντο δὲ πάντων οἱ παρ’ ἐκείνοισ ἡνίοχοι καὶ παραβάται καλούμενοι, ἄνδρεσ ἐπίλεκτοι τριακόσιοι. Ἀθηναῖοι δὲ διατάττοντεσ ἔτι τὴν δύναμιν ἠναγκάσθησαν συνάψαι μάχην. γενομένησ δὲ τῆσ παρατάξεωσ ἰσχυρᾶσ, τὸ μὲν πρῶτον οἱ τῶν Ἀθηναίων ἱππεῖσ ἀγωνιζόμενοι λαμπρῶσ ἠνάγκασαν φυγεῖν τοὺσ ἀντιστάντασ ἱππεῖσ·

μετὰ δὲ ταῦτα τῶν πεζῶν διαγωνισαμένων οἱ ταχθέντεσ κατὰ τοὺσ Θηβαίουσ Ἀθηναῖοι βιασθέντεσ ἐτράπησαν, οἱ δὲ λοιποὶ τοὺσ ἄλλουσ Βοιωτοὺσ τρεψάμενοι καὶ συχνοὺσ ἀνελόντεσ ἐφ’ ἱκανὸν τόπον ἐδίωξαν. οἱ δὲ Θηβαῖοι, διαφέροντεσ ταῖσ τῶν σωμάτων ῥώμαισ, ἐπέστρεψαν ἀπὸ τοῦ διωγμοῦ, καὶ τοῖσ διώκουσι τῶν Ἀθηναίων ἐπιπεσόντεσ φυγεῖν ἠνάγκασαν·

ἐπιφανεῖ δὲ μάχῃ νικήσαντεσ μεγάλην ἀπηνέγκαντο δόξαν πρὸσ ἀνδρείαν. τῶν δ’ Ἀθηναίων οἱ μὲν εἰσ Ὠρωπόν, οἱ δὲ εἰσ τὸ Δήλιον κατέφυγον, τινὲσ δὲ πρὸσ τὴν θάλατταν διέτειναν πρὸσ τὰσ ἰδίασ ναῦσ, ἄλλοι δὲ κατ’ ἄλλουσ ὡσ ἔτυχε τόπουσ διεσπάρησαν.

ἐπιγενομένησ δὲ τῆσ νυκτὸσ ἔπεσον τῶν μὲν Βοιωτῶν οὐ πλείουσ τῶν πεντακοσίων, τῶν δ’ Ἀθηναίων πολλαπλάσιοι τούτων. εἰ μὲν οὖν ἡ νὺξ μὴ προκατέλαβεν, οἱ πλεῖστοι τῶν Ἀθηναίων ἂν ἐτελεύτησαν· αὕτη γὰρ μεσολαβήσασα τὰσ τῶν διωκόντων ὁρμὰσ διέσωσε τοὺσ φεύγοντασ. ὅμωσ δὲ τοσοῦτο πλῆθοσ τῶν ἀναιρεθέντων ἦν, ὥστε τοὺσ Θηβαίουσ ἐκ τῆσ τῶν λαφύρων τιμῆσ τήν τε στοὰν τὴν μεγάλην ἐν ἀγορᾷ κατασκευάσαι καὶ χαλκοῖσ ἀνδριᾶσι κοσμῆσαι, τοὺσ δὲ ναοὺσ καὶ τὰσ κατὰ τὴν ἀγορὰν στοὰσ τοῖσ ὅπλοισ τοῖσ ἐκ τῶν σκύλων προσηλωθεῖσι καταχαλκῶσαι·

τήν τε τῶν Δηλίων πανήγυριν ἀπὸ τούτων τῶν χρημάτων ἐνεστήσαντο ποιεῖν. μετὰ δὲ τὴν μάχην οἱ μὲν Βοιωτοὶ τῷ Δηλίῳ προσβολὰσ ποιησάμενοι κατὰ κράτοσ εἷλον τὸ χωρίον·

τῶν δὲ φρουρούντων τὸ Δήλιον οἱ πλείουσ μὲν μαχόμενοι γενναίωσ ἀπέθανον, διακόσιοι δὲ ἥλωσαν· οἱ δὲ λοιποὶ κατέφυγον εἰσ τὰσ ναῦσ, καὶ διεκομίσθησαν μετὰ τῶν ἄλλων εἰσ τὴν Ἀττικήν. Ἀθηναῖοι μὲν οὖν ἐπιβουλεύσαντεσ τοῖσ Βοιωτοῖσ τοιαύτῃ συμφορᾷ περιέπεσον. κατὰ δὲ τὴν Ἀσίαν Ξέρξησ ὁ βασιλεὺσ ἐτελεύτησεν ἄρξασ ἐνιαυτόν, ὡσ δ’ ἔνιοι γράφουσι, μῆνασ δύο·

τὴν δὲ βασιλείαν διαδεξάμενοσ ὁ ἀδελφὸσ Σογδιανὸσ ἦρξε μῆνασ ἑπτά. τοῦτον δ’ ἀνελὼν Δαρεῖοσ ἐβασίλευσεν ἔτη δεκαεννέα. τῶν δὲ συγγραφέων Ἀντίοχοσ ὁ Συρακόσιοσ τὴν τῶν Σικελικῶν ἱστορίαν εἰσ τοῦτον τὸν ἐνιαυτὸν κατέστρεψεν, ἀρξάμενοσ ἀπὸ Κωκάλου τοῦ Σικανῶν βασιλέωσ, ἐν βίβλοισ ἐννέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 70

(디오도로스 시켈로스, Library, book xii, chapter 70)

상위

목록

SEARCH

MENU NAVIGATION