헬라어 문장 검색 - Πλυταρ́Δεξομμύ41́

(플루타르코스, De communibus notitiis adversus Stoicos, section 40)

καὶ μὴν τὸ μηδενὸσ ἅπτεσθαι μηδὲν παρὰ τὴν ἔννοιάν ἐστιν· οὐχ ἧττον δὲ τοῦτο, ἅπτεσθαι μὲν ἀλλήλων τὰ σώματα μηδενὶ δ’ ἅπτεσθαι τοῦτο δ’ ἀνάγκη προσδέχεσθαι τοῖσ μὴ ἀπολείπουσιν ἐλάχιστα μέρη σώματοσ, ἀλλ’ ἀεί τι τοῦ δοκοῦντοσ ἅπτεσθαι πρότερον λαμβάνουσι καὶ μηδέποτε τοῦ προάγειν ἐπέκεινα παυομένοισ.

"τὸ μήθ’ ὅλοισ ὅλων ἁφὴν εἶναι μήτε μέρεσι μερῶν τὸ μὲν γὰρ οὐχ ἁφὴν ἀλλὰ κρᾶσιν ποιεῖν, τὸ δ’ οὐκ εἶναι δυνατόν, μέρη τῶν ἀμερῶν οὐκ ἐχόντων" πῶσ οὖν οὐκ αὐτοὶ τούτῳ περιπίπτουσι, μηδὲν μέροσ ἔσχατον μηδὲ πρῶτον ἀπολείποντεσ;

"ψαύειν κατὰ πέρασ τὰ σώματα οὐχ ὅλα ὅλων οὐδὲ κατὰ μέροσ λέγουσι·

"τὸ δὲ πέρασ σῶμα οὔκ ἐστιν. ἅψεται τοίνυν σῶμα σώματοσ ἀσωμάτῳ·

καὶ οὐχ ἅψεται πάλιν, ἀσωμάτου μεταξὺ ὄντοσ. εἰ δ’ ἅψεται, καὶ ποιήσει τι καὶ πείσεται τῷ ἀσωμάτῳ τὸ σῶμα· ποιεῖν γάρ τι καὶ πάσχειν ὑπ’ ἀλλήλων καὶ ἅπτεσθαι τὰ σώματα πέφυκεν.

εἰ δ’ ἁφὴν ἴσχει τῷ ἀσωμάτῳ τὸ σῶμα, καὶ συναφὴν ἕξει καὶ κρᾶσιν καὶ συμφυϊάν.

ἔτι γὰρ ἐν ταῖσ συναφαῖσ; καὶ κράσεσιν ἢ μένειν ἀναγκαῖον ἢ μὴ μένειν, ἀλλ’ ἐφθάρθαι τὰ πέρατα τῶν σωμάτων. ἑκάτερον δὲ παρὰ τὴν ἔννοιάν ἐστι· φθορὰσ μὲν γὰρ ἀσωμάτων καὶ γενέσεισ οὐδ’ αὐτοὶ καταλείπουσι κρᾶσισ δὲ καὶ συναφὴ σωμάτων ἰδίοισ χρωμένων πέρασιν οὐκ ἂν γένοιτο τὸ γὰρ πέρασ ὁρίζει καὶ ἵστησι τὴν τοῦ σώματοσ φύσιν·

αἱ δὲ κράσεισ, εἰ μὴ μερῶν παρὰ μέρη παραθέσεισ εἰσὶν ἀλλ’ ὅλοισ ὅλα τὰ κιρνάμενα συγχέουσιν, ὥσπερ οὗτοι λέγουσι, φθορὰσ ἀπολειπτέον περάτων ἐν ταῖσ μίξεσιν, εἶτα γενέσεισ ἐν ταῖσ διαστάσεσι ταῦτα δ’ οὐδεὶσ ἂν ῥᾳδίωσ νοήσειεν.

ἀλλὰ μὴν καθ’ ὃ γ’ ἅπτεται τὰ σώματα ἀλλήλων, κατὰ τοῦτο καὶ πιέζεται καὶ θλίβεται καὶ συντρίβεται ὑπ’ ἀλλήλων ἀσώματον δὲ ταῦτα πάσχειν ἢ ποιεῖν οὐ δυνατόν, ἀλλ’ οὐδὲ διανοητόν ἐστι·

τοῦτο δὲ βιάζονται νοεῖν ἡμᾶσ. κατὰ σημεῖον ἅπτεται, δῆλον ὅτι καὶ σύρεται κατὰ σημεῖον διὰ τοῦ ἐπιπέδου·

κἂν μίλτῳ τὴν ἐπιφάνειαν ἀληλιμμένη, μιλτίνην ἐνομόρξεται τῷ ἐπιπέδῳ γραμμήν·

κἂν πεπυρρωμένη, πυρρώσει τὸ ἐπίπεδον ἀσωμάτῳ δὲ χρώζεσθαι καὶ ἀσωμάτῳ πυροῦσθαι σῶμα παρὰ τὴν ἔννοιάν ἐστιν. ἂν δὲ δὴ κεραμεᾶν ἢ κρυσταλλίνην σφαῖραν εἰσ ἐπίπεδον φερομένην λίθινον ἀφ’ ὕψουσ νοήσωμεν, ἄλογον εἰ μὴ συντριβήσεται, πληγῆσ πρὸσ ἀντίτυπον γενομένησ ἀτοπώτερον δὲ τὸ συντριβῆναι κατὰ πέρασ καὶ σημεῖον ἀσώματον προσπεσοῦσαν.

προλήψεισ, μᾶλλον δ’ ἀναιρεῖσθαι, πολλὰ τῶν ἀδυνάτων παρατιθεμένοισ παρὰ τὴν ἔννοιάν ἐστι χρόνον εἶναι μέλλοντα καὶ παρῳχημένον, ἐνεστῶτα δὲ μὴ εἶναι χρόνον, ἀλλὰ τὸ μὲν ἄρτι καὶ τὸ πρῴην ὑφεστάναι, τὸ δὲ νῦν ὅλωσ μηδὲν εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De communibus notitiis adversus Stoicos, section 40

(플루타르코스, De communibus notitiis adversus Stoicos, section 40)

상위

목록

SEARCH

MENU NAVIGATION