Diodorus Siculus, Library, book xii, chapter 43

(디오도로스 시켈로스, Library, book xii, chapter 43)

ἐπ’ ἄρχοντοσ δ’ Ἀθήνησιν Ἀπολλοδώρου Ῥωμαῖοι κατέστησαν ὑπάτουσ Μάρκον Γεγάνιον καὶ Λούκιον Σέργιον. ἐπὶ δὲ τούτων ὁ τῶν Ἀθηναίων στρατηγὸσ οὐ διέλιπε τὴν μὲν χώραν τῶν Πελοποννησίων λεηλατῶν καὶ καταφθείρων, τὰ δὲ φρούρια πολιορκῶν· προσγενομένων δὲ αὐτῷ πεντήκοντα τριήρων ἐκ τῆσ Κερκύρασ, πολὺ μᾶλλον ἐπόρθει τὴν Πελοποννησίων χώραν, καὶ μάλιστα τῆσ παραθαλαττίου τὴν καλουμένην Ἀκτὴν ἐδῄου καὶ τὰσ ἐπαύλεισ ἐνεπύριζε. μετὰ δὲ ταῦτα πλεύσασ ἐπὶ Μεθώνην τῆσ Λακωνικῆσ, τήν τε χώραν κατέσυρε καὶ τῇ πόλει προσβολὰσ ἐποιεῖτο.

ἔνθα δὴ Βρασίδασ ὁ Σπαρτιάτησ, νέοσ μὲν ὢν τὴν ἡλικίαν, ἀλκῇ δὲ καὶ ἀνδρείᾳ διαφέρων, ὁρῶν τὴν Μεθώνην κινδυνεύουσαν ἐκ βίασ ἁλῶναι, παραλαβών τινασ τῶν Σπαρτιατῶν διὰ μέσου τῶν πολεμίων ἐσκεδασμένων ἐτόλμησε διεκπερᾶσαι, καὶ πολλοὺσ ἀνελὼν παρεισέπεσεν εἰσ τὸ χωρίον. γενομένησ δὲ πολιορκίασ, καὶ τοῦ Βρασίδου λαμπρότατα κινδυνεύσαντοσ, Ἀθηναῖοι μὲν οὐ δυνάμενοι τὸ χωρίον ἑλεῖν ἀπεχώρησαν πρὸσ τὰσ ναῦσ, Βρασίδασ δὲ διασεσωκὼσ τὴν Μεθώνην διὰ τῆσ ἰδίασ ἀρετῆσ καὶ ἀνδρείασ ἀποδοχῆσ ἔτυχε παρὰ τοῖσ Σπαρτιάταισ.

διὰ δὲ τὴν ἀνδραγαθίαν ταύτην φρονηματισθείσ, πολλάκισ ἐν τοῖσ ὕστερον χρόνοισ παραβόλωσ ἀγωνιζόμενοσ μεγάλην δόξαν ἀνδρείασ ἀπηνέγκατο. Ἀθηναῖοι δὲ περιπλεύσαντεσ εἰσ τὴν Ἠλείαν τήν τε χώραν ἐπόρθουν καὶ Φειὰν χωρίον Ἠλείων ἐπολιόρκουν.

ἐκβοηθησάντων δὲ τῶν Ἠλείων, μάχῃ τε ἐνίκησαν καὶ πολλοὺσ ἀποκτείναντεσ τῶν πολεμίων εἷλον τὰσ Φειὰσ κατὰ κράτοσ. μετὰ δὲ ταῦτα τῶν Ἠλείων πανδημεὶ παραταξαμένων ἀπεκρούσθησαν εἰσ τὰσ ναῦσ·

εἶτ’ ἀποπλεύσαντεσ εἰσ τὴν Κεφαλληνίαν, καὶ τοὺσ ταύτην κατοικοῦντασ εἰσ τὴν συμμαχίαν προσαγαγόμενοι, τὸν εἰσ τὰσ Ἀθήνασ πλοῦν ἐποιήσαντο. μετὰ δὲ ταῦτα Ἀθηναῖοι στρατηγὸν προχειρισάμενοι Κλεόπομπον ἐξαπέστειλαν μετὰ νεῶν τριάκοντα, προστάξαντεσ τήν τε Εὔβοιαν παραφυλάττειν καὶ Λοκροῖσ πολεμεῖν.

ὁ δ’ ἐκπλεύσασ τήν τε παραθαλάττιον τῆσ Λοκρίδοσ ἐδῄωσε καὶ πόλιν Θρόνιον ἐξεπολιόρκησε, τοῖσ δ’ ἀντιταξαμένοισ τῶν Λοκρῶν συνάψασ μάχην ἐνίκησε περὶ πόλιν Ἀλόπην. ἔπειτα τὴν προκειμένην τῆσ Λοκρίδοσ νῆσον, ὀνομαζομένην Ἀταλάντην, ἐπιτείχισμα τῆσ Λοκρίδοσ κατεσκεύασε, πολεμῶν πρὸσ τοὺσ ἐγχωρίουσ. Ἀθηναῖοι δ’ ἐγκαλοῦντεσ Αἰγινήταισ ὡσ συνηργηκόσι Λακεδαιμονίοισ ἀνέστησαν αὐτοὺσ ἐκ τῆσ πόλεωσ, ἐκ δὲ τῶν πολιτῶν οἰκήτορασ ἐκπέμψαντεσ κατεκληρούχησαν τήν τε Αἴγιναν καὶ τὴν χώραν.

Λακεδαιμόνιοι δὲ τοῖσ ἐκπεπτωκόσιν Αἰγινήταισ ἔδωκαν οἰκεῖν τὰσ καλουμένασ Θυρέασ διὰ τὸ καὶ τοὺσ Ἀθηναίουσ δεδωκέναι τοῖσ ἐκ Μεσσήνησ ἐκβληθεῖσι κατοικεῖν Ναύπακτον.

Ἀθηναῖοι δὲ Περικλέα μετὰ δυνάμεωσ ἐξέπεμψαν πολεμήσοντα τοῖσ Μεγαρεῦσιν. οὗτοσ δὲ πορθήσασ τὴν χώραν καὶ τὰσ κτήσεισ αὐτῶν λυμηνάμενοσ μετὰ πολλῆσ ὠφελείασ ἐπανῆλθεν εἰσ τὰσ Ἀθήνασ.

일치하는 문장이 없습니다.

SEARCH

MENU NAVIGATION