헬라어 문장 검색 - Διοδορ́Λιβραρψ́5́18́

(디오도로스 시켈로스, Library, book xii, chapter 28)

οἱ δὲ Σάμιοι διὰ τὴν ἀνάζευξιν τοῦ Περικλέουσ νομίζοντεσ ἔχειν καιρὸν ἐπιτήδειον εἰσ ἐπίθεσιν ταῖσ ἀπολελειμμέναισ ναυσίν, ἐπέπλευσαν ἐπ’ αὐτάσ, καὶ νικήσαντεσ τῇ ναυμαχίᾳ φρονήματοσ ἐπληροῦντο. ὁ δὲ Περικλῆσ ἀκούσασ τὴν τῶν ἰδίων ἧτταν, εὐθὺσ ὑπέστρεψε καὶ στόλον ἀξιόλογον ἤθροισε, βουλόμενοσ εἰσ τέλοσ συντρῖψαι τὸν τῶν ἐναντίων στόλον.

ταχὺ δ’ ἀποστειλάντων Ἀθηναίων μὲν ἑξήκοντα τριήρεισ, Χίων δὲ καὶ Μυτιληναίων τριάκοντα, μεγάλην ἔχων δύναμιν συνεστήσατο τὴν πολιορκίαν καὶ κατὰ γῆν καὶ κατὰ θάλατταν, συνεχεῖσ ποιούμενοσ προσβολάσ. κατεσκεύασε δὲ καὶ μηχανὰσ πρῶτοσ τῶν πρὸ αὐτοῦ τούσ τε ὀνομαζομένουσ κριοὺσ καὶ χελώνασ, Ἀρτέμωνοσ τοῦ Κλαζομενίου κατασκευάσαντοσ.

ἐνεργῶσ δὲ πολιορκήσασ τὴν πόλιν καὶ ταῖσ μηχαναῖσ καταβαλὼν τὰ τείχη κύριοσ ἐγένετο τῆσ Σάμου. κολάσασ δὲ τοὺσ αἰτίουσ ἐπράξατο τοὺσ Σαμίουσ τὰσ εἰσ τὴν πολιορκίαν γεγενημένασ δαπάνασ, τιμησάμενοσ αὐτὰσ ταλάντων διακοσίων. παρείλετο δὲ καὶ τὰσ ναῦσ αὐτῶν καὶ τὰ τείχη κατέσκαψε, καὶ τὴν δημοκρατίαν καταστήσασ ἐπανῆλθεν εἰσ τὴν πατρίδα.

Ἀθηναίοισ δὲ καὶ Λακεδαιμονίοισ μέχρι τούτων τῶν χρόνων αἱ τριακονταετεῖσ σπονδαὶ διέμειναν ἀσάλευτοι. καὶ ταῦτα μὲν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xii, chapter 28

(디오도로스 시켈로스, Library, book xii, chapter 28)

상위

목록

SEARCH

MENU NAVIGATION