헬라어 문장 검색 - Διοδορ́Λιβραρψ́5́35́

(디오도로스 시켈로스, Library, book xii, chapter 61)

Δημοσθένησ δὲ στρατεύσασ ἐπὶ Πύλον ἐπεβάλετο τοῦτο τὸ χωρίον τειχίσαι κατὰ τῆσ Πελοποννήσου· ἔστι γὰρ ὀχυρόν τε διαφερόντωσ καὶ κείμενον ἐν τῇ Μεσσηνίᾳ, τῆσ δὲ Σπάρτησ ἀπέχον σταδίουσ τετρακοσίουσ. ἔχων δὲ τότε καὶ ναῦσ πολλὰσ καὶ στρατιώτασ ἱκανούσ, ἐν εἴκοσιν ἡμέραισ ἐτείχισε τὴν Πύλον. Λακεδαιμόνιοι δὲ πυθόμενοι τὸν τειχισμὸν τῆσ Πύλου συνήγαγον δύναμιν ἀξιόλογον οὐ μόνον πεζήν, ἀλλὰ καὶ ναυτικήν. διὸ καὶ τριήρεσι μὲν ἐπὶ τὴν Πύλον ἔπλευσαν τετταράκοντα πέντε καλῶσ κατεσκευασμέναισ, πεζοῖσ δὲ ἐστράτευσαν μυρίοισ καὶ δισχιλίοισ, αἰσχρὸν ἡγούμενοι τοὺσ τῇ Ἀττικῇ δῃουμένῃ μὴ τολμήσαντασ βοηθεῖν ἐν Πελοποννήσῳ χωρίον τειχίζειν καὶ καταλαμβάνεσθαι.

οὗτοι μὲν οὖν ἡγουμένου Θρασυμήδουσ πλησίον τῆσ Πύλου κατεστρατοπέδευσαν.

ἐμπεσούσησ δὲ ὁρμῆσ τῷ πλήθει πάντα κίνδυνον ὑπομένειν καὶ βίᾳ χειρώσασθαι τὴν Πύλον, τὰσ μὲν ναῦσ ἀντιπρῴρουσ ἔστησαν τῷ στόματι τοῦ λιμένοσ, ὅπωσ διὰ τούτων ἐμφράξωσι τὸν εἴσπλουν τῶν πολεμίων, πεζῇ δ’ ἐκ διαδοχῆσ προσβάλλοντεσ τῷ τείχει καὶ φιλοτιμίαν τὴν μεγίστην εἰσφερόμενοι θαυμασίουσ ἀγῶνασ συνεστήσαντο. εἰσ δὲ τὴν νῆσον τὴν καλουμένην Σφακτηρίαν, παρατεταμένην δ’ ἐπὶ μῆκοσ καὶ ποιοῦσαν εὔδιον τὸν λιμένα, διεβίβασαν τοὺσ ἀρίστουσ τῶν Λακεδαιμονίων καὶ τῶν συμμάχων.

τοῦτο δ’ ἔπραξαν φθάσαι βουλόμενοι τοὺσ Ἀθηναίουσ προκαταλαβέσθαι τὴν νῆσον, εὐφυῶσ σφόδρα κειμένην πρὸσ τὴν πολιορκίαν. διημερεύοντεσ δ’ ἐν ταῖσ τειχομαχίαισ καὶ κατατιτρωσκόμενοι διὰ τὴν ἀπὸ τοῦ τείχουσ ὑπεροχὴν οὐκ ἔληγον τῆσ βίασ·

διὸ πολλοὶ μὲν αὐτῶν ἀπέθνησκον, οὐκ ὀλίγοι δὲ κατετραυματίζοντο πρὸσ τόπον ὠχυρωμένον βιαζόμενοι. οἱ δὲ Ἀθηναῖοι προκατειλημμένοι χωρίον καὶ φύσει καρτερόν, καὶ βελῶν τε πλήθη καὶ τῶν ἄλλων τῶν χρησίμων πολλὴν ἔχοντεσ ἀφθονίαν, ἐκθύμωσ ἠμύνοντο·

ἤλπιζον γὰρ κρατήσαντεσ τῆσ ἐπιβολῆσ πάντα τὸν πόλεμον περιαγαγεῖν εἰσ τὴν Πελοπόννησον καὶ δῃώσειν ἀνὰ μέροσ τὴν χώραν τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xii, chapter 61

(디오도로스 시켈로스, Library, book xii, chapter 61)

상위

목록

SEARCH

MENU NAVIGATION