Diodorus Siculus, Library, book xii, chapter 33

(디오도로스 시켈로스, Library, book xii, chapter 33)

ἐπ’ ἄρχοντοσ δ’ Ἀθήνησι Λυσιμάχου Ῥωμαῖοι μὲν ὑπάτουσ κατέστησαν Τίτον Κοί̈ντιον καὶ Μάρκον Γεγάνιον Μακερῖνον, Ἠλεῖοι δ’ ἤγαγον Ὀλυμπιάδα ἕκτην πρὸσ ταῖσ ὀγδοήκοντα, καθ’ ἣν ἐνίκα στάδιον Θεόπομποσ Θετταλόσ. ἐπὶ δὲ τούτων Κερκυραῖοι μὲν πυνθανόμενοι τῶν παρασκευαζομένων ἐπ’ αὐτοὺσ δυνάμεων τὸ πλῆθοσ, ἀπέστειλαν πρὸσ Ἀθηναίουσ πρέσβεισ ἀξιοῦντεσ αὐτοῖσ βοηθῆσαι. τὸ δ’ αὐτὸ καὶ Κορινθίων ποιησάντων, καὶ συναχθείσησ ἐκκλησίασ, διήκουσε τῶν πρέσβεων ὁ δῆμοσ, καὶ ἐψηφίσατο συμμαχεῖν Κερκυραίοισ.

διὸ καὶ παραχρῆμα μὲν ἐξέπεμψαν τριήρεισ κατηρτισμένασ δέκα, μετὰ δὲ ταῦτα πλείουσ ἐπηγγείλαντο πέμψειν, ἐὰν ᾖ χρεία. οἱ δὲ Κορίνθιοι τῆσ τῶν Ἀθηναίων συμμαχίασ ἀποτυχόντεσ, ἐνενήκοντα μὲν αὐτοὶ τριήρεισ ἐπλήρωσαν, παρὰ δὲ τῶν συμμάχων ἑξήκοντα προσελάβοντο.

ἔχοντεσ οὖν ναῦσ κατηρτισμένασ ἑκατὸν πεντήκοντα, καὶ στρατηγοὺσ ἑλόμενοι τοὺσ χαριεστάτουσ, ἀνήχθησαν ἐπὶ τὴν Κέρκυραν, κεκρικότεσ διὰ τάχουσ ναυμαχῆσαι. οἱ δὲ Κερκυραῖοι πυνθανόμενοι τὸν τῶν πολεμίων στόλον μὴ μακρὰν ἀπέχειν, ἀντανήχθησαν τριήρεσιν ἑκατὸν εἴκοσι σὺν ταῖσ τῶν Ἀθηναίων.

γενομένησ δὲ ναυμαχίασ ἰσχυρᾶσ, τὸ μὲν πρῶτον ἐπεκράτουν οἱ Κορίνθιοι, μετὰ δὲ ταῦτα τῶν Ἀθηναίων ἐπιφανέντων ἄλλαισ εἴκοσι ναυσίν, ἃσ ἀπεστάλκεσαν ἐν τῇ δευτέρᾳ συμμαχίᾳ, συνέβη νικῆσαι τοὺσ Κερκυραίουσ. τῇ δ’ ὑστεραίᾳ πάντων τῶν Κερκυραίων ἐπιπλευσάντων οὐκ ἀνήχθησαν οἱ Κορίνθιοι. ἐπ’ ἄρχοντοσ δ’ Ἀθήνησιν Ἀντιοχίδου Ῥωμαῖοι κατέστησαν ὑπάτουσ Μάρκον Φάβιον καὶ Πόστουμον Αἰβούτιον Οὔλεκον.

ἐπὶ δὲ τούτων, Ἀθηναίων μὲν συνηγωνισμένων τοῖσ Κερκυραίοισ καὶ τῆσ κατὰ τὴν ναυμαχίαν νίκησ αἰτίων γενομένων, χαλεπῶσ εἶχον πρὸσ αὐτοὺσ οἱ Κορίνθιοι. διόπερ ἀμύνεσθαι σπεύδοντεσ τοὺσ Ἀθηναίουσ, ἀπέστησαν ἀπ’ αὐτῶν πόλιν Ποτίδαιαν, οὖσαν ἑαυτῶν ἄποικον.

ὁμοίωσ δὲ τούτοισ καὶ Περδίκκασ ὁ τῶν Μακεδόνων βασιλεύσ, ἀλλοτρίωσ διακείμενοσ πρὸσ Ἀθηναίουσ, ἔπεισε τοὺσ Χαλκιδεῖσ ἀποστάντασ Ἀθηναίων τὰσ μὲν ἐπὶ θαλάττῃ πόλεισ ἐκλιπεῖν, εἰσ μίαν δὲ συνοικισθῆναι τὴν ὀνομαζομένην Ὄλυνθον. οἱ δ’ Ἀθηναῖοι τὴν ἀπόστασιν τῶν Ποτιδαιατῶν ἀκούσαντεσ ἐξέπεμψαν τριάκοντα ναῦσ καὶ προσέταξαν τήν τε χώραν τῶν ἀφεστηκότων λεηλατῆσαι καὶ τὴν πόλιν πορθῆσαι.

οἱ δὲ πεμφθέντεσ καταπλεύσαντεσ εἰσ τὴν Μακεδονίαν κατὰ τὰσ ἐντολὰσ τοῦ δήμου, συνεστήσαντο πολιορκίαν τῆσ Ποτιδαίασ. ἔνθα δὴ τῶν Κορινθίων βοηθησάντων τοῖσ πολιορκουμένοισ δισχιλίοισ στρατιώταισ, δισχιλίουσ καὶ ὁ δῆμοσ τῶν Ἀθηναίων ἐξέπεμψε.

γενομένησ δὲ μάχησ περὶ τὸν ἰσθμὸν τὸν πλησίον τῆσ Παλληνίων, καὶ τῶν Ἀθηναίων νικησάντων καὶ πλείουσ τῶν τριακοσίων ἀνελόντων, οἱ Ποτιδαιᾶται συνεκλείσθησαν εἰσ πολιορκίαν. ἅμα δὲ τούτοισ πραττομένοισ ἔκτισαν οἱ Ἀθηναῖοι πόλιν ἐν τῇ Προποντίδι τὴν ὀνομαζομένην Ἀστακόν.

κατὰ δὲ τὴν Ἰταλίαν Ῥωμαῖοι πέμψαντεσ ἀποίκουσ εἰσ Ἄρδεα τὴν χώραν κατεκληρούχησαν.

일치하는 문장이 없습니다.

SEARCH

MENU NAVIGATION