헬라어 문장 검색 - Πλυταρ́Ξιξερό48́

(플루타르코스, Cicero, chapter 48)

ἐν τούτῳ δ’ οἱ σφαγεῖσ ἐπῆλθον, ἑκατοντάρχησ Ἑρέννιοσ καὶ Ποπίλλιοσ χιλίαρχοσ, ᾧ πατροκτονίασ ποτὲ δίκην φεύγοντι συνεῖπεν ὁ Κικέρων, ἔχοντεσ ὑπηρέτασ. ἐπεὶ δὲ τὰσ θύρασ κεκλεισμένασ εὑρόντεσ ἐξέκοψαν, οὐ φαινομένου τοῦ Κικέρωνοσ οὐδὲ τῶν ἔνδον εἰδέναι φασκόντων, λέγεται νεανίσκον τινά τεθραμμένον μὲν ὑπὸ τοῦ Κικέρωνοσ ἐν γράμμασιν ἐλευθερίοισ καὶ μαθήμασιν, ἀπελεύθερον δὲ Κοΐντου τοῦ ἀδελφοῦ, Φιλόλογον τοὔνομα, φράσαι τῷ χιλιάρχῳ τὸ φορεῖον κομιζόμενον διὰ τῶν καταφύτων καὶ συσκίων περιπάτων ἐπὶ τὴν θάλατταν. ὁ μὲν οὖν χιλίαρχοσ ὀλίγουσ ἀναλαβὼν μεθ’ ἑαυτοῦ περιέθει πρὸσ τὴν ἔξοδον, τοῦ δ’ Ἑρεννίου δρόμῳ φερομένου διὰ τῶν περιπάτων ὁ Κικέρων ᾔσθετο, καὶ τοὺσ οἰκέτασ ἐκέλευσεν ἐνταῦθα καταθέσθαι τὸ φορεῖον.

αὐτόσ δ’, ὥσπερ εἰώθει, τῇ ἀριστερᾷ χειρὶ τῶν γενείων ἁπτόμενοσ ἀτενὲσ ἐνεώρα τοῖσ σφαγεῦσιν, αὐχμοῦ καὶ κόμησ ἀνάπλεωσ καὶ συντετηκὼσ ὑπὸ φροντίδων τὸ πρόσωπον, ὥστε τοὺσ πλείστουσ ἐγκαλύψασθαι τοῦ Ἑρεννίου σφάζοντοσ αὐτόν, ἐσφάγη δὲ τὸν τράχηλον ἐκ τοῦ φορείου προτείνασ, ἔτοσ ἐκεῖνο γεγονὼσ ἑξηκοστὸν καί τέταρτον, τὴν δὲ κεφαλὴν ἀπέκοψεν αὐτοῦ καὶ τὰσ χεῖρασ, Ἀντωνίου κελεύσαντοσ, αἷσ τοὺσ Φιλιππικοὺσ ἔγραψεν.

αὐτόσ τε γὰρ ὁ Κικέρων τοὺσ κατ’ Ἀντωνίου λόγουσ Φιλιππικοὺσ ἐπέγραψε καὶ μέχρι νῦν τὰ βιβλία Φιλιππικοὶ καλοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 48

(플루타르코스, Cicero, chapter 48)

상위

목록

SEARCH

MENU NAVIGATION