Plutarch, Cicero, chapter 3

(플루타르코스, Cicero, chapter 3)

ἀπαλλαγεὶσ δὲ τῶν ἐν παισὶ διατριβῶν Φίλωνοσ ἤκουσε τοῦ ἐξ Ἀκαδημείασ, ὃν μάλιστα Ῥωμαῖοι τῶν Κλειτομάχου συνήθων καί διὰ τὸν λόγον ἐθαύμασαν καί διὰ τὸν τρόπον ἠγάπησαν. ἅμα δὲ τοῖσ περὶ Μούκιον ἀνδράσι συνών πολιτικοῖσ καὶ πρωτεύουσι τῆσ βουλῆσ εἰσ ἐμπειρίαν τῶν νόμων ὠφελεῖτο· καί τινα χρόνον καί στρατείασ μετέσχεν ὑπὸ Σύλλᾳ περὶ τὸν Μαρσικὸν πόλεμον. εἶθ’ ὁρῶν εἰσ στάσιν, ἐκ δὲ τῆσ στάσεωσ εἰσ ἄκρατον ἐμπίπτοντα τὰ πράγματα μοναρχίαν, ἐπὶ τὸν σχολαστὴν καί θεωρητικὸν ἐλθὼν βίον Ἕλλησί συνῆν φιλολόγοισ καί προσεῖχε τοῖσ μαθήμασιν, ἄχρι οὗ Σύλλασ ἐκράτησε καί κατάστασίν τινα λαμβάνειν ἔδοξεν ἡ πόλισ.

ἐν δὲ τῷ χρόνῳ τούτῳ Χρυσόγονοσ ἀπελεύθεροσ Σύλλα προσαγγείλασ τινὸσ οὐσίαν ὡσ ἐκ προγραφῆσ ἀναιρεθέντοσ αὐτὸσ ἐωνήσατο δισχιλίων δραχμῶν, ἐπεὶ δὲ Ῥώσκιοσ ὁ υἱὸσ καί κληρονόμοσ τοῦ τεθνηκότοσ. ἠγανάκτει καί τὴν οὐσίαν ἀπεδείκνυε πεντήκοντα καί διακοσίων ταλάντων οὖσαν ἀξίαν, ὅ τε Σύλλασ ἐλεγχόμενοσ ἐχαλέπαινε καί δίκην πατροκτονίασ ἐπῆγε τῷ Ῥωσκίῳ, τοῦ Χρυσογόνου κατασκευάσαντοσ, ἐβοήθει δ’ οὐδείσ, ἀλλ’ ἀπετρέποντο τοῦ Σύλλα τὴν χαλεπότητα δεδοικότεσ, οὕτω δὴ δι’ ἐρημίαν τοῦ μειρακίου τῷ Κικέρωνι προσφυγόντοσ οἱ φίλοι συμπαρώρμων, ὡσ οὐκ ἂν αὐτῷ λαμπροτέραν αὖθισ ἀρχὴν πρὸσ δόξαν ἑτέραν οὐδὲ καλλίω γενησομένην.

ἀναδεξάμενοσ οὖν τὴν συνηγορίαν καὶ κατορθώσασ ἐθαυμάσθη·

δεδιὼσ δὲ τὸν Σύλλαν ἀπεδήμησεν εἰσ τὴν Ἑλλάδα, διασπείρασ λόγον ὡσ τοῦ σώματοσ αὐτῷ θεραπείασ δεομένου. καί γὰρ ἦν ὄντωσ ἰσχνὸσ καί ἄσαρκοσ, ἀρρωστίᾳ στομάχου μικρὰ καί γλίσχρα μόγισ ὀψὲ τῆσ ὡρ́ασ προσφερόμενοσ·

ἡ δὲ φωνὴ πολλὴ μὲν καί ἀγαθή, σκληρὰ δὲ καί ἄπλαστοσ, ὑπὸ δὲ τοῦ λόγου σφοδρότητα καί πάθοσ ἔχοντοσ ἀεὶ διὰ τῶν ἄνω τόνων ἐλαυνομένη φόβον παρεῖχεν ὑπὲρ τοῦ σώματοσ·

일치하는 문장이 없습니다.

SEARCH

MENU NAVIGATION