헬라어 문장 검색 - Διοδορ́Λιβραρψ́5́09́

(디오도로스 시켈로스, Library, book xii, chapter 11)

ὀλίγον δὲ χρόνον ὁμονοήσαντεσ οἱ Θούριοι στάσει μεγάλῃ περιέπεσον οὐκ ἀλόγωσ. οἱ γὰρ προϋπάρχοντεσ Συβαρῖται τὰσ μὲν ἀξιολογωτάτασ ἀρχὰσ ἑαυτοῖσ προσένεμον, τὰσ δ’ εὐτελεῖσ τοῖσ ὕστερον προσγεγραμμένοισ πολίταισ· καὶ τὰσ γυναῖκασ ἐπιθύειν τοῖσ θεοῖσ ᾤοντο δεῖν πρώτασ μὲν τὰσ πολίτιδασ, ὑστέρασ δὲ τὰσ μεταγενεστέρασ· πρὸσ δὲ τούτοισ τὴν μὲν σύνεγγυσ τῇ πόλει χώραν κατεκληρούχουν ἑαυτοῖσ, τὴν δὲ πόρρω κειμένην τοῖσ ἐπήλυσι. γενομένησ δὲ διαφορᾶσ διὰ τὰσ εἰρημένασ αἰτίασ, οἱ προσγραφέντεσ ὕστερον πολῖται πλείουσ καὶ κρείττονεσ ὄντεσ ἀπέκτειναν σχεδὸν ἅπαντασ τοὺσ προϋπάρχοντασ Συβαρίτασ, καὶ τὴν πόλιν αὐτοὶ κατῴκησαν.

πολλῆσ δὲ οὔσησ καὶ καλῆσ χώρασ, οἰκήτορασ ἐκ τῆσ Ἑλλάδοσ μεταπεμψάμενοι συχνούσ, διενείμαντο τὴν πόλιν καὶ τὴν χώραν ἐπ’ ἴσησ ἔνεμον. οἱ δὲ διαμένοντεσ ταχὺ πλούτουσ μεγάλουσ ἐκτήσαντο, καὶ πρὸσ τοὺσ Κροτωνιάτασ φιλίαν συνθέμενοι καλῶσ ἐπολιτεύοντο.

συστησάμενοι δὲ πολίτευμα δημοκρατικὸν διεῖλον τοὺσ πολίτασ εἰσ δέκα φυλάσ, καὶ τὰσ προσηγορίασ ἁπάσαισ περιέθηκαν ἐκ τῶν ἐθνῶν, τρεῖσ μὲν ἀπὸ τῶν ἐκ Πελοποννήσου συναχθέντων ὀνομάσαντεσ Ἀρκάδα καὶ Ἀχαί̈δα καὶ Ἠλείαν, τὰσ ἴσασ δὲ ἀπὸ τῶν ἔξωθεν ὁμοεθνῶν, Βοιωτίαν, Ἀμφικτυονίδα, Δωρίδα, τὰσ δὲ λοιπὰσ τέτταρασ ἀπὸ τῶν ἄλλων γενῶν, Ιἄδα, Ἀθηναί̈δα, Εὐβοί̈δα, Νησιῶτιν. εἵλοντο δὲ καὶ νομοθέτην τὸν ἄριστον τῶν ἐν παιδείᾳ θαυμαζομένων πολιτῶν Χαρώνδαν. οὗτοσ δὲ ἐπισκεψάμενοσ τὰσ ἁπάντων νομοθεσίασ ἐξελέξατο τὰ κράτιστα καὶ κατέταξεν εἰσ τοὺσ νόμουσ·

πολλὰ δὲ καὶ ἴδια ἐπινοησάμενοσ ἐξεῦρε, περὶ ὧν οὐκ ἀνοίκειόν ἐστιν ἐπιμνησθῆναι πρὸσ διόρθωσιν τῶν ἀναγινωσκόντων. πρῶτον μὲν γὰρ τοῖσ μητρυιὰν ἐπαγομένοισ κατὰ τῶν ἰδίων τέκνων ἔθηκε πρόστιμον τὸ μὴ γίνεσθαι συμβούλουσ τούτουσ τῇ πατρίδι, νομίζων τοὺσ κακῶσ περὶ τῶν ἰδίων τέκνων βουλευσαμένουσ καὶ συμβούλουσ κακοὺσ ἔσεσθαι τῇ πατρίδι.

