헬라어 문장 검색 - Διοδορ́Λιβραρψ́5́30́

(디오도로스 시켈로스, Library, book xii, chapter 47)

Ἀθηναῖοι δὲ Φορμίωνα στρατηγὸν προχειρισάμενοι μετὰ εἴκοσι τριήρων ἐξαπέστειλαν. οὗτοσ δὲ περιπλεύσασ τὴν Πελοπόννησον εἰσ Ναύπακτον κατῆρε, καὶ θαλαττοκρατῶν τοῦ Κρισαίου κόλπου διεκώλυσε ταύτῃ πλεῖν τοὺσ Λακεδαιμονίουσ. Λακεδαιμόνιοι δὲ δύναμιν ἀξιόλογον ἐξέπεμψαν μετ’ Ἀρχιδάμου τοῦ βασιλέωσ· οὗτοσ δὲ παρελθὼν τῆσ Βοιωτίασ εἰσ Πλαταιὰσ ἐστρατοπέδευσε. μελλόντων δ’ αὐτῶν δῃοῦν τὴν χώραν, καὶ παρακαλούντων τοὺσ Πλαταιεῖσ ἀποστῆναι τῶν Ἀθηναίων, ὡσ οὐ προσεῖχον αὐτοῖσ, ἐπόρθησε τὴν χώραν καὶ τὰσ κατ’ αὐτὴν κτήσεισ ἐλυμήνατο. μετὰ δὲ ταῦτα τὴν πόλιν περιτειχίσασ ἤλπιζε τῇ σπάνει τῶν ἀναγκαίων καταπονήσειν τοὺσ Πλαταιεῖσ·

οὐδὲν δ’ ἧττον καὶ μηχανὰσ προσάγοντεσ καὶ διὰ τούτων σαλεύοντεσ τὰ τείχη καὶ προσβολὰσ ἀδιαλείπτωσ ποιούμενοι διετέλουν. ἐπεὶ δὲ οὐδὲ διὰ τῶν προσβολῶν ἠδύναντο χειρώσασθαι τὴν πόλιν, ἀπολιπόντεσ τὴν ἱκανὴν φυλακὴν ἐπανῆλθον εἰσ Πελοπόννησον. Ἀθηναῖοι δὲ στρατηγοὺσ καταστήσαντεσ Ξενοφῶντα καὶ Φανόμαχον ἀπέστειλαν ἐπὶ Θρᾴκην μετὰ στρατιωτῶν χιλίων.

οὗτοι δὲ παραγενηθέντεσ εἰσ Σπάρτωλον τῆσ Βοττικῆσ ἔτεμον τὴν χώραν, καὶ τὸν σῖτον ἐν χλόῃ διέφθειραν. προσβοηθησάντων δὲ τοῖσ Βοττιαίοισ Ὀλυνθίων, ἡττήθησαν ὑπὸ τούτων μάχῃ· ἀνῃρέθησαν δὲ τῶν Ἀθηναίων οἵ τε στρατηγοὶ καὶ τῶν στρατιωτῶν οἱ πλείουσ. ἅμα δὲ τούτοισ πραττομένοισ Λακεδαιμόνιοι πεισθέντεσ ὑπὸ Ἀμβρακιωτῶν ἐστράτευσαν εἰσ Ἀκαρνανίαν.

ἡγούμενοσ δὲ τούτων Κνῆμοσ εἶχε στρατιώτασ πεζοὺσ χιλίουσ καὶ ναῦσ ὀλίγασ· προσλαβόμενοσ δὲ καὶ παρὰ τῶν συμμάχων στρατιώτασ τοὺσ ἱκανοὺσ ἧκεν εἰσ τὴν Ἀκαρνανίαν καὶ κατεστρατοπέδευσε πλησίον πόλεωσ τῆσ ὀνομαζομένησ Στράτου. οἱ δὲ Ἀκαρνᾶνεσ συστραφέντεσ καὶ τοῖσ πολεμίοισ ἐνεδρεύσαντεσ πολλοὺσ ἀπέκτειναν, καὶ συνηνάγκασαν τὸν Κνῆμον ἀπαγαγεῖν τὴν δύναμιν εἰσ τοὺσ ὀνομαζομένουσ Οἰνιάδασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 47

(디오도로스 시켈로스, Library, book xii, chapter 47)

상위

목록

SEARCH

MENU NAVIGATION