헬라어 문장 검색 - Διοδορ́Λιβραρψ́5́31́

(디오도로스 시켈로스, Library, book xii, chapter 48)

περὶ δὲ τοὺσ αὐτοὺσ χρόνουσ Φορμίων ὁ τῶν Ἀθηναίων στρατηγὸσ ἔχων εἴκοσι τριήρεισ περιέτυχε ναυσὶ Λακεδαιμονίων ἑπτὰ πρὸσ ταῖσ τετταράκοντα. ναυμαχήσασ δὲ πρὸσ ταύτασ τήν τε στρατηγίδα ναῦν τῶν πολεμίων κατέδυσε καὶ τῶν ἄλλων πολλὰσ ἄπλουσ ἐποίησε, δώδεκα δὲ αὐτάνδρουσ εἷλε, τὰσ δὲ λοιπὰσ μέχρι τῆσ γῆσ κατεδίωξεν. οἱ δὲ Λακεδαιμόνιοι παρ’ ἐλπίδασ ἡττηθέντεσ ταῖσ ὑπολειφθείσαισ ναυσὶν ἔφυγον εἰσ Πάτρασ τῆσ Ἀχαί̈ασ. αὕτη μὲν οὖν ἡ ναυμαχία συνέστη περὶ τὸ Ῥίον καλούμενον. οἱ δ’ Ἀθηναῖοι τρόπαιον στήσαντεσ καὶ τῷ Ποσειδῶνι περὶ τὸν πορθμὸν ναῦν καθιερώσαντεσ ἀπέπλευσαν εἰσ πόλιν συμμαχίδα Ναύπακτον. Λακεδαιμόνιοι δ’ ἑτέρασ ναῦσ ἐξέπεμψαν εἰσ τὰσ Πάτρασ.

αὗται δὲ προσλαβόμεναι τὰσ ἐκ τῆσ ναυμαχίασ περιλελειμμένασ τριήρεισ ἠθροίσθησαν εἰσ τὸ Ῥίον· εἰσ τὸν αὐτὸν δὲ τόπον καὶ τὸ πεζὸν στρατόπεδον τῶν Πελοποννησίων κατήντησε καὶ πλησίον τοῦ στόλου κατεστρατοπέδευσε. Φορμίων δὲ τῇ προγεγενημένῃ νίκῃ φρονηματισθεὶσ ἐτόλμησεν ἐπιθέσθαι ταῖσ πολεμίαισ ναυσὶν οὔσαισ πολλαπλασίαισ·

καί τινασ αὐτῶν καταδύσασ καὶ τῶν ἰδίων ἀποβαλὼν ἀμφίδοξον ἔσχε τὴν νίκην. μετὰ δὲ ταῦτα Ἀθηναίων ἀποστειλάντων εἴκοσι τριήρεισ, οἱ Λακεδαιμόνιοι φοβηθέντεσ ἀπέπλευσαν εἰσ τὴν Κόρινθον, οὐ τολμῶντεσ ναυμαχεῖν. ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Διοτίμου Ῥωμαῖοι μὲν ὑπάτουσ κατέστησαν Γάιον Ιοὔλιον καὶ Πρόκλον Οὐεργίνιον Τρίκοστον, Ἠλεῖοι δ’ ἤγαγον Ὀλυμπιάδα ὀγδόην πρὸσ ταῖσ ὀγδοήκοντα, καθ’ ἣν ἐνίκα στάδιον Σύμμαχοσ Μεσσήνιοσ ἀπὸ Σικελίασ.

ἐπὶ δὲ τούτων Κνῆνοσ ὁ τῶν Λακεδαιμονίων ναύαρχοσ ἐν τῇ Κορίνθῳ διατρίβων ἔκρινε τὸν Πειραιᾶ καταλαβέσθαι.

