Plutarch, Alexander, chapter 10 4:

ἐπεὶ δὲ Παυσανίασ Ἀττάλου γνώμῃ καὶ Κλεοπάτρασ ὑβρισθεὶσ καὶ μὴ τυχὼν δίκησ ἀνεῖλε Φίλιππον, τὸ μὲν πλεῖστον εἰσ Ὀλυμπιάδα τῆσ αἰτίασ περιῆλθεν, ὡσ θυμουμένῳ τῷ νεανίσκῳ προσεγκελευσαμένην καὶ παροξύνασαν, ἔθιγε δέ τισ καὶ Ἀλεξάνδρου διαβολή, λέγεται γὰρ ἐντυχόντοσ αὐτῷ τοῦ Παυσανίου μετὰ τὴν ὕβριν ἐκείνην καὶ ἀποδυρομένου προενέγκασθαι τὸ τῆσ Μηδείασ ἰαμβεῖον· τὸν δόντα καὶ γήμαντα καὶ γαμουμένην, οὐ μὴν ἀλλὰ καὶ τοὺσ συναιτίουσ τῆσ ἐπιβουλῆσ ἀναζητήσασ ἐκόλασε, καὶ τὴν Κλεοπάτραν ἀποδημοῦντοσ αὐτοῦ τῆσ Ὀλυμπιάδοσ ὠμῶσ μεταχειρισαμένησ ἠγανάκτησε.