Plutarch, Cicero, chapter 41

(플루타르코스, Cicero, chapter 41)

διανοούμενοσ δ’, ὡσ λέγεται, τὴν πάτριον ἱστορίαν γραφῇ περιλαβεῖν καὶ πολλὰ συμμῖξαι τῶν Ἑλληνικῶν καὶ ὅλωσ τοὺσ συνηγμένουσ λόγουσ αὐτῷ καὶ μύθουσ ἐνταῦθα τρέψαι, πολλοῖσ μὲν δημοσίοισ, πολλοῖσ δ’ ἰδίοισ κατελήφθη πράγμασιν ἀβουλήτοισ καὶ πάθεσιν, ὧν αὐθαίρετα δοκεῖ πλεῖστα συμβῆναι. πρῶτον μὲν γὰρ ἀπεπέμψατο τὴν γυναῖκα Τερεντίαν ἀμεληθεὶσ ὑπ’ αὐτῆσ παρὰ τὸν πόλεμον, ὥστε καὶ τῶν ἀναγκαίων ἐφοδίων ἐνδεὴσ ἀποσταλῆναι καὶ μηδ’ ὅτε κατῆρεν αὖθισ εἰσ Ἰταλίαν τυχεῖν εὐγνώμονοσ, αὐτὴ μὲν γὰρ οὐκ ἦλθεν, ἐν Βρεντεσίῳ διατρίβοντοσ αὐτοῦ πολὺν χρόνον, ἐρχομένῃ δὲ τῇ θυγατρί, παιδίσκῃ νέᾳ, τοσαύτην ὁδὸν, οὐ πομπὴν πρέπουσαν, οὐ χορηγίαν παρέσχεν, ἀλλὰ καὶ τὴν οἰκίαν τῷ Κικέρωνι πάντων ἔρημον καὶ κενὴν ἀπέδειξεν ἐπὶ πολλοῖσ ὀφλήμασι καὶ μεγάλοισ .

αὗται γὰρ εἰσιν αἱ λεγόμεναι τῆσ διαστάσεωσ εὐπρεπέσταται προφάσεισ, τῇ δὲ Τερεντίᾳ καὶ ταύτασ ἀρνουμένῃ λαμπρὰν ἐποίησε τὴν ἀπολογίαν αὐτὸσ ἐκεῖνοσ μετ’ οὐ πολὺν χρόνον γήμασ παρθένον, ὡσ μὲν ἡ Τερεντία κατεφήμιζεν, ἔρωτι τῆσ ὡρ́ασ, ὡσ δὲ Τίρων ὁ τοῦ Κικέρωνοσ ἀπελεύθεροσ γέγραφεν, εὐπορίασ ἕνεκεν πρὸσ διάλυσιν δανείων, ἦν γὰρ ἡ παῖσ σφόδρα πλουσία, καὶ τὴν οὐσίαν αὐτῆσ ὁ Κικέρων ἐν πίστει κληρονόμοσ ἀπολειφθεὶσ διεφύλαττεν.

ὀφείλων δὲ πολλὰσ μυριάδασ ὑπὸ τῶν φίλων καὶ οἰκείων ἐπείσθη τὴν παῖδα γῆμαι παρ’ ἡλικίαν καὶ τοὺσ δανειστὰσ ἀπαλλάξαι τοῖσ ἐκείνησ χρησάμενοσ.

Ἀντώνιοσ δὲ τοῦ γάμου μνησθεὶσ ἐν ταῖσ πρὸσ τοὺσ Φιλιππικοὺσ ἀντιγραφαῖσ ἐκβαλεῖν αὐτόν φησι γυναῖκα παρ’ ἡ ἐγήρασε· χαριέντωσ ἅμα τὴν οἰκουρίαν ὡσ ἀπράκτου καὶ ἀστρατεύτου παρασκώπτων τοῦ Κικέρωνοσ. γήμαντι δ’ αὐτῷ μετ’ οὐ πολὺν χρόνον ἡ θυγάτηρ ἀπέθανε τίκτουσα παρὰ Λέντλῳ·

τούτῳ γὰρ ἐγαμήθη μετὰ τὴν Πείσωνοσ τοῦ προτέρου ἀνδρὸσ τελευτήν. καὶ συνῆλθον μὲν ἐπὶ τὴν παραμυθίαν τῷ Κικέρωνι πανταχόθεν οἱ φίλοι· βαρέωσ δ’ ἄγαν ἤνεγκε τὸ συμβεβηκόσ, ὥστε καὶ τὴν γαμηθεῖσαν ἀποπέμψασθαι δόξασαν ἡσθῆναι τῇ τελευτῇ τῆσ Τυλλίασ.

일치하는 문장이 없습니다.

SEARCH

MENU NAVIGATION