ἐπυνθάνετο γὰρ μήτε ναῦσ ἐν αὐτῷ καθειλκυσμένασ ὑπάρχειν μήτε στρατιώτασ εἶναι τεταγμένουσ ἐπὶ τῆσ φυλακῆσ· τοὺσ γὰρ Ἀθηναίουσ ἀμελῶσ ἔχειν περὶ τῆσ τούτου φυλακῆσ διὰ τὸ μηδαμῶσ ἐλπίζειν τολμῆσαι τινὰσ καταλαβέσθαι τὸν τόπον. διόπερ ἐν τοῖσ Μεγάροισ καθελκύσασ τὰσ νενεωλκημένασ τετταράκοντα τριήρεισ νυκτὸσ ἔπλευσεν εἰσ τὴν Σαλαμῖνα·

προσπεσὼν δ’ ἀπροσδοκήτωσ εἰσ τὸ φρούριον τῆσ Σαλαμῖνοσ τὸ καλούμενον Βουδόριον, τρεῖσ ναῦσ ἀπέσπασε καὶ τὴν ὅλην Σαλαμῖνα κατέδραμε. τῶν δὲ Σαλαμινίων πυρσευσάντων τοῖσ κατὰ τὴν Ἀττικήν, οἱ μὲν Ἀθηναῖοι δόξαντεσ τὸν Πειραιᾶ κατειλῆφθαι ταχέωσ ἐξεβοήθουν μετὰ πολλῆσ ταραχῆσ·

γνόντεσ δὲ τὸ γεγονόσ, ταχέωσ πληρώσαντεσ ναῦσ ἱκανὰσ ἔπλεον εἰσ τὴν Σαλαμῖνα. οἱ δὲ Πελοποννήσιοι τῆσ ἐπιβολῆσ διαψευσθέντεσ ἀπέπλευσαν ἐκ τῆσ Σαλαμῖνοσ εἰσ τὴν οἰκείαν.

οἱ δ’ Ἀθηναῖοι, τῶν πολεμίων ἀποπεπλευκότων, τῆσ μὲν Σαλαμῖνοσ ἐπιμελεστέραν φυλακὴν ἐποιήσαντο καὶ κατέλιπον φρουροὺσ τοὺσ ἱκανούσ, τὸν δὲ Πειραιᾶ κλείθροισ καὶ φυλακαῖσ ἱκαναῖσ διαλαβόντεσ ὠχύρωσαν. περὶ δὲ τοὺσ αὐτοὺσ χρόνουσ Σιτάλκησ ὁ τῶν Θρᾳκῶν βασιλεὺσ παρειλήφει μὲν βασιλείαν ὀλίγην χώραν, διὰ δὲ τὴν ἰδίαν ἀνδρείαν καὶ σύνεσιν ἐπὶ πολὺ τὴν δυναστείαν ηὔξησεν, ἐπιεικῶσ μὲν ἄρχων τῶν ὑποτεταγμένων, ἀνδρεῖοσ δ’ ὢν ἐν ταῖσ μάχαισ καὶ στρατηγικόσ, ἔτι δὲ τῶν προσόδων μεγάλην ποιούμενοσ ἐπιμέλειαν.

τὸ δὲ τέλοσ ἐπὶ τοσοῦτον δυνάμεωσ προῆλθεν, ὥστε χώρασ ἄρξαι πλείστησ τῶν πρὸ αὐτοῦ βασιλευσάντων κατὰ τὴν Θρᾴκην. ἡ μὲν γὰρ παραθαλάττιοσ αὐτῆσ ἀπὸ τῆσ Ἀβδηριτῶν χώρασ τὴν ἀρχὴν ἔχουσα διέτεινε μέχρι τοῦ Ἴστρου ποταμοῦ, ἀπὸ δὲ θαλάττησ εἰσ τὸ μεσόγειον πορευομένῳ τοσοῦτον εἶχε διάστημα, ὥστε πεζὸν εὔζωνον ὁδοιπορῆσαι ἡμέρασ δέκα τρεῖσ.

τηλικαύτησ δὲ χώρασ βασιλεύων ἐλάμβανε προσόδουσ καθ’ ἕκαστον ἐνιαυτὸν πλείω χιλίων ταλάντων. κατὰ δὲ τοὺσ ὑποκειμένουσ καιροὺσ ἔχων πόλεμον ἤθροισεν ἐκ τῆσ Θρᾴκησ στρατιώτασ πεζοὺσ μὲν πλείουσ τῶν δώδεκα μυριάδων, ἱππεῖσ δὲ πεντακισμυρίουσ.

