Diodorus Siculus, Library, book xii, chapter 84

(디오도로스 시켈로스, Library, book xii, chapter 84)

πολλὰ δὲ καὶ ἄλλα διαλεχθέντοσ αὐτοῦ τῆσ προκειμένησ ὑποθέσεωσ οἰκεῖα, τῆσ ἐναντίασ γνώμησ προεστηκὼσ Ἀλκιβιάδησ, ἐπιφανέστατοσ Ἀθηναίων, ἔπεισε τὸν δῆμον ἐπανελέσθαι τὸν πόλεμον· ἦν γὰρ ὁ ἀνὴρ οὗτοσ δεινότατοσ μὲν εἰπεῖν τῶν πολιτῶν, εὐγενείᾳ δὲ καὶ πλούτῳ καὶ στρατηγίᾳ διωνομασμένοσ. εὐθὺσ οὖν ὁ δῆμοσ στόλον ἀξιόχρεων κατεσκεύασε, τριάκοντα μὲν τριήρεισ παρὰ τῶν συμμάχων λαβών, ἰδίασ δ’ ἑκατὸν καταρτίσασ.

ταύτασ δὲ κοσμήσασ πᾶσι τοῖσ εἰσ πόλεμον χρησίμοισ κατέλεξεν ὁπλίτασ εἰσ πεντακισχιλίουσ, στρατηγοὺσ δὲ τρεῖσ ἐχειροτόνησεν ἐπὶ ταύτην τὴν στρατηγίαν, Ἀλκιβιάδην καὶ Νικίαν καὶ Λάμαχον.

Ἀθηναῖοι μὲν οὖν περὶ ταῦτα ἦσαν.

ἡμεῖσ δὲ παρόντεσ ἐπὶ τὴν ἀρχὴν τοῦ πολέμου τοῦ συστάντοσ Ἀθηναίοισ καὶ Συρακοσίοισ, κατὰ τὴν ἐν ἀρχῇ πρόθεσιν τὰσ ἑπομένασ πράξεισ εἰσ τὴν ἐχομένην βίβλον κατατάξομεν.

일치하는 문장이 없습니다.

SEARCH

MENU NAVIGATION