Diodorus Siculus, Library, book xii, chapter 29

(디오도로스 시켈로스, Library, book xii, chapter 29)

ἐπ’ ἄρχοντοσ δ’ Ἀθήνησι Μυριχίδου Ῥωμαῖοι μὲν κατέστησαν ὑπάτουσ Λεύκιον Ιοὔλιον καὶ Μάρκον Γεγάνιον, Ἠλεῖοι δ’ ἤγαγον Ὀλυμπιάδα πέμπτην πρὸσ ταῖσ ὀγδοήκοντα, καθ’ ἣν ἐνίκα Κρίσων Ἱμεραῖοσ τὸ δεύτερον. ἐπὶ δὲ τούτων κατὰ τὴν Σικελίαν Δουκέτιοσ μὲν ὁ γεγονὼσ τῶν Σικελικῶν πόλεων ἡγεμὼν τὴν τῶν Καλακτίνων πατρίδα κατέστησε, καὶ πολλοὺσ εἰσ αὐτὴν οἰκίζων οἰκήτορασ ἀντεποιήσατο μὲν τῆσ τῶν Σικελῶν ἡγεμονίασ, μεσολαβηθεὶσ δὲ νόσῳ τὸν βίον κατέστρεψε. Συρακόσιοι δὲ πάσασ τὰσ τῶν Σικελῶν πόλεισ ὑπηκόουσ ποιησάμενοι πλὴν τῆσ ὀνομαζομένησ Τρινακίησ, ἔγνωσαν ἐπὶ ταύτην στρατεύειν·

σφόδρα γὰρ ὑπώπτευον τοὺσ Τρινακίουσ ἀντιλήψεσθαι τῆσ τῶν ὁμοεθνῶν Σικελῶν ἡγεμονίασ. ἡ δὲ πόλισ αὕτη πολλοὺσ καὶ μεγάλουσ ἄνδρασ εἶχεν, ἀεὶ τὸ πρωτεῖον ἐσχηκυῖα τῶν Σικελικῶν πόλεων· ἦν γὰρ ἡγεμόνων ἡ πόλισ αὕτη πλήρησ μέγα φρονούντων ἐπ’ ἀνδρείᾳ. διὸ καὶ πάσασ τὰσ δυνάμεισ ἀθροίσαντεσ ἐκ τῶν Συρακουσῶν καὶ τῶν συμμάχων πόλεων ἐστράτευσαν ἐπ’ αὐτήν.

οἱ δὲ Τρινάκιοι συμμάχων μὲν ἦσαν ἔρημοι διὰ τὸ τὰσ ἄλλασ πόλεισ ὑπακούειν Συρακοσίοισ, μέγαν δ’ ἀγῶνα συνεστήσαντο. ἐκθύμωσ γὰρ ἐγκαρτεροῦντεσ τοῖσ δεινοῖσ καὶ πολλοὺσ ἀνελόντεσ, ἡρωικῶσ μαχόμενοι πάντεσ κατέστρεψαν τὸν βίον. ὁμοίωσ δὲ καὶ τῶν πρεσβυτέρων οἱ πλείουσ ἑαυτοὺσ ἐκ τοῦ ζῆν μετέστησαν, οὐχ ὑπομείναντεσ τὰσ ἐκ τῆσ ἁλώσεωσ ὕβρεισ.

οἱ δὲ Συρακόσιοι τοὺσ πρότερον ἀηττήτουσ γεγονότασ νικήσαντεσ ἐπιφανῶσ, τὴν μὲν πόλιν ἐξανδραποδισάμενοι κατέσκαψαν, τῶν δὲ λαφύρων τὰ κράτιστα ἀπέστειλαν εἰσ Δελφοὺσ χαριστήρια τῷ θεῷ.

일치하는 문장이 없습니다.

SEARCH

MENU NAVIGATION