ἔφη γὰρ τοὺσ μὲν πρῶτον γήμαντασ καὶ ἐπιτυχόντασ δεῖν εὐημεροῦντασ καταπαύειν, τοὺσ δὲ ἀποτυχόντασ τῷ γάμῳ καὶ πάλιν ἐν τοῖσ αὐτοῖσ ἁμαρτάνοντασ ἄφρονασ δεῖν ὑπολαμβάνεσθαι. τοὺσ δ’ ἐπὶ συκοφαντίᾳ καταγνωσθέντασ προσέταξε περιπατεῖν ἐστεφανωμένουσ μυρίκῃ, ὅπωσ ἐν πᾶσι τοῖσ πολίταισ φαίνωνται τὸ πρωτεῖον τῆσ πονηρίασ περιπεποιημένοι.

διὸ καί τινασ ἐπὶ τούτῳ τῷ ἐγκλήματι καταδικασθέντασ τὸ μέγεθοσ τῆσ ὕβρεωσ οὐκ ἐνεγκόντασ ἑκουσίωσ ἑαυτοὺσ ἐκ τοῦ ζῆν μεταστῆσαι. οὗ συντελεσθέντοσ ἐφυγαδεύθη πᾶσ ἐκ τῆσ πόλεωσ ὁ συκοφαντεῖν εἰωθώσ, καὶ τὸ πολίτευμα μακάριον εἶχε βίον τῆσ τοιαύτησ κακίασ ἀπηλλαγμένον. ἔγραψε δὲ ὁ Χαρώνδασ καὶ περὶ τῆσ κακομιλίασ νόμον ἐξηλλαγμένον καὶ τοῖσ ἄλλοισ νομοθέταισ παρεωραμένον.

ὑπολαβὼν γὰρ τοὺσ ἀγαθοὺσ ἄνδρασ ἐνίοτε διὰ τὴν πρὸσ τοὺσ πονηροὺσ φιλίαν καὶ συνήθειαν διαστρέφεσθαι τὰ ἤθη πρὸσ κακίαν, καὶ τὴν φαυλότητα καθάπερ λοιμικὴν νόσον ἐπινέμεσθαι τὸν βίον τῶν ἀνθρώπων καὶ νοσοποιεῖν τὰσ ψυχὰσ τῶν ἀρίστων· κατάντησ γὰρ ἡ πρὸσ τὸ χεῖρον ὁδόσ, ῥᾳδίαν ἔχουσα τὴν ὁδοιπορίαν· διὸ καὶ τῶν μετρίων πολλοὶ τοῖσ ἤθεσιν, ὑπούλοισ ἡδοναῖσ δελεασθέντεσ, εἰσ ἐπιτηδεύσεισ χειρίστασ περιώκειλαν· ταύτην οὖν τὴν διαφθορὰν ἀναστεῖλαι βουλόμενοσ ὁ νομοθέτησ ἀπηγόρευσε τῇ τῶν πονηρῶν φιλίᾳ τε καὶ συνηθείᾳ χρήσασθαι, καὶ δίκασ ἐποίησε κακομιλίασ, καὶ προστίμοισ μεγάλοισ ἀπέτρεψε τοὺσ ἁμαρτάνειν μέλλοντασ. ἔγραψε δὲ καὶ ἕτερον νόμον πολὺ τούτου κρείττονα καὶ τοῖσ παλαιοτέροισ αὐτοῦ νομοθέταισ ἠμελημένον·

ἐνομοθέτησε γὰρ τῶν πολιτῶν τοὺσ υἱεῖσ ἅπαντασ μανθάνειν γράμματα, χορηγούσησ τῆσ πόλεωσ τοὺσ μισθοὺσ τοῖσ διδασκάλοισ. ὑπέλαβε γὰρ τοὺσ ἀπόρουσ τοῖσ βίοισ, ἰδίᾳ μὴ δυναμένουσ διδόναι μισθούσ, ἀποστερήσεσθαι τῶν καλλίστων ἐπιτηδευμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 11

(디오도로스 시켈로스, Library, book xii, chapter 11)

상위

목록

SEARCH

MENU NAVIGATION