Plutarch, Cicero, chapter 42

(플루타르코스, Cicero, chapter 42)

τὰ μὲν οὖν κατ’ οἶκον οὕτωσ εἶχε τῷ Κικέρωνι. τῆσ δ’ ἐπὶ Καίσαρα συνισταμένησ πράξεωσ οὐ μετέσχε, καίπερ ὢν ἑταῖροσ ἐν τοῖσ μάλιστα Βρούτου καὶ βαρύνεσθαι τὰ παρόντα καὶ τὰ πάλαι ποθεῖν πράγματα δοκῶν ὡσ ἕτεροσ οὐδείσ. ἀλλ’ ἔδεισαν οἱ ἄνδρεσ αὐτοῦ τήν τε φύσιν ὡσ ἐνδεᾶ τόλμησ, τόν τε χρόνον, ἐν ᾧ καὶ ταῖσ ἐρρωμενεστάταισ φύσεσιν ἐπιλείπει τὸ θαρρεῖν. ὡσ δ’ οὖν ἐπέπρακτο τοῖσ περὶ Βροῦτον καὶ Κάσσιον τὸ ἔργον καὶ τῶν Καίσαροσ φίλων συνισταμένων ἐπὶ τοὺσ ἄνδρασ αὖθισ ἦν δέοσ ἐμφυλίοισ πολέμοισ περιπετῆ γενέσθαι τήν πόλιν, Ἀντώνιοσ μὲν ὑπατεύων τήν βουλὴν συνήγαγε καὶ βραχέα διελέχθη περὶ ὁμονοίασ, Κικέρων δὲ πολλὰ πρὸσ τὸν καιρὸν οἰκείωσ διελθών ἔπεισε τήν σύγκλητον Ἀθηναίουσ μιμησαμένην ἀμνηστίαν τῶν ἐπὶ Καίσαρι ψηφίσασθαι νεῖμαι δὲ τοῖσ περὶ Κάσσιον καὶ Βροῦτον ἐπαρχίασ.

ἔσχε δὲ τούτων τέλοσ οὐδέν, ὁ γὰρ δῆμοσ αὐτὸσ μὲν ἀφ’ ἑαυτοῦ πρὸσ οἶκτον ἐξαχθείσ ὡσ εἶδε τόν νεκρὸν ἐκκομιζόμενον δι’ ἀγορᾶσ, Ἀντωνίου δὲ καὶ τήν ἐσθῆτα δείξαντοσ αὐτοῖσ αἵματοσ κατάπλεων καὶ κεκομμένην πάντῃ τοῖσ ξίφεσιν, ἐκμανέντεσ ὑπ’ ὀργῆσ ἐν ἀγορᾷ ζήτησιν ἐποιοῦντο τῶν ἀνδρῶν, καὶ πῦρ ἔχοντεσ ἐπὶ τὰσ οἰκίασ ἔθεον ὡσ ὑφάψοντεσ.

οἱ δὲ τοῦτον μὲν τῷ προπεφυλάχθαι διέφυγον τόν κίνδυνον, ἑτέρουσ δὲ πολλοὺσ καὶ μεγάλουσ προσδοκῶντεσ ἐξέλιπον τήν πόλιν.

일치하는 문장이 없습니다.

SEARCH

MENU NAVIGATION