ἀναγκαῖον δ’ ἐστὶ τοῦ πολέμου τούτου προεκθέσθαι τὰσ αἰτίασ, ἵνα σαφὴσ ὁ περὶ αὐτοῦ λόγοσ ὑπάρξῃ τοῖσ ἀναγινώσκουσι. Σιτάλκησ τοίνυν πρὸσ Ἀθηναίουσ φιλίαν συνθέμενοσ ὡμολόγησεν αὐτοῖσ συμμαχήσειν τὸν ἐπὶ Θρᾴκησ πόλεμον· διόπερ βουλόμενοσ τοὺσ Χαλκιδεῖσ σὺν τοῖσ Ἀθηναίοισ καταπολεμῆσαι, παρεσκευάζετο δύναμιν ἀξιόλογον. ἅμα δὲ καὶ πρὸσ Περδίκκαν τὸν βασιλέα τῶν Μακεδόνων ἀλλοτρίωσ διακείμενοσ, ἔκρινε κατάγειν ἐπὶ τὴν Μακεδονικὴν βασιλείαν Ἀμύνταν τὸν Φιλίππου.

δι’ ἀμφοτέρασ οὖν τὰσ προειρημένασ αἰτίασ ἦν ἀναγκαῖον αὐτῷ συστήσασθαι δύναμιν ἀξιόλογον. ὡσ δ’ αὐτῷ τὰ πρὸσ τὴν στρατείαν εὐτρεπῆ κατεσκεύαστο, προήγαγε τὴν δύναμιν ἅπασαν, καὶ διελθὼν τὴν Θρᾴκην ἐνέβαλεν εἰσ τὴν Μακεδονίαν. οἱ δὲ Μακεδόνεσ τὸ μέγεθοσ τῆσ δυνάμεωσ καταπλαγέντεσ παρατάξασθαι μὲν οὐκ ἐτόλμησαν, ἐκκομίσαντεσ δὲ τόν τε σῖτον καὶ τῶν χρημάτων ὅσα δυνατὸν ἦν εἰσ τὰ καρτερώτατα φρούρια, μένοντεσ ἐν τούτοισ ἡσυχίαν εἶχον.

οἱ δὲ Θρᾷκεσ καταγαγόντεσ τὸν Ἀμύνταν ἐπὶ τὴν βασιλείαν τὸ μὲν πρῶτον διὰ λόγων καὶ πρεσβειῶν ἐπειρῶντο προσάγεσθαι τὰσ πόλεισ, ὡσ δ’ οὐδεὶσ αὐτοῖσ προσεῖχεν, εὐθὺσ τῷ πρώτῳ φρουρίῳ προσβαλόντεσ κατὰ κράτοσ εἷλον.

μετὰ δὲ ταῦτά τινεσ τῶν πόλεων καὶ τῶν φρουρίων διὰ τὸν φόβον ἑκουσίωσ ὑπετάγησαν.

πορθήσαντεσ δὲ πᾶσαν τὴν Μακεδονίαν καὶ πολλῆσ ὠφελείασ κύριοι γενόμενοι μετέβησαν ἐπὶ τὰσ Ἑλληνίδασ πόλεισ τὰσ τῶν Χαλκιδέων. τοῦ δὲ Σιτάλκου περὶ ταῦτα διατρίβοντοσ Θετταλοὶ καὶ Ἀχαιοὶ καὶ Μάγνητεσ καὶ οἱ ἄλλοι πάντεσ Ἕλληνεσ ὅσοι κατῴκουν μεταξὺ Μακεδονίασ καὶ Θερμοπυλῶν, συνεφρόνησαν καὶ δύναμιν ἀξιόλογον κοινῇ συνεστήσαντο·

εὐλαβοῦντο γὰρ μήποτε τοσαύταισ μυριάσιν οἱ Θρᾷκεσ ἐμβάλωσιν αὐτῶν εἰσ τὴν χώραν, καὶ κινδυνεύσωσι ταῖσ πατρίσι. τὸ δ’ αὐτὸ καὶ τῶν Χαλκιδέων ποιησάντων, Σιτάλκησ πυθόμενοσ τοὺσ Ἕλληνασ ἁδρὰσ δυνάμεισ συνηθροικέναι καὶ τοὺσ στρατιώτασ ὑπὸ τοῦ χειμῶνοσ ἐνοχλουμένουσ ἐννοούμενοσ, πρὸσ μὲν τὸν Περδίκκαν διαλυσάμενοσ ἐπιγαμίασ ἐποιήσατο, τὰσ δὲ δυνάμεισ ἀπήγαγεν εἰσ τὴν Θρᾴκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 48

(디오도로스 시켈로스, Library, book xii, chapter 48)

상위

목록

SEARCH

MENU NAVIGATION