호흡부호 보기
강세부호 보기
장단부호 보기
작은 Iota 보기
모든 부호 보기
τοὺσ δ’ ὑπολειφθέντασ ἐν τῇ πόλει τῶν διεφθαρμένων ὑπὸ τοῦ Κατιλίνα συνῆγε καὶ παρεθάρρυνε Κορνήλιοσ Λέντλοσ Σούρασ ἐπίκλησιν, ἀνὴρ γένουσ μὲν ἐνδόξου, βεβιωκὼσ δὲ φαύλωσ καὶ δι’ ἀσέλγειαν ἐξεληλαμένοσ τῆσ βουλῆσ πρότερον, τότε δὲ στρατηγῶν τὸ δεύτερον, ὡσ ἔθοσ ἐστὶ τοῖσ ἐξ ὑπαρχῆσ ἀνακτωμένοισ τὸ βουλευτικὸν ἀξίωμα, λέγεται δὲ καὶ τὴν ἐπίκλησιν αὐτῷ γενέσθαι τὸν Σούραν ἐξ αἰτίασ τοιαύτησ. ἐν τοῖσ κατὰ Σύλλαν χρόνοισ ταμιεύων συχνὰ τῶν δημοσίων χρημάτων ἀπώλεσε καὶ διέφθειρεν.
ἀγανακτοῦντοσ δὲ τοῦ Σύλλα καὶ λόγον ἀπαιτοῦντοσ ἐν τῇ συγκλήτῳ, προελθὼν ὀλιγώρωσ πάνυ καὶ καταφρονητικῶσ λόγον μὲν οὐκ ἔφη διδόναι, παρέχειν δὲ τὴν κνήμην, ὥσπερ εἰώθεισαν οἱ παῖδεσ ὅταν ἐν τῷ σφαιρίζειν ἁμάρτωσιν. ἐκ τούτου Σούρασ παρωνομάσθη·
σούραν γὰρ οἱ Ῥωμαῖοι τὴν κνήμην λέγουσι. πάλιν δὲ δίκην ἔχων καὶ διαφθείρασ ἐνίουσ τῶν δικαστῶν, ἐπεὶ δυσὶ μόναισ ἀπέφυγε ψήφοισ, ἔφη παρανάλωμα γεγονέναι τὸ θατέρῳ κριτῇ δοθέν ἀρκεῖν γὰρ εἰ καὶ μιᾷ ψήφῳ μόνον ἀπελύθη. τοῦτον ὄντα τῇ φύσει τοιοῦτον κεκινημένον ὑπὸ τοῦ Κατιλίνα προσδιέφθειραν ἐλπίσι κεναῖσ ψευδομάντεισ καὶ γόητεσ ἔπη πεπλασμένα καὶ χρησμοὺσ ᾄδοντεσ, ὡσ ἐκ τῶν Σιβυλλείων, προδηλοῦντασ εἱμαρμένουσ εἶναι τῇ Ῥώμῃ Κορνηλίουσ τρεῖσ μονάρχουσ, ὧν δύο μὲν ἤδη πεπληρωκέναι τὸ χρεών, Κίνναν τε καὶ Σύλλαν, τρίτῳ δὲ λοιπῷ Κορνηλίῳ ἐκείνῳ φέροντα τὴν μοναρχίαν ἥκειν τὸν δαίμονα, καὶ δεῖν πάντωσ δέχεσθαι καὶ μὴ διαφθείρειν μέλλοντα τοὺσ καιροὺσ, ὥσπερ Κατιλίνασ.
호흡부호 보기
강세부호 보기
장단부호 보기
작은 Iota 보기
모든 부호 보기