Plutarch, Cicero, chapter 33

(플루타르코스, Cicero, chapter 33)

ὁ δὲ Κλώδιοσ ἐξελάσασ τὸν Κικέρων κατέπρησε μὲν αὐτοῦ τὰσ ἐπαύλεισ, κατέπρησε δὲ τὴν οἰκίαν καὶ τῷ τόπῳ ναὸν Ἐλευθερίασ ἐπῳκοδόμησε· οἷσ ὁ Πομπήιοσ ἀδοξῶν ἐκάκιζεν αὐτὸσ ἑαυτὸν προέμενοσ τὸν Κικέρωνα καὶ πάλιν ἐκ μεταβολῆσ παντοῖοσ ἐγίνετο πράττων κάθοδον αὐτῷ μετὰ τῶν φίλων, ἐνισταμένου δὲ τοῦ Κλωδίου συνέδοξε τῇ βουλῇ μηδὲν διὰ μέσου πρᾶγμα κυροῦν μηδὲ πράττειν δημόσιον, εἰ μὴ Κικέρωνι κάθοδοσ γένοιτο, τῶν δὲ περὶ Λέντλον ὑπατευόντων καὶ τῆσ στάσεωσ πρόσω βαδιζούσησ, ὥστε τρωθῆναι μὲν ἐν ἀγορᾷ δημάρχουσ, Κόιντον δὲ τὸν Κικέρωνοσ ἀδελφὸν ἐν τοῖσ νεκροῖσ ὡσ τεθνηκότα κείμενον διαλαθεῖν, ὅ τε δῆμοσ ἤρχετο τρέπεσθαι τῇ γνώμῃ, καὶ τῶν δημάρχων Ἄννιοσ Μίλων πρῶτοσ ἐτόλμησε τὸν·

Κλώδιον εἰσ δίκην ἀπάγειν βιαίων, καὶ Πομπηϊῴ πολλοὶ συνῆλθον ἔκ τε τοῦ δήμου καὶ τῶν πέριξ πόλεων, μεθ’ ὧν προελθὼν καὶ τὸν Κλώδιον ἀναστήσασ ἐκ τῆσ ἀγορᾶσ ἐπὶ τὴν ψῆφον ἐκάλει τοὺσ πολίτασ.

καὶ λέγεται μηδέποτε μηδὲν ἐκ τοσαύτησ ὁμοφροσύνησ ἐπιψηφίσασθαι τὸν δῆμον.

ἡ δὲ σύγκλητοσ ἁμιλλωμένη πρὸσ τὸν δῆμον ἔγραψεν ἐπαινεθῆναι τὰσ πόλεισ ὅσαι τὸν Κικέρωνα παρὰ τὴν φυγὴν ἐθεράπευσαν, καὶ τὴν οἰκίαν αὐτῷ καὶ τὰσ ἐπαύλεισ, ἃσ Κλώδιοσ διεφθάρκει, τέλεσι δημοσίοισ ἀνασταθῆναι. κατῄει δὲ Κικέρων ἑκκαιδεκάτῳ μηνὶ μετὰ τὴν φυγήν·

καὶ τοσαύτη τὰσ πόλεισ χαρὰ καὶ σπουδὴ τοὺσ ἀνθρώπουσ περὶ τὴν ἀπάντησιν εἶχεν ὥστε τὸ ῥηθὲν ὑπὸ Κικέρωνοσ ὕστερον ἐνδεέστερον εἶναι τῆσ ἀληθείασ, ἔφη γὰρ αὑτὸν ἐπὶ τῶν ὤμων τὴν Ἰταλίαν φέρουσαν εἰσ τὴν Ῥώμην εἰσενεγκεῖν. ὅπου καὶ Κράσσοσ, ἐχθρὸσ ὢν αὐτῷ πρὸ τῆσ φυγῆσ, τότε προθύμωσ ἀπήντα καὶ διελύετο, τῷ παιδὶ Ποπλίῳ χαριζόμενοσ, ὡσ ἔλεγε, ζηλωτῇ τοῦ Κικέρωνοσ ὄντι.

일치하는 문장이 없습니다.

SEARCH

MENU NAVIGATION