헬라어 문장 검색 - Διοδορ́Λιβραρψ́5́37́

(디오도로스 시켈로스, Library, book xii, chapter 63)

χρονιζούσησ δὲ τῆσ πολιορκίασ, καὶ τῶν Ἀθηναίων ταῖσ ναυσὶν ἐπικρατησάντων καὶ σῖτον εἰσ τὴν γῆν εἰσκομίζειν κωλυόντων, ἐκινδύνευον οἱ κατειλημμένοι ἐν τῇ νήσῳ τῷ λιμῷ διαφθαρῆναι. διόπερ οἱ Λακεδαιμόνιοι φοβηθέντεσ περὶ τῶν ἀπειλημμένων ἐν τῷ νήσῳ, πρεσβείασ ἀπέστειλαν εἰσ τὰσ Ἀθήνασ περὶ τῆσ καταλύσεωσ τοῦ πολέμου·

οὐ συγκατατιθεμένων δ’ αὐτῶν ἠξίουν ἀλλαγὴν ποιήσασθαι τῶν ἀνδρῶν καὶ λαβεῖν τοὺσ ἴσουσ τῶν Ἀθηναίων τῶν ἑαλωκότων· ἀλλ’ οὐδὲ τοῦτο συνεχώρησαν οἱ Ἀθηναῖοι. διόπερ οἱ πρέσβεισ παρρησίαν ἤγαγον ἐν ταῖσ Ἀθήναισ ὡσ ὁμολογοῦσι Λακεδαιμονίουσ κρείττουσ εἶναι, μὴ βουλόμενοι τὴν ἀντίδοσιν τῶν αἰχμαλώτων ποιήσασθαι. οἱ δ’ Ἀθηναῖοι τῇ σπάνει τῶν ἀναγκαίων καταπονήσαντεσ τοὺσ ἐν τῇ Σφακτηρίᾳ παρέλαβον αὐτοὺσ καθ’ ὁμολογίαν.

ἦσαν δ’ οἱ παραδόντεσ αὑτοὺσ Σπαρτιᾶται μὲν ἑκατὸν εἴκοσι, τῶν δὲ συμμάχων ἑκατὸν ὀγδοήκοντα. οὗτοι μὲν οὖν ὑπὸ Κλέωνοσ τοῦ δημαγωγοῦ στρατηγοῦντοσ τότε δεθέντεσ ἤχθησαν εἰσ τὰσ Ἀθήνασ·

ὁ δὲ δῆμοσ ἐψηφίσατο αὐτοὺσ φυλάττειν, ἐὰν βούλωνται Λακεδαιμόνιοι λῦσαι τὸν πόλεμον, ἐὰν δὲ προκρίνωσι τὸ πολεμεῖν, τότε πάντασ τοὺσ αἰχμαλώτουσ ἀποκτεῖναι. μετὰ δὲ ταῦτα τῶν ἐν Ναυπάκτῳ κατῳκισμένων Μεσσηνίων μεταπεμψάμενοι τοὺσ ἀρίστουσ καὶ τῶν ἄλλων συμμάχων τοὺσ ἱκανοὺσ προσθέντεσ, τούτοισ παρέδωκαν τὴν Πύλον φρουρεῖν·

ἐνόμιζον γὰρ τοὺσ Μεσσηνίουσ διὰ τὸ πρὸσ τοὺσ Σπαρτιάτασ μῖσοσ ἐκθυμότατα κακοποιήσειν τὴν Λακωνικήν, ὁρμωμένουσ ἐξ ὀχυροῦ χωρίου. καὶ τὰ μὲν κατὰ τὴν Πύλον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 63

(디오도로스 시켈로스, Library, book xii, chapter 63)

상위

목록

SEARCH

MENU NAVIGATION