헬라어 문장 검색 - Πλυταρ́Ξιξερό19́

(플루타르코스, Cicero, chapter 19)

ἅμα δ’ ἡμέρᾳ βουλὴν ἀθροίσασ εἰσ τὸ τῆσ Ὁμονοίασ ἱερόν ἐξανέγνω τὰ γράμματα καὶ τῶν μηνυτῶν διήκουσεν. ἔφη δὲ καὶ Σιλανὸσ Ιοὔνιοσ ἀκηκοέναι τινὰσ Κεθήγου λέγοντοσ ὡσ ὕπατοί τε τρεῖσ καὶ στρατηγοί τέτταρεσ ἀναιρεῖσθαι μέλλουσι. τοιαῦτα δ’ ἕτερα καὶ Πείσων, ἀνὴρ ὑπατικόσ, εἰσήγγειλε. Γάιοσ δὲ Σουλπίκιοσ, εἷσ τῶν στρατηγῶν, ἐπὶ τήν οἰκίαν πεμφθεὶσ τοῦ Κεθήγου πολλὰ μὲν ἐν αὐτῇ βέλη καὶ ὅπλα, πλεῖστα δὲ ξίφη καὶ μαχαίρασ εὑρ͂ε νεοθήκτουσ ἁπάσασ.

τέλοσ δὲ τῷ Κροτωνιάτῃ ψηφισαμένησ ἄδειαν ἐπὶ μηνύσει τῆσ βουλῆσ ἐξελεγχθεὶσ ὁ Λέντλοσ ἀπωμόσατο τήν ἀρχήν στρατηγῶν γὰρ ἐτύγχανε, καὶ τήν περιπόρφυρον ἐν τῇ βουλῇ καταθέμενοσ διήλλαξεν ἐσθῆτα τῇ συμφορᾷ πρέπουσαν. οὗτοσ μὲν οὖν καὶ οἱ σὺν αὐτῷ παρεδόθησαν εἰσ ἄδεσμον φυλακὴν τοῖσ στρατηγοῖσ. ἤδη δ’ ἑσπέρασ οὔσησ καὶ τοῦ δήμου παριμένοντοσ ἀθρόου, προελθὼν ὁ Κικέρων, καὶ φράσασ τὸ πρᾶγμα τοῖσ πολίταισ καὶ προπεμφθείσ, παρῆλθεν εἰσ οἰκίαν φίλου γειτνιῶντοσ, ἐπεὶ τήν ἐκείνου γυναῖκεσ κατεῖχον, ἱεροῖσ ἀπορρήτοισ ὀργιάζουσαι θεόν ἣν Ῥωμαῖοι μὲν Ἀγαθήν, Ἕλληνεσ δὲ Γυναικείαν ὀνομάζουσι.

θύεται δ’ αὐτῇ κατ’ ἐνιαυτὸν ἐν τῇ οἰκίᾳ τοῦ ὑπάτου διὰ γυναικὸσ ἢ μητρὸσ αὐτοῦ, τῶν Ἑστιάδων παρθένων παρουσῶν.

εἰσελθὼν οὖν ὁ Κικέρων, καθ’ αὑτόν, ὀλίγων παντάπασιν αὐτῷ παρόντων, ἐφρόντιζεν ὅπωσ χρήσαιτο τοῖσ ἀνδράσι. τήν τε γὰρ ἄκραν καὶ προσήκουσαν ἀδικήμασι τηλικούτοισ τιμωρίαν ἐξηυλαβεῖτο καὶ κατώκνει δι’ ἐπιείκειαν ἤθουσ ἅμα καὶ ὡσ μὴ δοκοίη τῆσ ἐξουσίασ ἄγαν ἐμφορεῖσθαι καὶ πικρῶσ ἐπεμβαίνειν ἀνδράσι γένει τε πρώτοισ καὶ φίλουσ δυνατοὺσ ἐν τῇ πόλει κεκτημένοισ· μαλακώτερόν τε χρησάμενοσ ὠρρώδει τὸν ἀπ’ αὐτῶν κίνδυνον. οὐ γὰρ ἀγαπήσειν μετριώτερόν τι θανάτου παθόντασ, ἀλλ’ εἰσ ἅπαν ἀναρραγήσεσθαι τόλμησ, τῇ παλαιᾷ κακίᾳ, νέαν ὀργὴν προσλαβόντασ·

αὐτόσ τε δόξειν ἄνανδροσ καὶ μαλακόσ, οὐδ’ ἄλλωσ δοκῶν εὐτολμότατοσ εἶναι τοῖσ πολλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 19

(플루타르코스, Cicero, chapter 19)

상위

목록

SEARCH

MENU NAVIGATION