Diodorus Siculus, Library, book xii, chapter 5

(디오도로스 시켈로스, Library, book xii, chapter 5)

ἐπ’ ἄρχοντοσ δὲ Ἀθήνησι Φιλίσκου Ῥωμαῖοι κατέστησαν ὑπάτουσ Τίτον Ῥωμίλιον Οὐατικανὸν καὶ Γάιον Οὐετούριον Κιχώριον, Ἠλεῖοι δὲ ἤγαγον Ὀλυμπιάδα τρίτην πρὸσ ταῖσ ὀγδοήκοντα, καθ’ ἣν ἐνίκα στάδιον Κρίσων Ἱμεραῖοσ. ἐπὶ δὲ τούτων Μεγαρεῖσ μὲν ἀπέστησαν ἀπὸ Ἀθηναίων, καὶ πρὸσ Λακεδαιμονίουσ διαπρεσβευσάμενοι συμμαχίαν ἐποίησαν·

οἱ δὲ Ἀθηναῖοι παροξυνθέντεσ ἐξέπεμψαν στρατιώτασ εἰσ τὴν τῶν Μεγαρέων χώραν, καὶ τὰσ κτήσεισ διαρπάσαντεσ πολλῆσ ὠφελείασ κύριοι κατέστησαν. τῶν δ’ ἐκ τῆσ πόλεωσ βοηθούντων τῇ χώρᾳ συνέστη μάχη, καθ’ ἣν οἱ Ἀθηναῖοι νικήσαντεσ συνεδίωξαν τοὺσ Μεγαρεῖσ ἐντὸσ τῶν τειχῶν.

일치하는 문장이 없습니다.

SEARCH

MENU NAVIGATION