헬라어 문장 검색 - Διοδορ́Λιβραρψ́5́36́

(디오도로스 시켈로스, Library, book xii, chapter 62)

τῆσ δὲ πολιορκίασ ἀνυπέρβλητον τὴν σπουδὴν ἐχούσησ παρ’ ἀμφοτέροισ, καὶ τῶν Σπαρτιατῶν βίαν προσαγόντων τοῖσ τείχεσι, πολλοὶ μὲν ἄλλοι κατὰ τὰσ ἀνδραγαθίασ ἐθαυμάσθησαν, μεγίστησ δὲ ἀποδοχῆσ ἔτυχε Βρασίδασ. τῶν γὰρ τριηράρχων οὐ τολμώντων προσαγαγεῖν τῇ γῇ τὰσ τριήρεισ διὰ τὴν χαλεπότητα τῶν τόπων, τριήραρχοσ ὢν ἐβόα καὶ παρεκελεύετο τῷ κυβερνήτῃ μὴ φείδεσθαι τοῦ σκάφουσ, ἀλλὰ καὶ βίᾳ προσάγειν τῇ γῇ τὴν τριήρη·

αἰσχρὸν γὰρ εἶναι τοῖσ Σπαρτιάταισ τῆσ μὲν ψυχῆσ ἀφειδεῖν ἕνεκα τῆσ νίκησ, τῶν δὲ σκαφῶν φείδεσθαι καὶ περιορᾶν Ἀθηναίουσ κρατοῦντασ τῆσ Λακωνικῆσ. τέλοσ δὲ συναναγκάσαντοσ τὸν κυβερνήτην προσαγαγεῖν τὴν ναῦν, ἡ μὲν τριήρησ ἐπώκειλεν, ὁ δὲ Βρασίδασ ἐπιβὰσ ἐπὶ τὴν τῆσ νεὼσ ἐπιβάθραν ἐκ ταύτησ ἠμύνατο τὸ πλῆθοσ τῶν ἐπ’ αὐτὸν συνδραμόντων Ἀθηναίων.

καὶ τὸ μὲν πρῶτον τοὺσ προσιόντασ πολλοὺσ ἀπέκτεινε, μετὰ δὲ ταῦτα πολλῶν ἐπ’ αὐτὸν ἐπιφερομένων βελῶν πολλοῖσ περιέπιπτεν ἐναντίοισ τραύμασι. τέλοσ δὲ διὰ τῶν τραυμάτων αἵματοσ ἐκχυθέντοσ πολλοῦ, καὶ διὰ τοῦτο λιποψυχήσαντοσ αὐτοῦ, ὁ μὲν βραχίων προέπεσεν ἐκ τῆσ νεώσ, ἡ δ’ ἀσπὶσ περιρρυεῖσα καὶ πεσοῦσα εἰσ τὴν θάλατταν ὑποχείριοσ ἐγένετο τοῖσ πολεμίοισ.

μετὰ δὲ ταῦτα οὗτοσ μὲν πολλοὺσ τῶν πολεμίων νεκροὺσ σωρεύσασ αὐτὸσ ἡμιθανὴσ ἐκ τῆσ νεὼσ ὑπὸ τῶν ἰδίων ἀπηνέχθη, τοσοῦτον τοὺσ ἄλλουσ ὑπερβαλόμενοσ ἀνδρείᾳ, ὥστε τῶν ἄλλων τοὺσ ἀποβαλόντασ τὴν ἀσπίδα θανάτῳ κολάζεσθαι, τοῦτον δ’ ἐπὶ τῇ αὐτῇ αἰτίᾳ ἀπενέγκασθαι δόξαν.

οἱ μὲν οὖν Λακεδαιμόνιοι συνεχεῖσ προσβολὰσ ποιούμενοι τῇ Πύλῳ, καὶ πολλοὺσ ἀποβαλόντεσ στρατιώτασ, ἔμενον καρτερῶσ ἐν τοῖσ δεινοῖσ.

θαυμάσαι δ’ ἄν τισ τῆσ τύχησ τὸ παράδοξον καὶ τὴν ἰδιότητα τῆσ τῶν περὶ τὴν Πύλον διαθέσεωσ. Ἀθηναῖοι μὲν γὰρ ἐκ τῆσ Λακωνικῆσ ἀμυνόμενοι τοὺσ Σπαρτιάτασ ἐκράτουν, Λακεδαιμόνιοι δὲ τὴν ἰδίαν χώραν πολεμίαν ἔχοντεσ ἐκ τῆσ θαλάττησ προσέβαλλον τοῖσ πολεμίοισ, καὶ τοῖσ μὲν πεζῇ κρατοῦσι θαλαττοκρατεῖν συνέβαινε, τοῖσ δὲ κατὰ θάλατταν πρωτεύουσι τῆσ γῆσ ἀπείργειν τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 62

(디오도로스 시켈로스, Library, book xii, chapter 62)

상위

목록

SEARCH

MENU NAVIGATION