헬라어 문장 검색 - Πλυταρ́Ξιξερό13́

(플루타르코스, Cicero, chapter 13)

μάλιστα γὰρ οὗτοσ ὁ ἀνὴρ ἐπέδειξε Ῥωμαίοισ ὅσον ἡδονῆσ λόγοσ τῷ καλῷ προστίθησι, καὶ ὅτι τὸ δίκαιον ἀήττητόν ἐστιν ἂν ὀρθῶσ λέγηται, καὶ δεῖ τὸν ἐμμελῶσ πολιτευόμενον ἀεὶ τῷ μὲν ἔργῳ τὸ καλὸν ἀντὶ τοῦ κολακεύοντοσ αἱρεῖσθαι, τῷ δὲ λόγῳ τὸ λυποῦν ἀφαιρεῖν τοῦ συμφέροντοσ, δεῖγμα δὲ αὐτοῦ τῆσ περὶ τὸν λόγον χάριτοσ καὶ τὸ περὶ τὰσ θέασ ἐν τῇ ὑπατείᾳ γενόμενον. τῶν γὰρ ἱππικῶν πρότερον ἐν τοῖσ θεάτροισ ἀναμεμιγμένων τοῖσ πολλοῖσ καὶ μετὰ τοῦ δήμου θεωμένων ὡσ ἔτυχε, πρῶτοσ διέκρινεν ἐπὶ τιμῇ τοὺσ ἱππέασ ἀπὸ τῶν ἄλλων πολιτῶν Μᾶρκοσ Ὄθων στρατηγῶν, καὶ διένειμεν ἰδίαν ἐκείνοισ θέαν, ἣν ἔτι καὶ νῦν ἐξαίρετον ἔχουσι, τοῦτο πρὸσ ἀτιμίασ ὁ δῆμοσ ἔλαβε, καὶ φανέντοσ ἐν θεάτρῳ τοῦ Ὄθωνοσ ἐφυβρίζων ἐσύριττεν, οἱ δ’ ἱππεῖσ ὑπέλαβον κρότῳ τὸν ἄνδρα λαμπρῶσ, αὖθισ δὲ ὁ δῆμοσ ἐπέτεινε τὸν συριγμόν, εἶτα ἐκεῖνοι τὸν κρότον.

ἐκ δὲ τούτου τραπόμενοι πρὸσ ἀλλήλουσ ἐχρῶντο λοιδορίαισ, καὶ τὸ θέατρον ἀκοσμία κατεῖχεν.

ἐπεὶ δ’ ὁ Κικέρων ἧκε πυθόμενοσ καὶ τὸν δῆμον ἐκκαλέσασ πρὸσ τὸ τῆσ Ἐνυοῦσ ἱερὸν ἐπετίμησε καὶ παρῄνεσεν, ἀπελθόντεσ αὖθισ εἰσ τὸ θέατρον ἐκρότουν τὸν Ὄθωνα λαμπρῶσ καὶ πρὸσ τοὺσ ἱππέασ ἅμιλλαν ἐποιοῦντο περὶ τιμῶν καὶ δόξησ τοῦ ἀνδρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 13

(플루타르코스, Cicero, chapter 13)

상위

목록

SEARCH

MENU NAVIGATION