헬라어 문장 검색 - Πλυταρ́Ξιξερό02́

(플루타르코스, Cicero, chapter 2)

τεχθῆναι δὲ Κικέρωνα λέγουσιν ἀνωδύνωσ καί ἀπόνωσ λοχευθείσησ αὐτοῦ τῆσ μητρὸσ ἡμέρᾳ τρίτῃ τῶν νέων Καλανδῶν, ἐν ᾗ νῦν οἱ ἄρχοντεσ εὔχονται καί θύουσιν ὑπὲρ τοῦ ἡγεμόνοσ. τῇ δὲ τίτθῃ φάσμα δοκεῖ γενέσθαι καί προειπεῖν ὡσ ὄφελοσ μέγα πᾶσι Ῥωμαίοισ ἐκτρεφούσῃ. ταῦτα δὲ ἄλλωσ ὀνείρατα καί φλύαρον εἶναι δοκοῦντα ταχέωσ αὐτὸσ ἀπέδειξε μαντείαν ἀληθινὴν ἐν ἡλικίᾳ τοῦ μανθάνειν γενόμενοσ, δι’ εὐφυϊάν ἐκλάμψασ καί λαβὼν ὄνομα καί δόξαν ἐν τοῖσ παισίν, ὥστε τοὺσ πατέρασ αὑτῶν ἐπιφοιτᾶν τοῖσ διδασκαλείοισ ὄψει τε βουλομένουσ ἰδεῖν τὸν Κικέρωνα καὶ τὴν ὑμνουμένην αὐτοῦ περὶ τὰσ μαθήσεισ ὀξύτητα καί σύνεσιν ἱστορῆσαι, τοὺσ δ’ ἀγροικοτέρουσ ὀργίζεσθαι τοῖσ υἱέσιν ὁρῶντασ ἐν ταῖσ ὁδοῖσ τὸν Κικέρωνα μέσον αὑτῶν ἐπὶ τιμῇ λαμβάνοντασ.

γενόμενοσ δ’, ὥσπερ ὁ Πλάτων ἀξιοῖ τὴν φιλομαθῆ καί φιλόσοφον φύσιν, οἱο͂σ ἀσπάζεσθαι πᾶν μάθημα καί μηδὲν λόγου μηδὲ παιδείασ ἀτιμάζειν εἶδοσ, ἐρρύη πωσ προθυμότερον ἐπὶ ποιητικήν.

καί τι καί ποιημάτιον ἔτι παιδὸσ αὐτοῦ διασῴζεται, Πόντιοσ Γλαῦκοσ, ἐν τετραμέτρῳ πεποιημένον. προϊὼν δὲ τῷ χρόνῳ καί ποικιλώτερον ἁπτόμενοσ τῆσ περὶ ταῦτα μούσησ, ἔδοξεν οὐ μόνον ῥήτωρ, ἀλλὰ καί ποιητὴσ ἄριστοσ εἶναι Ῥωμαίων. ἡ μὲν οὖν ἐπὶ τῇ ῥητορικῇ δόξα μέχρι νῦν διαμένει, καίπερ οὐ μικρᾶσ γεγενημένησ περὶ τοὺσ λόγουσ καινοτομίασ, τὴν δὲ ποιητικὴν αὐτοῦ, πολλῶν εὐφυῶν ἐπιγενομένων, παντάπασιν ἀκλεῆ καί ἄτιμον ἔρρειν συμβέβηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 2

(플루타르코스, Cicero, chapter 2)

상위

목록

SEARCH

MENU NAVIGATION